កីឡា
គ្រូថៃ និយាយបែបណាខ្លះក្រោយយកឈ្នះ កម្ពុជា ៣-១ យប់មិញ?
ក្រុមបាល់ទាត់ជម្រើសជាតិកម្ពុជា បានប្រកួតចាញ់ម្ចាស់ផ្ទះថៃ ដោយលទ្ធផល ៣-១ សម្រាប់ការប្រកួតចុងក្រោយវគ្គសន្សំពិន្ទុក្នុងពូល A នៃពានរង្វាន់ AFF Championship ២០២២ កាលពីម្សិលមិញ។
ដោយក្នុងការប្រកួត ថៃ បានបើកការនាំមុខមុននៅនាទី៤៥+១ ដោយបាល់ ១១ម៉ែត្រ Teerasil Dangda ជាអ្នកទាត់ចូល រួចឈានទៅបន្ថែមគ្រាប់ទី២ នៅនាទី៥០ ដោយកីឡាករ Sumanya Purasia មុននឹង កម្ពុជា វាយបកបាន ១គ្រាប់មកវិញនៅនាទី៦៨ ដោយ សៀង ចន្ធា ប៉ុន្តែគ្រាប់កាត់សេចក្ដីរបស់ថៃ ធ្វើបានសម្រេចដោយកីឡាករ Teerasil Dangda នៅនាទី៩០។
ក្រោយចប់ការប្រកួត លោក Mano Polking បានបានទទួលស្គាល់ថា ក្រុមជម្រើសជាតិថៃត្រូវតែធ្វើបានល្អជាងមុនក្នុងការប្រកួតជម្រុះក្នុងពូលនាពេលកន្លងមកប្រសិនបើចង់ឈានដល់គោលដៅការពារជើងឯកអាស៊ាន។ “សម្រាប់ពួកយើង វាគឺពាក់កណ្តាលនៃគោលដៅរបស់យើង។ ឥឡូវចាំមើលថានរណានឹងជួបគ្នានៅវគ្គពាក់កណ្តាលផ្តាច់ព្រ័ត្រ។ មុនពេលវិភាគការប្រកួតរបស់គូប្រកួត គោលដៅរបស់យើងគឺច្បាស់ណាស់គឺដើម្បីការពារពានរង្វាន់នេះ” លោក Mano និយាយ។
លោកក៏បាននិយាយពីកម្ពុជា ផងដែរថា បានយកក្បួនលេងពីក្រុមដែលប្រកួតនៅ World Cup ដែលទើបបញ្ចប់ថ្មីៗនៅប្រទេសកាតា។ លោកបានបន្តថា៖ “អ្វីដែលច្បាស់គឺប្រសិនបើយើងចង់ការពារតំណែងជើងឯក យើងត្រូវតែលេងជាមួយគ្នាឲ្យបានល្អជាងនេះ។ ជាពិសេសនៅតង់ទីមួយ យើងបានបាត់បង់បាល់ច្រើនជាងអ្វីដែលយើងគួរមាន។ កម្ពុជា បានលេងរបៀបដែលក្រុមជាច្រើនបានលេងនៅ World Cup។ ហើយជាមួយនឹងការទម្លាក់ បន្ទាប់មកគេបានផ្តោតលើការលេងការពារ ហើយព្យាយាមស្វែងរកការវាយបក ហើយគេមានកីឡាករដែលមានល្បឿនលឿន។ ហើយយើងដឹងរួចហើយថាពួកគេមានផែនការនេះ។”
គួរបញ្ជាក់ថា ជ័យជម្នះរបស់ថៃ បានធ្វើឱ្យគេឈរនៅកំពូលតារាងនៃពូល A មាន ១០ពិន្ទុដឹកដៃគ្នាជាមួយ ឥណ្ឌូនេស៊ី ដែលមាន ១០ពិន្ទុដូចគ្នាឡើងវគ្គបន្ត។ ដោយឡែក កម្ពុជា បានត្រឹមឈរនៅលេខ៣ ក្នុងពូលមាន ៦ពិន្ទុ៕
អត្ថបទ៖ មន្នីរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ