FIFA ស្នើឲ្យគ្រប់ប្រទេស ដាក់ឈ្មោះកីឡដ្ឋានបាល់ទាត់ថា Pele

FIFA នឹងស្នើឲ្យប្រទេសទាំងអស់លើពិភពលោក ដាក់ឈ្មោះកីឡដ្ឋានដូចវីរបុរសបាល់ទាត់ប្រេស៊ីលលោក Pele។ នេះបើតាមការបញ្ជាក់ពីប្រធានស្ថាប័នគ្រប់គ្រងកីឡា លោក Gianni Infantino នៅថ្ងៃអង្គារទី ០៣ខែមករា នៅក្នុងពិធីគោរពវិញ្ញាណក្ខន្ធលោក Pele។

លោក Infantino កំពុងស្ថិតនៅក្នុងទីក្រុង Santos នៃប្រទេសប្រេស៊ីល ដើម្បីគោរពជាលើកចុងក្រោយចំពោះកីឡាករដ៏អស្ចារ្យបំផុត ដែលបានទទួលមរណភាពកាលពីថ្ងៃព្រហស្បតិ៍សប្តាហ៍មុន ក្នុងអាយុ៨២ឆ្នាំ។

លោក Infantino បានប្រាប់អ្នកសារព័ត៌មាននៅឯកីឡដ្ឋាន Vila Belmiro ថា “យើងសូមស្នើឲ្យគ្រប់ប្រទេសទាំងអស់នៅលើពិភពលោក ដាក់ឈ្មោះកីឡដ្ឋានបាល់ទាត់របស់ពួកគេយ៉ាងណាក៏បានមួយដែរ តាមឈ្មោះលោក Pele”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយចូលរួមក្នុងពិធីគោរពវិញ្ញាណក្ខន្ធ រួមជាមួយប្រធានសហព័ន្ធបាល់ទាត់អាមេរិកខាងត្បូង និងប្រេស៊ីល, លោក Infantino គឺស្ថិតក្នុងចំណោមមនុស្សដំបូងគេ ដែលបានគោរពនៅចំពោះមុខបើកមឈូសបើកចំហរបស់លោក Pele ដែលត្រូវបានដាក់តម្កល់នៅកណ្តាលវាល ក្នុងកីឡដ្ឋាន Vila Belmiro។

កាលពីថ្ងៃសុក្រ ទង់ពិភពលោករបស់ FIFA ត្រូវបានបង្ហូតពាក់កណ្តាលដង នៅខាងក្រៅទីស្នាក់ការកណ្តាលរបស់ខ្លួនក្នុងទីក្រុង Zurich នៃប្រទេសស្វីស ដើម្បីជាកិត្តិយសដល់ Pele ដែលអង្គការនេះបានដាក់ឈ្មោះថា ជាកីឡាករដ៏អស្ចារ្យបំផុតប្រចាំសតវត្សរ៍ទី២០៕

ប្រែសម្រួល៖ Vann Vann

ប្រភព៖ CNA

ចុចអាន៖ FIFA កើបលុយ ពី World Cup នៅ កាតា