កីឡា
លោក Honda ដឹកនាំជម្រើសជាតិកម្ពុជាឈុតធំ ភាគរយឈ្នះជាមធ្យម ២៦% ក្នុងចំណោម ៣៤ ប្រកួត
សហព័ន្ធកីឡាបាល់ទាត់កម្ពុជា កាលពីយប់មិញនេះ បានប្រកាសជាផ្លូវការ អំពីការដឹកនាំចុងក្រោយរបស់ លោក Keisuke Honda ជាមួយក្រុមជម្រើសជាតិកម្ពុជា ឈុតធំ បានឈានដល់ទីបញ្ចប់ហើយ បន្ទាប់ពីចំណាយពេលជិត ៥ ឆ្នាំមក។
លោក Keisuke Honda បានចូលមកដឹកនាំក្រុមជម្រើសជាតិកម្ពុជា នៅខែសីហា ឆ្នាំ ២០១៨ ក្នុងកិច្ចសន្យារយៈពេល ២ ឆ្នាំ រួចក៏បន្តបន្ថែមរយៈពេល ២ ឆ្នាំទៀត ដល់ឆ្នាំ ២០២៣។
យ៉ាងណាមិញក្នុងរយៈពេល ៥ ឆ្នាំ បុរសសញ្ជាតិជប៉ុនរូបនេះ ដឹកនាំ កម្ពុជា បាន ៣៤ ប្រកួត ហើយសម្រេចបានលទ្ធផលគ្រប់សណ្ឋានបែបបទ ក្រោមការដឹកនាំរបស់លោក ជាមួយនឹងក្រុមការងារ។
គិតចាប់តាំងពីខែសីហា ឆ្នាំ ២០១៨ ហើយប្រកួតដំបូងចាប់ផ្ដើមនៅថ្ងៃទី ១០ ខែកញ្ញា ឆ្នាំ ២០១៨ ដល់ថ្ងៃទី ០២ ខែមករា ឆ្នាំ ២០២៣ នាមជាអ្នកចាត់ការទូទៅ លោក Honda បានដឹកនាំក្រុមជម្រើសជាតិប្រកួតបាន ៣៤ ដង ក្នុងនោះឈ្នះ ៩ ដង ស្មើ ៤ ដង និងចាញ់ ២១ ដង ហើយគិតជាមធ្យមភាគគឺមានភាគរយឈ្នះត្រឹមតែ ២៦ ភាគរយប៉ុណ្ណោះ។
ក្នុងចំណោម ៣៤ ប្រកួតនេះ ក៏ស្ថិតនៅក្រោមការដឹកនាំរបស់គ្រូបង្វឹក ២ រូបផ្សេងគ្នាផងដែរ គឺលោក Felix G.Dalmas ដឹកនាំបាន ១៦ ប្រកួត ខណៈលោក Ryu Hirose ដឹកនាំបាន ១៨ ប្រកួត។
យ៉ាងណាមិញ បើទោះបីជា លោក Keisuke Honda ចប់ភារកិច្ចជាមួយក្រុមជម្រើសជាតិកម្ពុជាឈុតធំ ក៏ដោយ លោកក៏មានភារកិច្ចមួយទៀត នោះគឺការដឹកនាំក្រុមជម្រើសជាតិកម្ពុជា អាយុក្រោម ២២ ឆ្នាំ ប្រកួតក្នុងព្រឹត្តិការណ៍កីឡាអាស៊ីអាគ្នេយ៍ ឬហៅថា ស៊ីហ្គេម លើប្រភេទកីឡាបាល់ទាត់បុរស នៅខែឧសភា ឆ្នាំ ២០២៣ ខាងមុខនេះ ដែលជាព្រឹត្តិការណ៍កម្ពុជា ដាក់គោលដៅយកមេដាយមាស នាមជាម្ចាស់ផ្ទះលើកដំបូងក្នុងប្រវត្តិសាស្ត្រ៕
អត្ថបទ ៖ មន្នីរ័ត្ន
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង