កីឡា
កាប់វែរ ជាប្រទេសដំបូងគេប្ដូរឈ្មោះកីឡដ្ឋាន ទៅដាក់ឈ្មោះលោក Pele តាម FIFA ស្នើសុំ
កីឡដ្ឋានជាតិរបស់ប្រទេសកាប់វែរ (Cape Verde) នឹងត្រូវប្ដូរឈ្មោះតាម Pele។ នេះបើតាមការប្រកាសដោយនាយករដ្ឋមន្ត្រីរបស់ប្រទេសនេះ។
កីឡដ្ឋាន Estadio Nacional de Cabo Verde ដែលមានកៅអី ១៥,០០០ មានទីតាំងនៅខាងក្រៅរដ្ឋធានី Praia នឹងក្លាយជាកីឡដ្ឋាន Pele។
ដំណឹងនេះកើតឡើងបន្ទាប់ពីប្រធាន FIFA លោក Gianna Infantino បានស្នើឡើង ខណៈកំពុងនិយាយនៅឯពិធីរំលឹកវិញ្ញាណក្ខន្ធលោក Pele ក្នុងប្រទេសប្រេស៊ីលថា គ្រប់ប្រទេសទាំងអស់គួរតែដាក់ឈ្មោះកីឡដ្ឋានមួយមានឈ្មោះរបស់វីរបុរសបាល់ទាត់ដែលបានទទួលមរណភាពកាលពីថ្ងៃទី ២៩ ខែធ្នូ ក្នុងវ័យ ៨២ ឆ្នាំ។
នាយករដ្ឋមន្ត្រី លោក Ulisses Correira e Silva បានសរសេរនៅលើហ្វេសប៊ុកថា “ជាកិត្តិយស និងការទទួលស្គាល់នេះ ខ្ញុំបង្ហាញចេតនាថា នឹងដាក់ឈ្មោះពហុកីឡដ្ឋានជាតិរបស់យើងជា “កីឡដ្ឋាន Pele” ក្នុងគំនិតផ្ដួចផ្ដើមមួយដែលខ្ញុំជឿថា នឹងធ្វើតាមដោយប្រទេសជាច្រើនជុំវិញពិភពលោក”។
“កាប់វែរ និងប្រេស៊ីល មានប្រវត្តិសាស្ត្រ និងវប្បធម៌ដែលដើរទន្ទឹមគ្នា ដោយចាត់ទុកថាពួកគេជាប្រទេសបងប្អូនពីរនាក់ ដែលភ្ជាប់គ្នាដោយភាសា និងអត្តសញ្ញាណស្រដៀងគ្នាខ្លាំង។ Pele គឺតែងតែជាឯកសារយោងនៅក្នុងប្រទេសប្រេស៊ីល នៅក្នុងប្រទេសដែលនិយាយភាសាព័រទុយហ្គាល់របស់យើង និងនៅក្នុងពិភពលោកទាំងមូល ហើយជាតារាដែលភ្ជាប់ទំនាក់ទំនងជាច្រើនជំនាន់”។ លោកនាយករដ្ឋមន្ត្រី បានបន្ថែម។
Pele ត្រូវបានគេទទួលស្គាល់ថា បានស៊ុតបញ្ចូលទីកំណត់ត្រាពិភពលោកចំនួន ១,២៨១ គ្រាប់ ក្នុងការបង្ហាញខ្លួន ១,៣៦៣ ប្រកួត អំឡុងពេលអាជីពរយៈពេល ២១ ឆ្នាំ រួមទាំង ៧៧ គ្រាប់ ក្នុង ៩២ ប្រកួត សម្រាប់ប្រទេសរបស់លោក ហើយត្រូវបានគេដាក់ឈ្មោះថា FIFA’s Player of the Century ក្នុងឆ្នាំ ២០០០។
នៅឯពិធីរំលឹកវិញ្ញាណក្ខន្ធកាលពីថ្ងៃច័ន្ទ ទៅកាន់ Pele ក្នុងទីក្រុង Santos ដែលជាទីក្រុងដែលលោកលេងបាល់ទាត់ក្លិប លោក Infantino បាននិយាយថា FIFA នឹងស្នើឲ្យ “គ្រប់ប្រទេសទាំងអស់ក្នុងពិភពលោកដាក់ឈ្មោះកីឡដ្ឋានបាល់ទាត់របស់ពួកគេដោយមានឈ្មោះ Pele”។
ទោះបីជាយ៉ាងណាក៏ដោយ ប្រធានសមាគមបាល់ទាត់អាហ្វ្រិកខាងត្បូង លោក Danny Jordaan ចាប់តាំងពីពេលនោះមក បានលើកឡើងពីការព្រួយបារម្ភថា នេះអាចបណ្ដាលឲ្យមានបញ្ហាសក្ដានុពល ជាមួយនឹងសិទ្ធិដាក់ឈ្មោះកីឡដ្ឋាន។
កាប់វែរ គឺជាប្រទេសកោះមួយនៅកណ្ដាលមហាសមុទ្រអាត្លង់ទិក ដែលមានផ្ទៃដីសរុបប្រហែល ៤,០៣៣ គីឡូម៉ែត្រការ៉េ ស្ថិតក្នុងទ្វីបអាហ្វ្រិក៕
ប្រភព ៖ bbc.com
អត្ថបទ ៖ មន្នីរ័ត្ន
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត