លោក ប្រាយុទ្ធ សម្ដែងក្ដីរីករាយចំពោះ “ប្រដាល់ Muay Thai” ដែលទទួល​ស្គាល់លើឆាកអន្តរជាតិដោយ អាមេរិក

លោក ប្រាយុទ្ធ ចាន់អូចា បានសម្តែងក្តីរីករាយចំពោះ “ប្រដាល់ Muay Thai” ដែលត្រូវបានទទួលស្គាល់លើឆាកអន្តរជាតិ ដោយគណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក (USOPC) ដែលវាជាការលើក​កម្ពស់មួយដល់​កីឡា​ជាតិ​របស់​ថៃលើឆាកអន្តរជាតិ ។

អ្នកនាំពាក្យរដ្ឋាភិបាលថៃបានឲ្យដឹងថា លោកនាយករដ្ឋមន្ត្រី ប្រាយុទ្ធ ចាន់អូចា បានសម្តែងក្តីរីករាយចំពោះ “ប្រដាល់ Muay Thai” ដែលជាកីឡាជាតិរបស់ប្រទេសថៃ ត្រូវបានប្រកាសទទួលស្គាល់លើឆាកអន្តរជាតិ ដោយ USOPC កាលពីថ្ងៃទី១០ ខែមករា ឆ្នាំ២០២៣ កន្លងមក ។

លោក ប្រាយុទ្ធ បានសម្ដែងក្ដីរីករាយនេះ ដោយសារតែវាកើតឡើងស្របតាមគោលការណ៍ណែនាំការងារដែលកំណត់ដោយនាយករដ្ឋមន្ត្រី លើការផ្តល់សារៈសំខាន់ដល់កីឡា “ប្រដាល់ Muay Thai” ហើយវាក៏បង្ហាញពីសក្តានុពលសិល្បៈក្បាច់គុន ក៏ដូចជាបង្កើតតម្លៃវប្បធម៌ថៃផងដែរ ដែលនេះគឺជាថាមពលដ៏សំខាន់មួយរបស់ថៃ ៕

ប្រែសម្រួលដោយ ៖ គង់ សំអាន

ប្រភព ៖ Thai Post