កីឡា

ខ្សែប្រយុទ្ធ Man United រួចផុតពីការចោទប្រកាន់ទាំងអស់ប្រឆាំងនឹងបទប៉ុនប៉ងរំលោភ

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

ខ្សែប្រយុទ្ធ Mason Greenwood របស់ក្លិប Man Utd បានប្រឈមមុខនឹងការចោទប្រកាន់ពីបទប៉ុនប៉ងរំលោភ ការគ្រប់គ្រង និងអាកប្បកិរិយាបង្ខិតបង្ខំ និងការរំលោភ។ យ៉ាងណាមិញ ភ្នាក់ងារ CPS បាននិយាយថា “ការរួមបញ្ចូលគ្នា នៃការដកខ្លួនសាក្សីសំខាន់ៗ និងសម្ភារៈថ្មីដែលបានបំភ្លឺមានន័យថា លែងមានលទ្ធភាពជាក់ស្ដែង នៃការផ្ដន្ទាទោសទៀតហើយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធវ័យ ២១ ឆ្នាំរូបនេះ បានប្រឈមមុខនឹងការចោទប្រកាន់ពីបទប៉ុនប៉ងរំលោភ ការគ្រប់គ្រង និងអាកប្បកិរិយាបង្ខិតបង្ខំ និងការរំលោភ។ បទចោទទាំង ៣ ទាក់ទងនឹងស្ត្រីដូចគ្នា។

សេវាអយ្យការកាត់ក្ដី (CPS) បាននិយាយថា ខ្លួនមាន”កាតព្វកិច្ចបញ្ឈប់សំណុំរឿង”បន្ទាប់ពី” ការដកសាក្សីសំខាន់ៗ និងសម្ភារៈថ្មីមកបំភ្លឺ”។ គេបានបន្ថែមថា ការវិវឌ្ឍន៍ទាំងនោះមានន័យថា “មិនមានការរំពឹងទុកជាក់ស្ដែង នៃការផ្ដន្ទាទោស”ទៀតទេ។

“នៅក្នុងកាលៈទេសៈទាំងនេះ យើងស្ថិតនៅក្រោមកាតព្វកិច្ចដើម្បីបញ្ឈប់ករណីនេះ។ យើងបានពន្យល់ពីការសម្រេចចិត្តរបស់យើងទៅកាន់គ្រប់ភាគីទាំងអស់”។

គួរដឹងដែរថា ការស៊ើបអង្កេតបានចាប់ផ្ដើមជាងមួយឆ្នាំមុន គឺក្នុងខែមករា ឆ្នាំ ២០២២។ កាលបរិច្ឆេទកាត់ក្ដី ត្រូវបានកំណត់សម្រាប់ថ្ងៃទី ២៧ ខែវិច្ឆិកា ឆ្នាំនេះ។

សេចក្ដីថ្លែងការណ៍របស់ក្លិប Manchester United ក៏បានសរសេរថា “Manchester United កត់សម្គាល់ការសម្រេចចិត្តរបស់សេវាកាត់ក្ដីរបស់សេវាអយ្យការកាត់ក្ដី ដែលដកការចោទប្រកាន់ទាំងអស់ប្រឆាំងនឹង Mason Greenwood។ ឥឡូវនេះ ក្លិប នឹងដំណើរការដោយខ្លួនឯង មុនពេលកំណត់ជំហានបន្ទាប់។ យើងនឹងមិនធ្វើអត្ថាធិប្បាយណាមួយបន្ថែមទៀតទេ រហូតដល់ដំណើរការនោះបានបញ្ចប់”។

Greenwood ត្រូវបានគេយល់ឃើញថា នឹងមិនត្រលប់មកហ្វឹកហាត់ ឬលេងវិញទេ ខណៈពេលដំណើរការនេះកំពុងធ្វើឡើង។

កាលពីថ្ងៃទី ៣០ ខែមករា ឆ្នាំមុន United បានប្រកាសថា គេនឹងមិនត្រលប់ទៅហ្វឹកហាត់ ឬលេងការប្រកួតណាមួយឡើយ “រហូតដល់មានការជូនដំណឹងបន្ថែម”។

ក្រុមហ៊ុន Nike ក៏បានផ្អាក ហើយក្រោយមកបានបញ្ចប់កិច្ចព្រមព្រៀងឧបត្ថម្ភរបស់ខ្លួនជាមួយ Greenwood ខណៈក្រុមហ៊ុនហ្គេម Electronic Arts (EA) បានបញ្ជាក់ថា គេត្រូវបានដកចេញពីសកម្មភាពនៅក្នុងហ្គេម FIFA 22 របស់ខ្លួនផងដែរ។

កីឡាករដែលកើតនៅ Bradford បានឆ្លងកាត់ការហ្វឹកហាត់នៅថ្នាលរបស់ក្លិប Man United Academy ហើយបានបង្ហាញខ្លួនជាលើកដំបូងរបស់គេក្នុងការប្រកួត Champions League នៅឯទឹកដី Paris Saint-Germain ក្នុងខែមីនា ឆ្នាំ ២០១៩។ គេបានបង្ហាញខ្លួនក្នុងជម្រើសជាតិអង់គ្លេសឈុតធំម្ដងផងដែរ ដោយលេងក្នុងការប្រកួត Nations League ជាមួយអ៊ីស្លង់ ក្នុងខែកញ្ញា ឆ្នាំ ២០២០៕

ប្រភព ៖ Skysports.com

អត្ថបទ ៖ មន្នីរ័ត្ន