កីឡា
ស្ថាបនិកគុនខ្មែររុស្ស៊ីប្រាប់ពីការប្រកួតគុនខ្មែរនៅសរុស្ស៊ី
ការប្រកួតគុនខ្មែរ Kun Khmer Cup ឆ្នាំ២០២៣ បានបញ្ចប់ហើយ បន្ទាប់ពីការប្រកួតរយៈពេល៣ថ្ងៃចាប់ពីទី៣ ដល់ទី៥ ខែកុម្ភៈនេះនៅប្រទេសរុស្ស៊ី ដែលរៀបចំឡើងដោយសហព័ន្ធកីឡាប្រដាល់គុនខ្មែរប្រចាំប្រទេសរុស្ស៊ី។
![](https://www.kampucheathmey.com/wp-content/uploads/2023/02/Oleg-Kudrinsky.jpg)
លោក Oleg Kudrinsky នាយក និងស្ថាបនិកសហព័ន្ធកីឡាប្រដាល់គុនខ្មែរនៅប្រទេសរុស្ស៊ីបានប្រាប់«កម្ពុជាថ្មី»ថា ការប្រកួតជើងឯកគុនខ្មែរ Kun Khmer Cup ឆ្នាំនេះគឺកម្រិតយុវជនភាគច្រើនដោយមិនទាន់ឈានដល់កម្រិតអាជីពឡើយ។
![](https://www.kampucheathmey.com/wp-content/uploads/2023/02/russian-kun-khmer-1-768x1024.jpg)
«ការប្រកួតនេះលក្ខណៈស្ម័គ្រចិត្តដែលមានកីឡាករ កីឡាការិនីប្រហែលជា២០០នាក់មកពីតំបន់ផ្សេងៗនៅក្នុងប្រទេសរុស្ស៊ី។ ប្រហែលជា៧០%ជាកីឡាករ កីឡាការិនីក្មេងៗ ហើយក៏មិនមានការប្រកួតដណ្តើមខ្សែក្រវាត់ ឬពានរង្វាន់ឡើយ។ យើងនឹងរៀបចំការប្រកួតនៅរដូវក្តៅទៀតដែលលើកក្រោយនេះនឹងមានការប្រកួតជើងឯក»។ លោកបានបញ្ជាក់។
![](https://www.kampucheathmey.com/wp-content/uploads/2023/02/russian-kun-khmer-2.jpg)
លោកបានបន្ថែមថា ទោះបីជាការប្រកួតលក្ខណៈស្ម័គ្រចិត្ត និងមិនទាន់អាជីព ប៉ុន្តែក៏មានមេដាយបំពាក់ដល់ជយលាភីផងដែរ។
![](https://www.kampucheathmey.com/wp-content/uploads/2023/02/russian-kun-khmer-3.jpg)
និយាយពីប្រដាល់គុនខ្មែរនៅប្រទេសរុស្ស៊ី លោក Kudrinsky បានឲ្យដឹងថា សកម្មភាពប្រដាល់គុនខ្មែរនៅប្រទេសរុស្ស៊ីបានកំពុងរីកចម្រើនច្រើនក្នុងរយៈពេលជាង៥ឆ្នាំកន្លងទៅ ដោយមានក្លឹបតាមតំបន់ និងទីក្រុងជាច្រើនបានចូលជាសមាជិកសហព័ន្ធ ដើម្បីក្លាយជាគ្រួសារកីឡាគុនខ្មែរ។
![](https://www.kampucheathmey.com/wp-content/uploads/2023/02/russian-kun-khmer-4-1024x621.jpg)
សូមបញ្ជាក់ថា សហព័ន្ធកីឡាប្រដាល់គុនខ្មែរប្រចាំនៅប្រទេសរុស្ស៊ីត្រូវបានបង្កើតឡើងកាលពីឆ្នាំ២០១៨ ដោយមានលោក Pavel Arais ជាប្រធាន ខ្លួនលោកផ្ទាល់ជានាយក និងជាស្ថាបនិក និងលោក Sergey Babayan ជាអនុប្រធាន ព្រមទាំងមានក្លឹបជាច្រើនជាសមាជិក៕
![](https://www.kampucheathmey.com/wp-content/uploads/2023/02/russian-kun-khmer-8-1024x610.jpg)
![](https://www.kampucheathmey.com/wp-content/uploads/2023/02/russian-kun-khmer-13.jpg)
![](https://www.kampucheathmey.com/wp-content/uploads/2023/02/russian-kun-khmer-15-1024x683.jpg)
![](https://www.kampucheathmey.com/wp-content/uploads/2023/02/russian-kun-khmer-14-1024x655.jpg)
![](https://www.kampucheathmey.com/wp-content/uploads/2023/02/russian-kun-khmer-17-1024x631.jpg)
![](https://www.kampucheathmey.com/wp-content/uploads/2023/02/russian-kun-khmer-10-1024x591.jpg)
អត្ថបទ៖ វីរបុត្រ
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព