កីឡា
កំណត់ត្រាល្អឥតខ្ចោះ ធឿន ធារ៉ា ផ្តួលដៃគូទាំងអស់ឈ្នះខ្សែក្រវាត់៣គ្រឿង
គិតចាប់ពីខែធ្នូ ឆ្នាំ២០២២ ដល់ខែកុម្ភៈ ឆ្នាំ២០២៣នេះ អ្នកលេងពូថៅថៃពិឃាត ធឿន ធារ៉ា បង្កើតកំណត់ត្រាល្អឥតខ្ចោះគឺផ្តួលដៃគូទាំងអស់ក្នុងការប្រកួតឈ្នះខ្សែក្រវាត់អន្តរជាតិ៣គ្រឿង។
នៅសង្វៀន Thai Fight ការប្រកួតជម្រុះជុំដំបូង ក្នុងខែវិច្ឆិកា ធឿន ធារ៉ា បានផ្តួលកីឡាកររុស្ស៊ី-អាមេនី Yurik Davtyan ឲ្យសន្លប់ក្នុងទឹកទី១ និងការប្រកួតវគ្គផ្តាច់ព្រ័ត្រ ចុងខែធ្នូផ្តួលកីឡាករថៃ សៃយុគ ក្នុងទឹកទី១។ លទ្ធផលនេះបានធ្វើឲ្យលេងគុនខ្មែររូបនេះក្លាយជាកីឡាករកម្ពុជាទី១ដែលផ្តួលដៃគូឲ្យសន្លប់នៅសង្វៀន Thai Fight និងជាកីឡាករខ្មែរទី១ដែលផ្តួលដៃគូឲ្យសន្លប់២លើកជាប់គ្នាដដែលនេះ ហើយក៏ជាកីឡាករកម្ពុជាទី១ឈ្នះខ្សែក្រវាត់អន្តរជាតិនៅសង្វៀនដ៏ល្បី Thai Fight។
សម្រាប់ការប្រកួតដណ្តើមខ្សែក្រវាត់គុនខ្មែរពិភពលោក IPCC (International Professional Combat Council) ធឿន ធារ៉ា បានប្រើពេលដល់ទៅ៤ទឹកទើបផ្តួលកីឡាករប្រេស៊ីល ធីអាហ្គោ (Thiago) ដើម្បីឈ្នះខ្សែក្រវាត់អន្តរជាតិមួយនេះកាលពីថ្ងៃទី១១ ខែកុម្ភៈ ឆ្នាំ២០២៣។ កីឡាករប្រេស៊ីលរូបនេះប្រឡូកក្នុងអាជីពប្រដាល់ប្រមាណ២០ឆ្នាំមកហើយក៏ធ្លាប់ឈ្នះជើងខ្លាំងកម្ពុជាជាច្រើនរូបដូចជា សេន ប៊ុនថេន, ធន់ សុភា និង ឡៅ ចន្ទ្រាជាដើម។
ថ្មីបំផុត ធឿន ធារ៉ា បានផ្តួលដៃគូឲ្យសន្លប់ក្នុងទឹកទី១ទាំងពីរនាក់ក្នុងរាត្រីតែមួយដើម្បីឈ្នះខ្សែក្រវាត់គ្រុឌអន្តរជាតិកាលពីថ្ងៃទី១៨ ខែកុម្ភៈ ឆ្នាំ២០២៣នេះ។ ការប្រកួតជម្រុះជុំដំបូង ធារ៉ា បានផ្តួលកីឡាករថៃ ភេតម៉ៃ សន្លប់ធំក្នុងទឹកទី១ និងវគ្គផ្តាច់ព្រ័ត្រផ្តួលកីឡាករគុនខ្មែរដូចគ្នាគឺ ឈឿន ល្វៃ ឲ្យសន្លប់ធំក្នុងទឹកទី១ដែរ។
លទ្ធផលមួយរយៈពេលចុងក្រោយរបស់ ធឿន ធារ៉ា
- ផ្តួលកីឡាករថៃ សៃយុគ ក្នុងទឹកទី១ ថ្ងៃទី២៤ ខែធ្នូ គ្រងខ្សែក្រវាត់ Thai Fight
- ឈ្នះពិន្ទុកីឡាករថៃ ប៊េកខេម ថ្ងៃទី៣១ ខែធ្នូ
- ផ្តួលកីឡាករថៃ លុតផាឡាត់ ថ្ងៃទី៨ ខែមករា
- ស្មើពិន្ទុកីឡាករថៃ សាមីបេនចាមេក ថ្ងៃទី២៩ ខែមករា
- ផ្តួលកីឡាករប្រេស៊ីល ធីអាហ្គោ ថ្ងៃទី១១ ខែកុម្ភៈ គ្រងខ្សែក្រវាត់ IPCC
- ផ្តួលកីឡាករថៃ ភេតម៉ៃ ថ្ងៃទី១៨ ខែកុម្ភៈ
- ផ្តួលមិត្តរួមជាតិ ឈឿន ល្វៃ ថ្ងៃទី១៨ ខែកុម្ភៈ គ្រងខ្សែក្រវាត់គ្រុឌ
អត្ថបទ៖ វីរបុត្រ
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ