សឿយ វិសាល និង លោក Ryu Hirose បោះឆ្នោតឱ្យ Messi ឬអត់យប់មិញ?

ខ្សែប្រយុទ្ធអាហ្សង់ទីន និង Paris St-Germain កីឡាករ Lionel Messi បានជាប់ជាកីឡាករឆ្នើមប្រចាំឆ្នាំក្នុងកម្មវិធី Best Fifa Awards ឆ្នាំ២០២២ កាលពីយប់មិញ។

កីឡាករវ័យ ៣៥ ឆ្នាំរូបនេះបានផ្តួលខ្សែប្រយុទ្ធបារាំង Kylian Mbappe និង Karim Benzema។ វាជាសមិទ្ធផលក្រោយជួយឱ្យអាហ្សង់ទីនលើកពាន World Cup នៅប្រទេសកាតា ហើយស៊ុតបាន ២៧ គ្រាប់ក្នុង ៤៩ ប្រកួតសម្រាប់ក្លិបនិងប្រទេស ក្នុងឆ្នាំ២០២១-២២។

ទាំងអស់នេះកើតចេញមកពីការបោះឆ្នោតជុំវិញពិភពលោក ក្នុងនោះអ្នកដែលមានសិទ្ធិគឺជាគ្រូបង្វឹក ប្រធានក្រុម និងអ្នកសារព័ត៌មានតំណាងម្នាក់។ កម្ពុជាដែលជាសមាជិកបាល់ទាត់ពិភពលោក FIFA ក៏បានចូលរួមការបោះឆ្នោតនេះផងដែរ ដោយមាន លោក Ryu Hirose ជាគ្រូបង្វឹក, កីឡាករ សឿយ វិសាល ប្រធានក្រុម និងលោក អ៊ឹង ចំរើន អ្នកសារព័ត៌មានកីឡាតំណាងកម្ពុជា។

ក្នុងនីតិវិធីអ្នកតំណាងទាំង ៣ មានសិទ្ធិជ្រើសរើសកីឡាករ ៣នាក់ តាមលេខរៀង១ ដល់ ៣ ដោយលេខ១ ត្រូវបានផ្ដល់ជូន ៥ ពិន្ទុ, លេខ ២ ផ្ដល់ជូន ៣ ពិន្ទុ និងលេ៣ ផ្ដល់ជូនតែ ១ពិន្ទុប៉ុណ្ណោះ។

សម្រាប់កម្ពុជា លោក Ryu Hirose ជាគ្រូបង្វឹក, កីឡាករ សឿយ វិសាល ប្រធានក្រុម និងលោក អ៊ឹង ចំរើន អ្នកសារព័ត៌មានកីឡាតំណាង បានសម្រេសបោះឆ្នតដូចខាងក្រោម៖

-លោក Ryu Hirose បោះឱ្យ Kylian Mbappe, Lionel Messi និង Luka Mudric
-ប្រធានក្រុម សឿយ វិសាល បោះឱ្យ Kylian Mbappe, Karim Benzema និង Kevin De Bruyne
-លោក អ៊ឹង ចំរើន បោះឱ្យ Kylian Mbappe, Lionel Messi និង Erling Haaland

នេះជាលើកទី២ហើយដែល Messi បានឈ្នះពានរង្វាន់កិត្តិយសដែលសម្ពោធដោយ FIFA ក្នុងឆ្នាំ២០១៦ បន្ទាប់ពីស្ថាប័នគ្រប់គ្រងបាល់ទាត់ពិភពលោក បានបំបែកចេញពីអ្នករៀបចំ Ballon d’Or របស់ France Football៕

link ចូលមើលបញ្ជីគ្រូបង្វឹក ប្រធានក្រុម ដែលបោះឆ្នោតក្នុងកម្មវិធី Best Fifa Awards ឆ្នាំ២០២២ https://digitalhub.fifa.com/m/3139b187875692aa/original/2022-Men-s-Player-Breakdown.pdf

ប្រភព៖ FIFA

អត្ថបទ៖ មន្នីរ័ត្ន