កីឡា
លោក Conor Nester សរសើរខ្សែបម្រើ Gabriel ពិតជាអស្ចារ្យ
ខ្សែបម្រើប្រយុទ្ធសញ្ជាតិប្រេស៊ីល Gabriel Silva Costa បានរួមចំណែកដ៏សំខាន់ក្នុងការជួយឲ្យព្រះខ័នរាជស្វាយរៀងទទួលបានជ័យជម្នះលើម្ចាស់ផ្ទះអង្គរថាយហ្គឺរ ដោយលទ្ធផល ០-៥ សម្រាប់ការប្រកួតសប្តាហ៍ទី៣នៃខេមបូឌានលីគខាប់កាលពីថ្ងៃអាទិត្យ ទី២៦ ខែកុម្ភៈ កន្លងទៅ។
គ្រាប់បាល់ទាំង៥បានកើតមាននៅវគ្គទី២ បន្ទាប់ពីវគ្គទី១គ្មានគ្រាប់បាល់កើតឡើងសោះ។ អ្វីដែលគួរឲ្យចាប់អារម្មណ៍គឺខ្សែបម្រើប្រយុទ្ធសញ្ជាតិប្រេស៊ីល Gabriel Silva Costa បានបញ្ជូនបាល់ (Assist) ឲ្យមិត្តរួមក្រុមស៊ុតបាន៣គ្រាប់ក្នុងជ័យជម្នះដ៏សំខាន់នោះ។
កីឡាករប្រេស៊ីលដែលទើបផ្លាស់ពីអង្គរថាយហ្គឺរចូលព្រះខ័នរាជស្វាយរៀងក្នុងរដូវកាល២០២៣នេះបានបញ្ជូនបាល់ឲ្យខ្សែប្រយុទ្ធកម្ពស់ខ្ពស់ Marcus Haber ស៊ុតគ្រាប់ទី១ នៅនាទី៥២ដែលជាគ្រាប់បាល់បើកការនាំមុខ ០-១។ បន្ទាប់មក រូបគេបានបញ្ជូនបាល់ឲ្យខ្សែប្រយុទ្ធដដែលស៊ុតបាន២គ្រាប់ទៀតគឺនាទី៦២ និង៧២។
ពាក់ព័ន្ធនឹងការលេងស្លាបប្រយុទ្ធដ៏រស់រវើកនេះ លោក Conor Nester គ្រូបង្វឹកព្រះខ័នរាជស្វាយរៀងបានប្រាប់«កម្ពុជាថ្មី»ថា ៖«សម្រាប់ Gabriel ខ្ញុំគិតថា គាត់ជាកីឡាករល្អប្រចាំការប្រកួតនោះ។ គាត់បានបង្ហាញទម្រង់លេងដ៏អស្ចារ្យគួរឲ្យចាប់អារម្មណ៍»។
ការពិតបង្ហាញឲ្យឃើញច្បាស់នៅលើវាលស្មៅថា Gabriel Silva Costa មានល្បឿនលឿន បូករួមនឹងបច្ចេកទេសញាក់បាល់ផងបានអូសដាច់ខ្សែការពាររបស់អង្គរថាយហ្គឺរ ហើយបញ្ជូនបាល់ឲ្យមិត្តរួមក្រុមស៊ុតបញ្ចូលទីដោយងាយស្រួល។ ល្បឿន និងបច្ចេកទេសញាក់បាល់នេះហើយជាចំណុចគួរឲ្យចាប់អារម្មណ៍របស់គេ៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង