កីឡា

Ting Wen ម្ចាស់មេដាយមាសស៊ីហ្គេម២៨គ្រឿងនឹងមកប្រកួតស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

កំពូលកីឡាការិនីហែលទឹកជម្រើសជាតិសិង្ហបុរី Quah Ting Wen អាយុ៣០ឆ្នាំនឹងមកប្រកួតកីឡាស៊ីហ្គេម លើកទី៣២ ឆ្នាំ២០២៣ នៅលើទឹកដីនៃព្រះរាជាណាចក្រកម្ពុជា។ នេះបើយោងតាមបញ្ជីឈ្មោះកីឡាករ កីឡាការិនីហែលទឹកជម្រើសជាតិសិង្ហបុរីចំនួន២២នាក់ដែលសមាគមកីឡាហែលទឹកសិង្ហបុរីបានចេញជាផ្លូវការ កាលពីថ្ងៃទី១ ខែមីនា ត្រៀមមកប្រកួតស៊ីហ្គេម នៅកម្ពុជា។

កីឡាការិនីហែលទឹកសិង្ហបុរី Quah Ting Wen ឈ្នះមេដាយមាសស៊ីហ្គេម ឆ្នាំ២០១៩

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនីបទពិសោធក្រាស់រូបនេះធ្លាប់ចូលរួមប្រកួតកីឡាស៊ីហ្គេម៨ដង និង៩គិតទាំងនៅនៅកម្ពុជាឆ្នាំ២០២៣។ គិតចាប់តាំងពីស៊ីហ្គេម ឆ្នាំ២០០៥ រហូតដល់ស៊ីហ្គេម ឆ្នាំ២០២២ កន្លងទៅ Ting Wen មិនបានចូលរួមប្រកួតស៊ីហ្គេម តែម្តងគត់គឺនៅឆ្នាំ២០១១។

សម្រាប់ការចូលរួមប្រកួត៨លើកកន្លងមក Ting Wen ឈ្នះមេដាយមាសចំនួន២៨គ្រឿង ប្រាក់១៧គ្រឿង និងសំរឹទ្ធ៤គ្រឿង សរុប៤៩គ្រឿង។

បញ្ជីឈ្មោះអត្តពលិកហែលទឹកសិង្ហបុរីត្រៀមស៊ីហ្គេមនៅកម្ពុជា

ខាងក្រោមជាស្ថិតិឈ្នះមេដាយស៊ីហ្គេម តាមឆ្នាំនីមួយៗ

ស៊ីហ្គេម ២០០៥

សម្រាប់ការចូលរួមប្រកួតកីឡាស៊ីហ្គេម លើកដំបូង កីឡាការិនីសិង្ហបុរីរូបនេះមិនបានឈ្នះមេដាយមាសទេ ប៉ុន្តែឈ្នះមេដាយប្រាក់២ និងសំរឹទ្ធ២។

ស៊ីហ្គេម ២០០៧

ឈ្នះមេដាយមាស២ និងប្រាក់៣ (មេដាយមាស២គឺឯកត្តជន១ និងក្រុម១គឺវិញ្ញាសា ក្រុម៤នាក់ 4 × 100 m medley relay)។

ស៊ីហ្គេម ២០០៩

ឈ្នះមេដាយមាស៥ ប្រាក់២ និងសំរឹទ្ធ១ (មេដាយមាស៥គឺឯកត្តជន២ និងក្រុម៣ដែលមានវិញ្ញាសា៤នាក់ 4 × 100 m freestyle relay, វិញ្ញាសា៤នាក់ 4 × 200 m freestyle relay, និងវិញ្ញាសា ៤នាក់ 4 × 100 m medley relay)។

ស៊ីហ្គេម ២០១១

សម្រាប់ស៊ីហ្គេម ឆ្នាំ២០១១នេះ នៅប្រទេសឥណ្ឌូនេស៊ី នាងមិនបានចូលរួមប្រកួតទេ។

ស៊ីហ្គេម ២០១៣

ឈ្នះមេដាយមាស២ និងប្រាក់៣ (មេដាយមាស២គឺវិញ្ញាសាក្រុមទាំងពីរ គឺក្រុម៤នាក់ 4×200 m freestyle relay និងក្រុម៤នាក់ 4×100 m medley relay)។

ស៊ីហ្គេម ២០១៥

ឈ្នះមេដាយមាស៤ និងប្រាក់៤ (មេដាយមាសទាំង៤គឺឯកត្តជន១ និងក្រុម៣គឺវិញ្ញាសា ក្រុម៤នាក់ 4×100 m freestyle relay, វិញ្ញាសាក្រុម៤នាក់ 4×200 m freestyle relay និងវិញ្ញាសាក្រុម៤នាក់ 4×100 m medley relay)។

ស៊ីហ្គេម ២០១៧

ឈ្នះមេដាយមាស៥ ប្រាក់១ និងសំរឹទ្ធ១ (មេដាយមាស៥គឺឯកត្តជន២ និងក្រុម៣គឺវិញ្ញាសា ក្រុម៤នាក់ 4×100 m freestyle relay, ក្រុម៤នាក់ 4×200 m freestyle relay និងក្រុម៤នាក់ 4×100 m medley relay)។

ស៊ីហ្គេម ២០១៩

ឈ្នះមេដាយមាស៦ (មេដាយមាសទាំង៦គឺឯកត្តជន៣ និងក្រុម៣គឺវិញ្ញាសា ក្រុម៤នាក់ 4×100 m freestyle relay, ក្រុម៤នាក់ 4×200 m freestyle relay និងក្រុម៤នាក់ 4×100 m medley relay)។

ស៊ីហ្គេម ២០២១ (លើកមកឆ្នាំ២០២២)

ឈ្នះមេដាយមាស៤ ប្រាក់២ និងសំរឹទ្ធ១ (មេដាយមាស៤គឺឯកត្តជន១ និងក្រុម៣គឺវិញ្ញាសា ក្រុម៤នាក់ 4×100 m freestyle relay, ក្រុម៤នាក់ 4×200 m freestyle relay និង ក្រុម៤នាក់ 4×100 m medley relay៕