កីឡា

Arsenal ថតរូបជាមួយនាឡិកាដ៏ធំមួយក្នុងបន្ទប់ផ្លាស់សំលៀកបំពាក់ ជាការឲ្យហេតុដល់អ្នកគាំទ្រ

បានផុស

៣ years មុន

នៅ

ថ្ងៃចន្ទ ១៣ មីនា ២០២៣

ដោយ

កីឡាករ គ្រូបង្វឹករបស់ក្លិប Arsenal បានថតរូបជាមួយនាឡិកាយក្សក្នុងបន្ទប់ស្លៀកពាក់ នៅឯកីឡដ្ឋាន Craven Cottage បន្ទាប់ពីពួកគេយកឈ្នះម្ចាស់ផ្ទះ Fulham យប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកាំភ្លើងធំបានបន្តការនាំមុខរបស់ពួកគេលើក្រុម Manchester City នៅលើកំពូលតារាង នៃក្របខ័ណ្ឌ Premier League ដល់ទៅ ៥ ពិន្ទុ ខណៈពួកគេបានឈ្នះ ៣-០ ដោយគ្រាប់បាល់ស៊ុតបញ្ចូលទីពី Gabriel, Gabriel Martinelli និង Martin Odegaard។

រូបភាពមួយ ត្រូវបានបង្ហោះនៅលើប្រព័ន្ធផ្សព្វផ្សាយសង្គមរបស់កីឡាករ និងបុគ្គលិករបស់ក្លិប Arsenal ដែលកំពុងអបអរសាទរជាមួយនឹងនាឡិកា ដែលជាការចម្លង នៃនាឡិកាដែលមានទីតាំងនៅ Clock End នៅកីឡដ្ឋាន Emirates។

ដៃនៅលើនាឡិកាត្រូវបានផ្ដល់សញ្ញានៅទ្រនិចលេខ ១១ និង ២ ដែលអ្នកគាំទ្រមួយចំនួនបានគិតថា តំណាងឲ្យការពិតដែលថា Arsenal មានការប្រកួតចំនួន ១១ ប្រកួតទៀត ដើម្បីលេងក្នុងដំណើរស្វែងឈ្នះពានរង្វាន់ ដែលមានបំណងចង់ឈ្នះជើងឯកលីគដំបូងចាប់តាំងពីឆ្នាំ ២០០៤ ហើយបានឈ្នះការប្រកួតលីគចំនួន ៥ លើកចុងក្រោយជាប់ៗគ្នា។

គួរបញ្ជាក់ថា នាឡិកាគឺជានិមិត្តសញ្ញាដ៏សំខាន់មួយនៅក្នុងប្រវត្តិសាស្ត្ររបស់ Arsenal និងបានធ្វើឲ្យអតីតទឹកដី Highbury របស់ក្លិបអស់រយៈពេលជាង ៧០ ឆ្នាំមកហើយ។

ក្នុងឆ្នាំ ២០១០ នាឡិកាចម្លងធំជាងនេះត្រូវបានដំឡើងនៅកីឡដ្ឋាន Emirates ជាមួយនឹងកម្ពស់ដើមនៅខាងក្រៅកីឡដ្ឋាន។

ការឈ្នះលើក្រុម Fulham គឺជាជំហានឆ្ពោះទៅមុខមួយទៀតសម្រាប់ក្រុម Arsenal ខណៈពួកគេសម្លឹងរកការឈ្នះពានរង្វាន់លីគ ទោះបីជាពួកគេនឹងដឹងច្បាស់ថានៅមានការងារជាច្រើនទៀតដែលត្រូវធ្វើក៏ដោយ។

ពេញមួយរដូវកាលនេះ គ្រូបង្វឹកក្រុម Arsenal លោក Mikel Arteta បាននិយាយជាញឹកញាប់ថា ក្រុមរបស់លោកផ្ដោតទៅលើការប្រកួតនីមួយៗប៉ុណ្ណោះ ជាជាងគិតអំពីរូបភាពធំជាងនេះ៕

ប្រភព ៖ dailymail.co.uk

អត្ថបទ ៖ មន្នីរ័ត្ន