កីឡា

Sammy និយាយថា គ្មាននរណាឈ្នះ ធឿន ធារ៉ា ទេ បើវ៉ៃមិនសន្លប់

បានផុស

១ year មុន

នៅ

ថ្ងៃអាទិត្យ ១៩ មីនា ២០២៣

ដោយ

កីឡាករប្រដាល់ថៃ Sammy ត្រូវបានចៅក្រមកាត់សេចក្តីឲ្យចាញ់ពិន្ទុអ្នកលេងគុនខ្មែរ ធឿន ធារ៉ា បន្ទាប់ពីតស៊ូគ្នាស្វិតស្វាញ៥ទឹកពេញនៅលើសង្វៀនទូរទស្សន៍ជាតិកម្ពុជាកាលពីយប់មិញនៅក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់លទ្ធផល Sammy មិនទទួលស្គាល់ឡើយ ហើយរូបគេមិនយល់ថា ហេតុអ្វីបានជាចៅក្រមកាត់សេចក្តីឲ្យ ធឿន ធារ៉ា ឈ្នះ។ ក្នុងបទសម្ភាសក្រោយចប់ការប្រកួត កីឡាករថៃរូបនេះបាននិយាយថា សម្រាប់ការប្រកួតទាំងរូបគេ និង ធឿន ធារ៉ា វ៉ៃអស់ពីសមត្ថភាពដូចគ្នា ហើយសុទ្ធតៃវាយចំគោលដៅធ្ងន់ៗរៀងខ្លួន។ ជាពិសេសចាប់ពីទឹកទី៣ទៅ ពួកគេទាំងពីរចុះខ្សោយដូចគ្នា បន្ទាប់ពីត្រូវទៅវិញទៅមក ប៉ុន្តែរូបគេគិតថា ខ្លួនមានប្រៀបអាចឈ្នះ។

Sammy បាននិយាយថា ៖«គ្មាននរណាវ៉ៃឈ្នះ ធឿន ធារ៉ា ទេ បើវ៉ៃអត់សន្លប់។ បើ ធឿន ធារ៉ា នៅតែអាចឈរវ៉ៃបាន៥ទឹក គ្មាននរណាឈ្នះគាត់ទេ។ ខ្ញុំចង់សួរមួយ តើនរណាចង់មកវ៉ៃជាមួយ ធឿន ធារ៉ា បើវ៉ៃ៥ទឹកមិនសន្លប់?

នេះជាលើកទី២ហើយដែលអ្នកទាំងពីរបានជួបគ្នា បន្ទាប់ពីលើកទី១បានត្រឹមលទ្ធផលស្មើគ្នា។ កាលលើកទី១ Sammy ហាក់ធ្វើបានល្អជាងលើកទី២ ខណៈ ធឿន ធារ៉ា លើកទី២នេះធ្វើបានល្អជាងលើកទី១៕

អត្ថបទ៖ វីរបុត្រ