កីឡា

Arsenal ឡើងថ្លៃសំបុត្រប្រកួតចុងក្រោយ នៃ Premier League ដោយរំពឹងលើកពានចំពោះមុខអ្នកគាំទ្រខ្លួន នៅថ្ងៃនោះ

បានផុស

១ ខែ មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

សំបុត្រសម្រាប់ការប្រកួតថ្ងៃចុងក្រោយរបស់ក្លិបកាំភ្លើងធំ Arsenal ជាមួយ Wolves បានវាយលុកទីផ្សារក្នុងតម្លៃ £៥៣,០០០ (ឬប្រហាក់ប្រហែល ៦៥$) ក្នុងម្នាក់ៗ។ អ្នកគាំទ្រកាំភ្លើងធំ កំពុងស្រមៃចង់ឃើញក្រុមរបស់ពួកគេលើកពាន Premier League នៅថ្ងៃទី ២៨ ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមរបស់លោក Mikel Arteta ឈរពីលើក្រុមការពារតំណែងជើងឯក Manchester City ចំនួន ៨ ពិន្ទុក្នុងការប្រជែងដណ្តើមពាន Prem ទោះបីជាក្រុមរបស់លោក Pep Guardiola នៅសល់ ១ ប្រកួតក្នុងដៃក៏ដោយ ខណៈ Arsenal មានបំណងឈ្នះពានលីគជាលើកដំបូងរបស់ពួកគេចាប់តាំងពីឆ្នាំ ២០០៤។

ដោយបានឆ្លងកាត់បទពិសោធន៍ជាច្រើនឆ្នាំ នៃភាពក្តៅគគុក ស្មារតីស្ពឹកស្រពន់ជាញឹកញាប់ បរិយាកាសមិនល្អនៅលើទឹកដីរបស់ពួកគេ លោក Arteta បានព្យាយាមធ្វើឲ្យអ្នកគាំទ្រនៅពីក្រោយក្រុមដែលពោរពេញទៅដោយកីឡាករវ័យក្មេងរបស់លោក ជាមួយកីឡដ្ឋាន Emirates ឥឡូវនេះត្រូវបានចាត់ទុកថាជាកន្លែងដ៏ល្អបំផុតក្នុងលីគ។

ក្លិបបានខិតខំប្រឹងប្រែងបន្ទាប់ពីការតែងតាំងរបស់លោក Arteta នៅក្នុងឆ្នាំ ២០១៩ ដើម្បីធានាថាយុវជនកាន់តែច្រើនបានឆ្លងកាត់ការបន្តវេនដ៏ត្រឹមត្រូវ ហើយកំពុងមានភាពល្អប្រសើរឡើងពីមួយថ្ងៃទៅមួយថ្ងៃ។

Arsenal ត្រូវជួប Leeds នៅលើទឹកដីរបស់ខ្លួននៅថ្ងៃសៅរ៍នេះ ដើម្បីរក្សាគម្លាតបន្ថែមជាមួយ Man City ដែលត្រូវជួប Liverpool ចុងសប្ដាហ៍នេះដូចជាគ្នា។

ជាមួយនឹងក្របខណ្ឌ Premier League នៅសល់ ១០ ប្រកួតទៀត នឹងបញ្ចប់ Arsenal ត្រូវការឈ្នះយ៉ាងហោចណាស់ ៩ ប្រកួត ដើម្បីគ្រងជើងឯកលីគជាលើកដំបូងរបស់ពួកគេចាប់តាំងពីឆ្នាំ ២០០៤៕

ប្រភព ៖ dailymail.co.uk

អត្ថបទ ៖ មន្នីរ័ត្ន