Connect with us

កីឡា

កិច្ចប្រជុំនាយបេសកកម្មអាស៊ានប៉ារ៉ាហ្គេម នៅកម្ពុជា ជោគជ័យមួយជំហានថ្មីទៀត

បានផុស

នៅ

ថ្លែង​ក្នុង​ពិធី​បើក​កិច្ចប្រជុំ​នាយ​បេសកកម្ម​អាស៊ាន​ប៉ា​រ៉ា​ហ្គេម ត្រៀម​រៀបចំ​ព្រឹត្តិការណ៍​កីឡា​អាស៊ាន​ប៉ា​រ៉ា​ហ្គេម លើក​ទី ១២ ឆ្នាំ ២០២៣ រាជធានី​ភ្នំពេញ ថ្ងៃ​ទី ៣០ ខែ​មីនា ឆ្នាំ ២០២៣ សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និង​ជា​ប្រធាន​គណៈកម្មាធិការ​ជាតិ​រៀបចំ​ការប្រកួត​កីឡា​ស៊ី​ហ្គេម​-​អាស៊ាន​ប៉ា​រ៉ា​ហ្គេម (CAMSOC-CAMAPGOC) មានប្រសាសន៍ថា «កិច្ចប្រជុំ​នាយ​បេសកកម្ម “CDM” មាន​ភារកិច្ច និង​កាតព្វកិច្ច​យ៉ាងសំខាន់ ក្នុងការ​ចូលរួម​គាំទ្រ​រៀបចំ​កីឡា​អាស៊ាន​ប៉ា​រ៉ា​ហ្គេម លើក​ទី ១២ នៅ​កម្ពុជា ឲ្យ​ទទួល​បាន​ជោគជ័យ​»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍​ក្នុង​ពិធី​បើក ក្នុងនាម​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ប្រធាន​ក្រុមប្រឹក្សា​សហព័ន្ធ​កីឡា​ជនពិការ​អាស៊ាន និង​ជា​ប្រធាន​គណៈកម្មាធិការ​ជាតិ​ប៉ា​រ៉ា​ឡាំ​ពិ​ក​កម្ពុជា សម្តេច​ពិជ័យ​សេនា បានបង្ហាញ​សេចក្តី​រីករាយ ចំពោះ​វត្តមាន​សមាជិក​សហព័ន្ធ​កីឡា​ជនពិការ​អាស៊ាន ដែល​បាន​អញ្ជើញ​មក​ចូលរួម​ក្នុង​កិច្ចប្រជុំ​នាយ​បេសកកម្ម​អាស៊ាន​ប៉ា​រ៉ា​ហ្គេម នៅ​កម្ពុជា។

សម្តេច​ប្រធាន CAMSOC-CAMAPGOC គូសបញ្ជាក់​ទៀតថា កម្ពុជា ពិត​ជា​មាន​មោទនភាព និង​សេចក្តីត្រេកអរ​យ៉ាងខ្លាំង ដោយមាន​ការគាំទ្រ​ពី​បណ្ដា​ប្រទេស​ក្នុង​សហគមន៍​អាស៊ាន​ទាំង ១១ ប្រទេស រួមទាំង​ប្រទេស​ទី​ម័​រ​ខាងកើត និង​ប្រទេស​ជប៉ុន ដែល​បានផ្តល់​អ្នកជំនាញ​ប៉ា​រ៉ា​ហ្គេម​ដល់​កម្ពុជា​។ កម្ពុជា ខកខាន​មិនបាន​ទទួលយក​ការរៀបចំ​ធ្វើ​ម្ចាស់ផ្ទះ​ការប្រកួត​កីឡា SEA Games-ASEAN Para Games អស់​រយៈពេល ៦៤ ឆ្នាំ​មក​ហើយ។

«​បច្ចុប្បន្ន​នេះ កម្ពុជា មាន​សុខ​សន្តិភាព និង​ការ​ឯកភាព​ជាតិ​ពេញលេញ​។ កម្ពុជា ជា​សមាជិក​ដ៏​មាន​សក្ដានុពល​ក្នុង​សហគមន៍​អាស៊ីអាគ្នេយ៍ ហើយ​ថ្មីៗ​នេះ​ទើបបាន​រៀបចំ​កិច្ចប្រជុំ​កំពូល​អាស៊ាន និង​កិច្ចប្រជុំ​កំពូល​ពាក់ព័ន្ធ ដោយមាន​ថ្នាក់ដឹកនាំ​បណ្តា​ប្រទេស​អាស៊ាន និង​ពិភពលោក​ចូលរួម​បាន​ដំណើរការ​ប្រកបដោយ ជោគជ័យ​ជា​ផ្លែផ្កា​»​។ ប្រសាសន៍​បន្ថែម​សម្តេច​ពិជ័យ​។

សម្តេច​ពិជ័យ​សេនា ទៀ បាញ់ បន្តថា រហូតមកដល់​ថ្ងៃនេះ នៅសល់តែ ៦៥ ថ្ងៃ​ទៀត កម្ពុជា នឹងធ្វើ​ម្ចាស់ផ្ទះ​ប្រកួត​កីឡា​អាស៊ាន​ប៉ា​រ៉ា​ហ្គេម លើក​ទី ១២ ដែល​រាជរដ្ឋាភិបាល​កម្ពុជា តាមរយៈ​គណៈកម្មាធិការ​ជាតិ CAMSOC-CAMAPGOC បាន​ត្រៀមលក្ខណៈ​សម្បត្តិ​រួចរាល់ ទាំង​ហេដ្ឋារចនាសម្ព័ន្ធ​កីឡា ហេដ្ឋារចនាសម្ព័ន្ធ​សាធារណៈ​គាំទ្រ​ដទៃ​ទៀត​។ ការ​អភិវឌ្ឍ​សមត្ថភាព​ធនធាន​កីឡា មន្ត្រី​ជំនាញ​បច្ចេកទេស ប្រភេទ​កីឡា និង​ការ​ពង្រឹង​សហព័ន្ធ​កីឡា​ជាតិ តាមរយៈ​យន្តការ​គណៈកម្មការ​ជំនាញ​ទាំង ១៤ ដែល​មាន​បទពិសោធន៍​រៀបចំ​ព្រឹត្តិការណ៍​ធំៗ​កន្លងមក​ទទួល​បាន​ជោគជ័យ។ ជាមួយគ្នានេះ ក៏មាន​ការគាំទ្រ និង​សម្រេច​រួមគ្នា​ពី​សហព័ន្ធ​កីឡា​អាស៊ីអាគ្នេយ៍ និង​សហព័ន្ធ​កីឡា​ជនពិការ អាស៊ាន​លើ​ប្រភេទ​កីឡា និង​វិញ្ញាសា​ប្រកួត​ទាំងអស់ តាម​ផែនការ​រៀបចំ SEA Games-ASEAN Para Games ផងដែរ​។

នៅ​ថ្ងៃ​ទី ២៨-២៩ ខែ​មីនា ឆ្នាំ ២០២៣ កន្លងមក កិច្ចប្រជុំ​រវាង​គណៈកម្មការ​សម្របសម្រួល APSF និង CAMAPGOC និង TD “Technical Delegation” CM “Competition Manager” បាន​ដំណើរការ ដោយ​រលូន​បង្ហាញ​នូវ​ការ​យកចិត្តទុកដាក់ និង​ត្រៀមលក្ខណៈ​ផែនការ​យ៉ាង​ហ្មត់ចត់​រួចជាស្រេច សម្រាប់​ដាក់​ដំណើរការ​នូវ​លក្ខខណ្ឌ​បច្ចេកទេស​ជូន​ដល់​សមាជិក​អាស៊ាន ដឹកនាំ​ប្រតិភូ​របស់ខ្លួន ចូលរួម​ធ្វើការ​ប្រកួត​ឲ្យ​ជោគជ័យ​ទៅតាម​របៀបវារៈ និង​វិញ្ញាសា ដែល​បាន​គោរព​ទៅតាម​ច្បាប់ អន្តរជាតិ​។

កម្ពុជា សូម​ស្វាគមន៍​ចំពោះ​វត្តមាន​តំណាង​ពិសេស​នាយ​បេសកកម្ម ក្នុង​ការ​រៀបចំ​លើកទឹកចិត្ត ដល់​អត្ត​ព​លិ​កនៅ​បណ្តា​ប្រទេស​នីមួយៗ​បាន​ចូលរួម​ប្រកួត​ចុះ​ជា​វិញ្ញាសា​ឲ្យ​បាន​ច្រើន​កុះករ​។ ការជួប​នាយ​បេសកកម្ម​ដែលជា​តំណាង​សម្រាប់​ធ្វើការ​ជា​ច្រកចេញចូល​តែមួយ ក្នុង​ការរៀបចំ​ប្រតិភូ​ទាំង​ប្រតិភូ​ថ្នាក់ជាតិ ប្រតិភូ​តំណាង​សហព័ន្ធ​របស់ខ្លួន ប្រតិភូ​កីឡា និង​បណ្តា​ប្រតិភូ​សំខាន់ៗ​មួយ​ចំនួន​ទៀត ដោយ​សហការ​ជាមួយ​គណៈកម្មាធិការ​ជាតិ​រៀបចំ​ការប្រកួត​កីឡា​អាស៊ាន​ប៉ា​រ៉ា​ហ្គេម លើក​ទី ១២ ដើម្បី​ឲ្យ​ទទួល​បាន​ជោគជ័យ​។

គួរ​បញ្ជាក់​ថា នាយ នាយរង​បេសកកម្ម​មកពី ១១ ប្រទេស ដែល​ចូលរួម​កិច្ចប្រជុំ​នេះ រួមមាន ព្រុយ​ណេ កម្ពុជា ឥណ្ឌូណេស៊ី ឡាវ ម៉ាឡេស៊ី ភូមា ហ្វីលីពីន សិង្ហបុរី ថៃ ទី​ម័​ររ​ខាងកើត និង​វៀតណាម និង​ឯកឧត្ដម ឧត្ដមសេនីយ៍​ទោ Osoth Bhavilai ប្រធាន​សហព័ន្ធ​កីឡា​ជនពិការ​អាស៊ាន និង​លោកស្រី​បណ្ឌិត Wandee Tosuwan អគ្គលេខាធិការ សហព័ន្ធ​កីឡា​ជនពិការ​អាស៊ាន ដើម្បី​គាំទ្រ​ដល់​ដំណើរការ​ត្រៀម​រៀបចំ​ព្រឹត្តិការណ៍​កីឡា​អាស៊ាន​ប៉ា​រ៉ា​ហ្គេម លើក​ទី ១២ ឆ្នាំ ២០២៣ នៅ​កម្ពុជា ឲ្យ​ទទួល​បាន​លទ្ធផល​ផ្លែផ្កា និង​ជោគជ័យ៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម