កីឡា

ក្តៅៗ WLF ផ្គូផ្គងស្តេចប្រដាល់ Leduc ប៉ះ ព្រំ សំណាង វ៉ៃក្បាច់សេរីរបស់ភូមា

បានផុស

៣ years មុន

នៅ

ថ្ងៃអង្គារ ១១ មេសា ២០២៣

ដោយ

សហព័ន្ធកីឡាប្រដាល់ឡេតវីពិភពលោក (WLF) របស់ប្រទេសមីយ៉ាន់ម៉ានៅរសៀលថ្ងៃទី១១ ខែមេសានេះ បានផ្គូផ្គងឲ្យមានការជួបគ្នារវាងជើងខ្លាំងគុនខ្មែរ ព្រំ សំណាង ប៉ះស្តេចប្រដាល់ភូមាកីឡាករ Dave Leduc ដោយប្រើរូបមន្តប្រកួតសេរីរបស់ក្បាច់គុនមីយ៉ាន់ម៉ា។

WLF បានរៀបរាប់ថា ៖«ឆាកប្រយុទ្ធត្រូវបានរៀបចំឡើងសម្រាប់ជើងឯកគុនខ្មែរច្រើនគ្រឿង ព្រំ សំណាង ដែលមានប្រវត្តិប្រកួត១៥០ដង ចាញ់តែ១០ដង និងទទួលជ័យជម្នះដោយផ្តួលដៃគូឲ្យសន្លប់៧លើកជាប់គ្នា បានជួបប្រកួតជាផ្លូវការជាមួយជើងឯកឡេតវីពិភពលោក Dave Leduc ដោយប្រើលក្ខន្តិកៈក្បាច់ Lethwei ពេញតែម្តងគឺ អត់ប្រើហ្គង់ដៃ អាចបុកក្បាលគ្នាបាន សម្រាករបួស២នាទី និងទាល់តែវ៉ៃដៃគូឲ្យសន្លប់ទើបមានអ្នកឈ្នះ ហើយគ្មានចៅក្រមដាក់ពិន្ទុឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរូបភាពដែលត្រូវបានឌីហ្សាញបង្ហាញថា ការប្រកួតធ្វើនៅថ្ងៃទី២៧ ខែឧសភា នៅប្រទេសស្លូវ៉ាគី។ ពេលវេលានេះគឺបន្ទាប់ពី ព្រំ សំណាង ប្រកួតកីឡាស៊ីហ្គេម លើកទី៣២ ឆ្នាំ២០២៣រួច។

ជាការឆ្លើយតបវិញ កីឡាករ ព្រំ សំណាង បាននិយាយថា ប្រសិនបើឲ្យតម្លៃទាប រូបគេនឹងមិនប្រកួតឡើយ៕

អត្ថបទ៖ វីរបុត្រ