កីឡា
មូលនិធិព្រីនស៍ អបអរសាទរក្រុមបាល់ទះបុរសក្នុងសាលជម្រើសជាតិកម្ពុជា ដែលទទួលបានជោគជ័យក្នុងការប្រកួតកីឡាស៊ីហ្គេមលើកទី ៣២
មូលនិធិព្រីនស៍ បានប្រារព្ធពិធីអបអរសាទរដល់ក្រុមកីឡាករបាល់ទះ ក្នុងសាលជម្រើសជាតិកម្ពុជា ដែលបានឈ្នះមេដាយប្រាក់ពីព្រឹត្តិការណ៍កីឡាស៊ីហ្គេមលើកទី ៣២ កាលពីពេលថ្មីៗនេះ។
អំណោយជាការកោតសរសើរ និងលើកទឹកចិត្តនេះ ត្រូវបានប្រគល់ជូនដល់ម្ចាស់មេដាយប្រាក់ស៊ីហ្គេម រួមជាមួយនឹងគ្រូបង្វឹករបស់ក្រុមជម្រើសជាតិកម្ពុជាផងដែរ នៅឯសហព័ន្ធកីឡាបាល់ទះកម្ពុជា។
ក្រោមមាគ៌ាដឹកនាំរបស់សប្បុរសជន អ្នកឧកញ៉ា ចេន ហ្ស៊ី និងជាប្រធានក្រុមហ៊ុនព្រីនស៍ ហូលឌីង គ្រុប មូលនិធិព្រីនស៍ បានបន្តគាំទ្រក្រុមបាល់ទះបុរសជម្រើសជាតិកម្ពុជាក្នុងរយៈពេលប្រាំឆ្នាំចុងក្រោយនេះ ដែលរួមទាំងការសម្របសម្រួលការប្រកួតមិត្តភាពអន្តរជាតិ និងការឧបត្ថម្ភគ្រូបង្វឹកដែលមានបទពិសោធន៍ជាច្រើនឆ្នាំមកបង្វឹកកូនក្រុមផងដែរ។
លោក Gabriel Tan ប្រធានមូលនិធិព្រីនស៍ បានសម្ដែងការកោតសរសើរចំពោះការខិតខំប្រឹងប្រែង និងការលះបង់របស់ក្រុម ដែលនាំឲ្យពួកគេទទួលបានជ័យជម្នះនាពេលថ្មីៗនេះ ក្នុងព្រឹត្តិការណ៍កីឡាស៊ីហ្គេមលើកទី ៣២។ លោកបានគូសបញ្ជាក់បន្ថែមពីការប្ដេជ្ញាចិត្តមិនងាករេរបស់មូលនិធិក្នុងការលើកកម្ពស់ការអភិវឌ្ឍវិស័យកីឡានៅកម្ពុជា ដោយសង្កត់ធ្ងន់លើការផ្ដល់ផលជាវិជ្ជមានចំពោះសហគមន៍។
លោក Tan បានមានប្រសាសន៍ថា «ការទទួលបានមេដាយប្រាក់ក្នុងវគ្គប្រកួតចុងក្រោយជាមួយក្រុមខ្លាំងមកពីប្រទេសឥណ្ឌូណេស៊ី គឺជាសមិទ្ធផលដ៏គួរឲ្យកត់សម្គាល់ ដែលបានសបញ្ជាក់ឲ្យឃើញពីការប្ដេជ្ញាចិត្ត និងភាពអត់ធ្មត់របស់ក្រុម»។ «ពិតជាមិនអាចប្រកែកបានឡើយ! ការខិតខំប្រឹងប្រែង ការតាំងចិត្ត និងចំណង់ចំណូលចិត្តសម្រាប់កីឡាមួយនេះ នឹងដឹកនាំក្រុមជម្រើសជាតិកម្ពុជាឲ្យឆ្ពោះទៅរកការទទួលជ័យជម្នះដ៏ធំធេងនាពេលអនាគត រួមទាំងការទទួលមេដាយមាសនៅឆ្នាំខាងមុខៗ»។
មូលនិធិព្រីនស៍ លើកទឹកចិត្តឲ្យមានការចូលរួមក្នុងសកម្មភាពកីឡាគ្រប់កម្រិត ដើម្បីជំរុញឲ្យមានភាពរឹងមាំ និងភាពធន់ក្នុងសហគមន៍ ស្របពេលលើកកម្ពស់សុខភាព និងសុខុមាលភាពបុគ្គលម្នាក់ៗ តាមរយៈការលេងកីឡា។ មូលនិធិ នៅតែប្ដេជ្ញាចិត្តក្នុងការគាំទ្រដល់ការអភិវឌ្ឍកីឡាដែលជាកត្តាជំរុញឲ្យមានការផ្លាស់ប្ដូរជាវិជ្ជមានក្នុងប្រទេសកម្ពុជា ហើយនឹងបន្តពង្រឹងទិដ្ឋភាពកីឡារបស់ប្រទេសតាមរយៈគំនិតផ្ដួចផ្ដើមទំនួលខុសត្រូវសង្គមរបស់សាជីវកម្ម (CSR) ផងដែរ៕
លួចលុយក្រុមហ៊ុនជាង ១ ៣០០ ០០០ បាត ចូលកាសុីណូលេងល្បែងចាញ់អស់ ត្រូវអាវុធហត្ថឃាត់ខ្លួន
កូរ៉េខាងត្បូង គ្រោងដាក់ចេញច្បាប់ហាមទទួលទានសាច់ឆ្កែ
មន្ត្រីជាន់ខ្ពស់ទេសចរណ៍ អំពាវនាវគ្រប់ភាគីពាក់ព័ន្ធ ចូលរួមលើកកម្ពស់ការផ្សព្វផ្សាយម្ហូបអាហារខ្មែរ
រដ្ឋមន្ត្រីកសិកម្មចិន សរសើរផលិតផលកសិកម្មកម្ពុជាមានគុណភាពល្អ និងរសជាតិឆ្ងាញ់
ទង្វើបវរកញ្ញា ២ រូប ធ្វើឲ្យអ្នកគាំទ្រសរសើរគ្រប់គ្នា
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ៦ ថ្ងៃ មុនកូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ៧ ថ្ងៃ មុនទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុនមេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៤ ថ្ងៃ មុនលោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុនថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម២ ថ្ងៃ មុនបងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុនទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ