Ronaldo បង្អួតនាឡិកាប្រណិត តម្លៃថ្លៃជាងរថយន្ត Range Rover ៧ ដង

កីឡាករបាល់ទាត់ Cristiano Ronaldo បង្ហាញ​វត្ថុ​ប្រណិត​ចុងក្រោយដែល​ជា​នាឡិកា Jacob & Co-made ​ដ៏​អស្ចារ្យ​នៅលើ Instagram ផ្ទាល់ខ្លួន ខណៈតម្លៃ ៧៥០,០០០ផោន (៩២៦,៨៩៨.៧៥ដុល្លារ)។

ទោះយ៉ាងណាក៏ដោយគេ​មិន​ទាន់ដឹងថា Ronaldo កំពុងតែ​ផ្សាយពាណិជ្ជកម្ម​ឲ្យ​ក្រុមហ៊ុនផលិត​នោះទេ ប៉ុន្តែរូបថតរបស់គាត់​ភ្លាមៗ​បាន​ទាក់ទាញ​ចំណាប់​អារម្មណ៍​យ៉ាង​ខ្លាំង​ពីសំណាក់​អ្នកគាំទ្រ។

ក្នុង​នាម​ជា​កីឡាករ​ដែល​រក​ចំណូល​បាន​ច្រើន​ជាង​គេ​លើ​ពិភពលោក វា​មិន​គួរ​ឲ្យ​ភ្ញាក់​ផ្អើល​ទេ​ដែល Cristiano Ronaldo ចំណាយ​ប្រាក់​យ៉ាង​អធិកអធម​បែប​នេះ។ នាឡិការបស់ Ronaldo មានតម្លៃ ៧ដងច្រើនជាង ១០០,០០០ផោន (១២៣,៥២២.៣០ដុល្លារ ) ដែលគាត់បានចំណាយលើ​រថយន្ត​ទំនើប Range Rover Sport កាល​ពី​ប៉ុន្មាន​ឆ្នាំ​មុន។

យោងតាមគេហទំព័រ Celebrity Net Worth ជាមួយនឹងទ្រព្យសម្បត្តិចំនួន ៥០០លានដុល្លារ កីឡាករ Cristiano Ronaldo មិនភ័យខ្លាចក្នុងការក្លាយជាម្ចាស់នាឡិកាដ៏ធំ និងមានតម្លៃថ្លៃបំផុត​មួយ​នៅ​ក្នុង​ពិភពលោក​នោះទេ។ ទាំងអស់មកពីម៉ាកនាឡិកាប្រណីតកំពូល ដោយអ្នកផលិត​នាឡិកាដែលមានជំនាញបំផុត។ នាឡិការបស់តារាបាល់ទាត់ព័រទុយហ្គាល់ជា​ច្រើនប្រភេទគឺកម្រ និងមានតម្លៃថ្លៃ​ជាងផ្ទះ ឬឡានទៅទៀត។

ចាប់តាំងពី Ronaldo ផ្លាស់ទៅប្រទេសអារ៉ាប៊ីសាអូឌីត ដើម្បីលេងឲ្យក្លឹបAl Nassr បាន​ធ្វើឲ្យលោក​ក្លាយជាកីឡាករដែលមានប្រាក់ខែខ្ពស់បំផុតក្នុងពិភពលោក៕

ប្រែសម្រួល៖ សាង ស្រីល័ក្ខ

ចុចអាន៖Ronaldo នឹងផ្ដល់សំណងឲ្យ Georgina ច្រើនសន្ធឹក បើពួកគេបែកគ្នាដូចព័ត៌មានពិតមែន