កីឡា
កូនខ្មែរនៅអាមេរិក អែម សុវណ្ណារី ថាជារឿងចៃដន្យក្នុងវិថីឡើងប្រកួតអាជីព
កូនខ្មែរនៅអាមេរិក អែម សុវណ្ណារី ដែលជាកីឡាការិនីជាប់កិច្ចសន្យានៅសង្វៀន ONE Championship នោះបានបង្ហើបថា ការឡើងសង្វៀនក្នុងការប្រកួតអាជីព គឺ ជារឿងមិននឹកស្មានមួយ។
សុវណ្ណារី ចូលចិត្តក្បាច់គុនតាំងនៅក្មេងនិងចូលចិត្តលេងច្រើន ប៉ុន្តែ គ្រួសាររបស់គេមិនមែនជាអ្នកធូរធារនោះទេ។ ដូច្នេះហើយទើប សុវណ្ណារី មិនមានឱកាសទៅហ្វឹកហាត់នៅក្លិបកីឡា ឬ ក្លិបប្រដាល់ដូចក្មេងៗដទៃនោះឡើយ។
កូនខ្មែរកើតនៅអាមេរិករូបនេះមានក្ដីស្រលាញ់ក្បាច់គុនតាមរយៈវីដេអូហ្គេម និង ខ្សែភាពយន្តប៉ុណ្ណោះ ប៉ុន្តែ ប៉ុន្តែគេគ្មានសិទ្ធិធ្វើអ្វីឲ្យបានច្រើនលើសពីក្ដីស្រលាញ់ឡើយ។ ឪពុកម្ដាយរបស់គេក៏គ្មានលទ្ធភាពដើម្បីឲ្យកូនទៅហ្វឹកហាត់ក្លិបផ្លូវការដែរ។
សុវណ្ណារី បានរៀបរាប់បែបនេះ «ខ្ញុំអត់មានមធ្យោបាយដើម្បីហ្វឹកហាត់ ឬ ធ្វើអ្វីនោះទេ។ ខ្ញុំក៏អត់មានជម្រើសអ្វីដែរ…អត់មានជម្រើសចូលហាត់ទេ។ ប៉ុន្តែវាបានផ្លាស់ប្ដូរខ្ញុំរហូតដល់ពេលខ្ញុំមានវ័យ ២០ឆ្នាំ។ ខ្ញុំបានហ្វឹកហាត់ប្រដាល់សកលដែលជាវិធីធ្វើឲ្យរាងកាយនៅស្រឡូន និងមាំមួនកម្លាំងខ្លាំងក្លា»។
ដំបូងឡើយ សុវណ្ណារី អត់មានមហិច្ឆតាដើម្បីបន្តអាជីពផ្នែកកីឡានេះឲ្យរីកចម្រើននោះទេ។ យ៉ាងណាក្ដី គេបានដក់ជាប់ក្ដីស្រលាញ់ទៅនឹងភាពថ្នឹកក្នុងការហ្វឹកហាត់ ឬ វ៉ៃដើម្បីឲ្យចេញញើសសម្រាប់សុខភាពប៉ុណ្ណោះ។
សុវណ្ណារី ពន្យល់ទៀតថា «កាលនោះមានមិត្តភ័ក្ដិរបស់ខ្ញុំ តែឥឡូវជាសង្សាររបស់ខ្ញុំ បានណែនាំឲ្យទៅហ្វឹកហាត់ប្រដាល់សកលនៅក្លិបមួយនាក្រុងឡុងប៊ិច។ ខ្ញុំគ្រាន់តែទៅសាកល្បងព្រោះមិត្តប្រុសរបស់ខ្ញុំមានទំនាក់ទំនងល្អទីនោះ។ ប៉ុន្តែ ខ្ញុំនៅតែមិនអាចបង់លុយដើម្បីក្លាយជាសមាជិកដដែល។ ខ្ញុំបានព្យាយាមហាត់។ យ៉ាងណាក៏ដោយ គ្រូរបស់ខ្ញុំចិត្តល្អណាស់ និង ឲ្យខ្ញុំហាត់ជាមួយគាត់ដោយឥតគិតថ្លៃ»។
សុវណ្ណារី បន្តថា «ខ្ញុំពិតជាភ្ញាក់ផ្អើលខ្លាំងណាស់ ខណៈដែលខ្ញុំជាគ្រាន់តែជាអ្នកធ្វើត្រាប់តាមគេ ឬ មើលខ្សែភាពយន្តក្បាច់កុងហ្វូ ប៉ុណ្ណោះ។ ខ្ញុំមិនដែលនឹកភ្នកថាបានហាត់ប្រដាល់សកលនោះទេ។ វាជាក្ដីស្រលាញ់របស់ខ្ញុំ»។
ទោះជាស្រលាញ់ប្រដាល់សកលយ៉ាងជក់ចិត្តប៉ុន្តែ ក៏ចង់ហាត់ប្រភេទកីឡាផ្សេងដែរ។ បន្ទាប់មកគេចាប់ផ្ដើមហាត់ក្បាច់ជឺជិតស៊ូ និងចំបាប់ទៀតផង។ ក្រោយមកទៀត គេមានឱកាសឡើងសង្វៀននៅអាមេរិក និង ឈ្នះ ២ លើកជាប់គ្នានៅអាមេរិក មុនចុះកិច្ចសន្យាប្រកួតឲ្យសង្វៀនធំបំផុតនៅអាស៊ី ONE Championship នៅឆ្នាំ២០១៨។
អែម សុវណ្ណារី វិលមកសង្វៀនលំដាប់ពិភពលោកវិញត្រូវតទល់ជាមួយនឹងកីឡាការិនីកូរ៉េខាងត្បូង Choi Jeong Yun នៅព្រឹត្តិការណ៍ប្រកួត ONE: UNBREAKABLE II នារាត្រីថ្ងៃសុក្រ ទី២៩ ខែ មករា នៅកីឡដ្ឋាន Singapore Indoor Stadium ប្រទេសសិង្ហបុរី។
គួរដឹងថា សុវណ្ណារី បានបង្ហាញខ្លួនល្អឥតខ្ចោះក្នុងការបង្ហាញខ្លួនដំបូងនៅសង្វៀនលំដាប់ពិភពលោក ONE កាលខែ ធ្នូ ឆ្នាំ ២០១៨ ពេលផ្ដួលកីឡាការិនីអ៊ុយក្រែន Iryna Kyselova ឲ្យសន្លប់ត្រឹមថិរវេលា ៨១ វិនាទីប៉ុណ្ណោះ។ យ៉ាងណាក្ដី មួយឆ្នាំបន្ទាប់ សុវណ្ណារី ចាញ់កីឡាការិនីជើងខ្លាំងឥណ្ឌា Rayane Marques Bastos កាលខែ ធ្នូ ឆ្នាំ ២០១៩៕
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ