កីឡា

គុនខ្មែរអលស្តារវគ្គ៨ដែលមានរង្វាន់រថយន្តប្រកាសលក់សំបុត្រជាផ្លូវការ

បានផុស

៣ years មុន

នៅ

ថ្ងៃចន្ទ ១៤ សីហា ២០២៣

ដោយ

សំបុត្រមាន៣ប្រភេទសម្រាប់ទស្សនាការប្រកួត គុនខ្មែរអលស្តារ (Kun Khmer All Star) វគ្គ៨ នៅល្ងាចថ្ងៃអង្គារ៍ ទី២២ ខែសីហា ឆ្នាំ២០២៣ នៅវិមានពហុកីឡដ្ឋានជាតិអូឡាំពិក។

តម្លៃសំបុត្រដើម្បីចូលទស្សនាមានប្រភេទទី១ តម្លៃ១០ដុល្លារ ប្រភេទទី២ តម្លៃ៥ដុល្លារ និងប្រភេទទី៣ តម្លៃ៣ដុល្លារដែលចាប់ផ្តើមលក់ពីថ្ងៃទី១៤ ខែសីហានេះតទៅ។ លោក ស៊ន អេលីត ស្ថាបនិកកម្មវិធីគុនខ្មែរអលស្តារ និងជាគ្រូបង្ហាត់ប្រដាល់បានឲ្យដឹងថា សំបុត្រមានដាក់លក់នៅ ភ្នាក់ងារលក់សំបុត្រជាច្រើនកន្លែងមានដូច ក្លិបហាត់ប្រាណ HAHA Super Fight&Gym, ក្លិបប្រដាល់ នាយកដ្ឋានអង្គរក្ស, ក្លិបប្រដាល់គុនខ្មែរ ព្រេជ សុផាន់, ពហុកីឡដ្ឋានជាតិអូឡាំពិកជាតិអូឡាំពិក និង អេតមីន គឹមសង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ន អេលីត បានលើកឡើងថា កីឡាករ៤នាក់គឺ អេលីត សាន់, ពេជ្រ សម្បត្តិ, ម៉ានូ សិល្បៈ និង រឿង សោភ័ណ្ឌ មានម្នាក់នឹងទទួលបានរង្វាន់រថយន្ត១គ្រឿង។

ទោះបីជាយ៉ាងណា នៅមិនទាន់ដឹងច្បាស់គោលការណ៍ដែលផ្តល់រង្វាន់រថយន្តឡើយ។ អ្នកខ្លះបានលើកឡើងថា កីឡាករណាប្រកួតទទួលបានការចាប់អារម្មណ៍ខ្លាំងបំផុតនឹងទទួលបានរង្វាន់រថយន្ត ខណៈអ្នកខ្លះបានលើកឡើងថា នឹងមានការបោះឆ្នោត (Vote) ជ្រើសរើសកីឡាករមានប្រជាប្រិយភាពបំផុតដើម្បីទទួលបានរថយន្ត។

តាមការគ្រោងទុក ព្រឹត្តិការណ៍ គុនខ្មែរអលស្ដារ វគ្គ៨នេះមានចំនួន៩គូ ក្នុងនោះមានការប្រកួតដណ្តើមខ្សែក្រវាត់៣ និងមិត្តភាព៦គូ។ គិតមកត្រឹមថ្ងៃនេះគឺមាន៥គូហើយត្រូវបានប្រកាសឈ្មោះ និងដៃគូជាផ្លូវការ។

១.ទម្ងន់ ៤៥គ.ក៖ ពេជ្រ សិង្ហៈ (កម្ពុជា) vs ប៉្លាកាត់ (ឡាវ)
២. ទម្ងន់ ៥១គ.ក៖ ឡុង ពិសិទ្ធ (កម្ពុជា) vs អេលីត រស្មី (កម្ពុជា) ដណ្តើមខ្សែក្រវាត់
៣. ទម្ងន់ ៦០គ.ក៖ អេលីត សាន់ (កម្ពុជា) vs Zaw Aye See (មីយ៉ាន់ម៉ា) ដណ្តើមខ្សែក្រវាត់ពី អេលីត សាន់
៤. ទម្ងន់ ៦០គ.ក៖ ពេជ្រ សម្បត្តិ (កម្ពុជា) vs Saw Kolo (មីយ៉ាន់ម៉ា)
៥. ទម្ងន់ ៦៩គ.ក៖ រឿង សោភ័ណ្ឌ (កម្ពុជា) vs Alessio Malatesta (អ៉ីតាលី) ដណ្ដើមខ្សែក្រវាត់

អត្ថបទ៖ ផា រតនា

Related Topics:កីឡាប្រដាល់គុនខ្មែរ