កីឡា
គ្រូ Young Elephants ចាត់ទុកកីឡាករភ្នំពេញក្រោន២នាក់គ្រោះថ្នាក់ល្ងាចនេះ
ក្លិបភ្នំពេញក្រោនឹងត្រូវបើកទ្វារកីឡដ្ឋានស្មាត អ អេស អិន ទទួលក្រុមភ្ញៀវក្លិប Young Elephants វេលាម៉ោង ៦ល្ងាចថ្ងៃទី១៦ ខែសីហា ឆ្នាំ២០២៣ ក្នុងវគ្គជម្រុះបឋមពានរង្វាន់ AFC CUP ២០៣៤-២៤។
ក្នុងខែសីហានេះ ភ្នំពេញក្រោនធ្វើការធ្ងន់មែនទែនក្នុងនោះប្រកួតវគ្គផ្តាច់ព្រ័ត្រជើងឯកខេមបូឌានលីគខាប់ ជាមួយណាហ្គាវើលដ៍រហូតឈានដល់វគ្គប៉េណាល់ទីកាត់សេចក្តី។ បន្ទាប់មកពួកគេបានប្រកួតឈ្នះវិសាខាដើម្បីគ្រងជើងឯកខេមបូឌានស៊ុបភើខាប់ និងសប្តាហ៍ទី១នៃលីគកំពូលកម្ពុជារដូវកាលយកឈ្នះក្រុមខ្លាំងបឹងកេត មុនពេលចាញ់ក្រុមខ្លាំងព្រះខ័នរាជស្វាយរៀង២-១ ក្នុងសប្តាហ៍ទី២នៃលីគកំពូលកម្ពុជា។
លោក Satyasagara គ្រូបង្គោលក្លិប Young Elephants និយាយាថា៖«ភ្នំពេញក្រោនហាក់មានសម្ពាធក្នុងការប្រកួតថ្ងៃនេះ ដោយសារលីគកម្ពុជាទើបចាប់ផ្តើម។ ពួកគេមានការងារច្រើនដែលត្រូវធ្វើ និងគ្មានពេលសម្រាកគ្រប់គ្រាន់។ ផ្ទុយទៅវិញ ក្រុមរបស់ខ្ញុំមិនសូវមានសម្ពាធទេ ពីព្រោះលីគកំពូលឡាវបានសម្រាកជាង១ខែ ប៉ុន្តែយើងនៅតែបន្តហ្វឹកហាត់ និងមានការប្រកួតផ្សេងៗ»។
លោកបានបញ្ជាក់ថា កីឡាករ២រូបរបស់ភ្នំពេញក្រោនដែលលោកគិតថា ក្រុមរបស់របស់លោកត្រូវប្រុងប្រយ័ត្នខ្លាំងគឺកីឡាករប្រយុទ្ធលេខ១០ Nieto និងកីឡាករបម្រើលេខ៦ Yudai Ogawa។
ចំណែក លោក Oleg Starynskyi គ្រូបង្គោលភ្នំពេញក្រោនបាននិយាយថា ការចាញ់ព្រះខ័នរាជស្វាយរៀងគឺជាការដាស់ស្មារតីក្រុមទាំងមូល និងការជំរុញទឹកចិត្តឲ្យពួកគេដាក់ឆន្ទៈខ្ពស់សម្រាប់ការប្រកួតជាមួយ Young Elephants។
«ក្រុម Young Elephants បានសម្រាករយៈពេលជាង១ខែហើយ។ ពួកគេមានពេលវេលាត្រៀមខ្លួនគ្រប់គ្រាន់។ ចំពោះភ្នំពេញក្រោន បានឆ្លងកាត់ការប្រកួតលំបាកៗទាំងក្នុងពានរង្វាន់ ខេមបូឌានស៊ុបភើខាប់ និង ខេមបូឌានព្រីមៀរលីគ ដែលជួបសុទ្ធតែក្រុមខ្លាំង។ នេះក៏ជាការត្រៀមខ្លួនដ៏ល្អមួយរបស់ក្លិបភ្នំពេញក្រោន»។ លោក Oleg Starynskyi បានរៀបរាប់ថា និងបន្ថែមថា ៖«កីឡាកររបស់ខ្ញុំមិនមានបញ្ហារបួសអ្វីទេ។ Young Elephants មានការផ្លាស់ប្ដូរកីឡាករបរទេសមួយចំនួន ប៉ុន្តែទម្រង់លេងហាក់មិនមានការផ្លាស់ប្ដូរច្រើនទេ»។
ជាមួយគ្នានេះ សមាជិកវ័យក្មេងរបស់ភ្នំពេញក្រោន លឹម ពិសុទ្ធ និយាយថា ៖«ខ្ញុំនឹងព្យាយាមលេងយកឈ្នះក្រុមឡាវ Young Elephants ឲ្យបាន»។
ប្រធានក្រុម Young Elephants កីឡាករ Manolom Phetphakdy និយាយថា ៖«កីឡាករដែលខ្ញុំគិតថា គ្រោះថ្នាក់បំផុតនៅលើទីលានគឺកីឡាករពាក់អាវលេខ៦ Yudai Ogawa»។
ក្លិបទាំង២ធ្លាប់បានជួបគ្នាម្តងគត់ គឺភ្នំពេញក្រោនបានយកឈ្នះ Young Elephants ដោយលទ្ធផល ៤-២ នៅវគ្គសំន្សំពិន្ទុក្នុងពូលក្នុងពានរង្វាន់ AFC CUP ឆ្នាំ ២០២២៕
អត្ថបទ៖ ផា រតនា
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៦ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ