កីឡា
គ្រូជំនាញ៣នាក់វិភាគជំនួបអ្នកលេងក្បាច់ ឃីម បូរ៉ា ប៉ះក្របីព្រៃ ពេជ្រ សម្បត្តិ
តារាក្បាច់គុនខ្មែរកំពុងល្បីឈ្មោះ ពេជ្រ សម្បត្តិ ប៉ះអ្នកលេងក្បាច់ ឃីម បូរ៉ា បានកំពុងក្លាយជាប្រធានបទដ៏សំខាន់សម្រាប់អ្នកវិភាគ និងអ្នកគាំទ្រជជែកវែកញែកអស់រយៈពេលជាច្រើនថ្ងៃមកហើយ មុនពេលនេះអ្នកទាំងពីរត្រូវជម្រះមន្ទិលសង្ស័យនាចុងសប្តាហ៍នេះ។
ជំនួបនឹងធ្វើឡើងនៅល្ងាចថ្ងៃអាទិត្យ ទី៣ ខែកញ្ញា ឆ្នាំ២០២៣ នៅសង្វៀនទូរទស្សន៍ជាតិកម្ពុជាក្នុងតំបន់ OCIC ជ្រោយចង្វារ រាជធានីភ្នំពេញដែលកីឡាករទាំងពីរសុទ្ធតែដាក់ខ្សែក្រវាត់ម្នាក់១គ្រឿង ដូច្នេះមានន័យថា អ្នកឈ្នះការពារខ្សែក្រវាត់ខ្លួនបានជោគជ័យហើយទទួលបានខ្សែក្រវាត់ Krud ទម្ងន់៦០គីឡូក្រាម១គ្រឿងទៀត។
នេះជាការប៉ះគ្នាលើកដំបូងសម្រាប់កីឡាករល្អកម្លាំងរហស្សនាម«ក្របីព្រៃ» ពេជ្រ សម្បត្តិ ជាមួយម្ចាស់មេដាយមាសស៊ីហ្គេម ឃីម បូរ៉ា ដែលជាអ្នកលេងក្បាច់ និងចិត្តសាស្ត្រ។ ជំនួបនេះមានមតិលើកឡើងច្រើនណាស់ពីអ្នកជំនាញគុនខ្មែរ និងអ្នកស្នេហាប្រដាល់គុនខ្មែរ។
លោក នួន សូរីយ៉ា អតីតកំពូលអ្នកប្រដាល់កំពុងរស់នៅសហរដ្ឋអាមេរិក បាននិយាយថា ក្បាច់សំខាន់របស់ ពេជ្រ សម្បត្តិ គឺបុកដៃគូឲ្យអស់កម្លាំង។ នៅពេលដៃគូចុះខ្សោយអស់កម្លាំងគឺជាឱកាសដែលត្រូវផ្តួលបានហើយ។ ឃីម បូរ៉ា ជាកីឡាករមានក្បាច់គ្រប់គ្រឿងគឺកណ្តាប់ដៃ ទាត់ ជង្គង់ និងកែង ប៉ុន្តែកម្លាំងខ្សោយ។ បូរ៉ាអាចវ៉ៃ៥ទឹកបានល្អទាល់តែប៉ះដៃគូវ៉ៃបច្ចេកទេសដូចគ្នា ប៉ុន្តែបើ ប៉ះដៃគូវ៉ៃបុកគឺគាត់ពិបាកស៊ូបាន៥ទឹកពេញណាស់។
សម្រាប់ជំនួបនេះ លោក នួន សូរិយ៉ា គិតថា ពេជ្រ សម្បត្តិ អាចឈ្នះ ដោយសារមានប្រៀបកម្លាំង។
ជាមួយគ្នានេះ លោក សេន ប៊ុនថេន គ្រូបង្វឹកម្នាក់ បានលើកឡើងថា គូនេះគឺ៥០-៥០។ ប្រសិនបើ ឃីម បូរ៉ា អស់កម្លាំងស៊ុហ្វ អាចនឹងចាញ់ ពេជ្រ សម្បត្តិ ប៉ុន្តែប្រសិនបើមិនអស់កម្លាំងស៊ុហ្វទេ ពេជ្រ សម្បត្តិ អាចជាអ្នកពិបាកវិញ។
ចំណែកលោកគ្រូ អេ ភូថង បាននិយាយច្បាស់ៗថា ប្រសិនបើ ឃីម បូរ៉ា តតាំងទល់មុខគឺពិបាករបស់ ពេជ្រ សម្បត្តិ ហើយ ប៉ុន្តែ បូរ៉ា ជាកីឡាករវ៉ៃក្បាច់ឆ្វេង-ស្តាំ។ យ៉ាងណា សម្រាប់គូនេះ លោកគ្រូឲ្យ ឃីម បូរ៉ា មាន៦០% ខណៈ ពេជ្រ សម្បត្តិ ៤០% ដោយសារ បូរ៉ា ជាសិស្សច្បង។
ពេជ្រ សម្បត្តិ ជាកីឡាករវ៉ៃប្រើកម្លាំងខ្លាំង មានអាវុធធ្ងន់ និងស្មារតីក្លាហាន ខណៈ ឃីម បូរ៉ា ជាកីឡាករប្រើប្រាជ្ញាជាមួយបច្ចេកទេស និងមានការប្រុងប្រយ័ត្នខ្ពស់។ ជំនួបនេះពាក់ហ្គង់ដៃ និងប្រើពេល៥ទឹក៕
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត