Arsenal បានឈ្នះ Everton នៅទឹកដី Goodison Park លើកដំបូងតាំងពីឆ្នាំ២០១៧

ក្លិបកាំភ្លើងធំ Arsenal បានយកឈ្នះក្លិប Everton ក្នុងលទ្ធផល ១-០ ដែល​បាន​ក្លាយ​ជាជ័យជម្នះលើកដំបូងរបស់​ខ្លួន​​នៅកីឡដ្ឋាន Goodison Park គិតតាំងពីឆ្នាំ ២០១៧។

អាចថាជារឿងលំបាកមួយរបស់ Arsenal ក្នុងការយកឈ្នះ Everton ក្នុងជំនួបក្រៅដីបើរាប់ចាប់តាំងពីឆ្នាំ២០១៧។ ជ័យជម្នះចុងក្រោយរបស់ក្លិប Arsenal ទៅលើ Everton នៅកីឡដ្ឋាន Goodison Park គឺចាប់តាំងពីថ្ងៃទី២២ ខែតុលា ឆ្នាំ ២០១៧។​

ចាប់តាំងថ្ងៃនោះ Arsenal មិនទាន់រកបានជ័យជម្នះក្រៅដីលើ Everton ឡើយ។ ក្រុម​កាំភ្លើង​ធំ ត្រូវរង់ចាំអស់រយៈពេលជាង៦ឆ្នាំ​ទើប​​រក​បាន​ជ័យជម្នះក្រៅដីជាលើកដំបូងក្នុងការលេងទល់ជាមួយ Everton។

គិតត្រឹមសប្ដាហ៍ទី៥ ក្នុងពានរង្វាន់ Premier League ក្លិប Arsenal ឈរលេខ៤ មាន១៣ពិន្ទុដោយប្រកួត៥លើក ឈ្នះ៤ និង​ស្មើ១ ខណៈ Everton ឈរនៅលេខ១៨ ទើប​រក​បាន១ពិន្ទុ​ប៉ុណ្ណោះ​ពី​បរាជ័យ​៤លើក និងស្មើ១​លើក។

ប្រវត្តិប្រកួត៥លើករបស់ Arsenal នៅកីឡដ្ឋាន Goodison Park

• Everton ១-០ Arsenal ថ្ងៃទី ៧ ខែមេសា ឆ្នាំ ២០១៩
• Everton ០-០ Arsenal ថ្ងៃទី ២១ ខែធ្នូ ឆ្នាំ ២០១៩
• Everton ២-១ Arsenal ថ្ងៃទី ១៩ ខែធ្នូ ឆ្នាំ ២០២០
• Everton ២-១ Arsenal ថ្ងៃទី ៦ ខែធ្នូ ឆ្នាំ ២០២១
• Everton ២-១ Arsenal ថ្ងៃទី ៤ ខែកុម្ភៈ ឆ្នាំ ២០២៣

អត្ថបទ៖ ផា រតនា