កីឡា

គុនខ្មែរ៥រូបទៅវ៉ៃនៅអូស្ត្រាលី ដណ្តើមខ្សែក្រវាត់៣រូបមានរង្វាន់រថយន្ត១គ្រឿង

បានផុស

៣ years មុន

នៅ

ថ្ងៃសៅរ៍ ១៤ តុលា ២០២៣

ដោយ

កីឡាករប្រដាល់គុនខ្មែរ៥រូបនឹងដឹកដៃគ្នាទៅប្រទេសអូស្ត្រាលីដើម្បីបង្ហាញក្បាច់គុនជាមួយកីឡាករម្ចាស់ផ្ទះនៅថ្ងៃទី៥ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតធំនៅក្រៅប្រទេសមិនធ្លាប់មានពីមុនសម្រាប់កីឡាករប្រដាល់គុនខ្មែរ។ ក្នុងនោះមានកីឡាករ៣រូបត្រូវប្រកួតដណ្តើមខ្សែក្រវាត់អន្តរជាតិ និងមានរង្វាន់រថយន្ត Pick Up ទំនើប១គ្រឿងថែមទៀត។

អ្នលេងគុនខ្មែរ អេ អាំម៉ារីន ភូថង ដែលពូកែខាងជើងជង្គង់ ត្រូវតទល់ជាមួយកីឡាករអូស្ត្រាលី Clinton Corke ដែលជាម្ចាស់ខ្សែក្រវាត់ស្ថាប័ន Rise ដើម្បីដណ្ដើមខ្សែក្រវាត់ទម្ងន់៦៦គីឡូក្រាម។

តារាគុនខ្មែរកំពុងស្ថិតលើវិថីជោគជ័យនៃអាជីពគុនខ្មែរ ពេជ្រ សម្បត្តិ ត្រូវបានកីឡាករម្ចាស់ផ្ទះ Tum Kitti Patkam ទទួលស្វាគមន៍ដោយរន្ទះជើង និងកណ្តាប់ដៃដើម្បីប្រជែងគ្នាដណ្តើមខ្សែក្រវាត់អន្តរជាតិទម្ងន់៦១គីឡូក្រាម។

អ្នកលេងគុនខ្មែរមិនដែលចាញ់៣ឆ្នាំចុងក្រោយ លន បញ្ញា ដែលអ្នកគាំទ្រនិយមហៅ««គ្រូម៉ៅ»ត្រូវប្រឈមនឹងជើងខ្លាំង Cian Lougheed របស់អូស្ត្រាលី ដើម្បីដណ្តើមខ្សែក្រវាត់អន្តរជាតិទម្ងន់៦៥គីឡូក្រាម។

ក្រៅពីគូខ្សែក្រវាត់ទាំង៣ខាងលើ ពេជ្រ ប៊ុនសិទ្ធ ត្រូវប្រកួតមិត្តភាពអន្តរជាតិជាមួយកីឡាករម្ចាស់ផ្ទះ Moo Do និង គឿម សុវណ្ណគីម ជួប Fahed Haidar ក្នុងជំនួបមិត្តភាពដែរ។

កុំភ្លេចតាមដាន តើកីឡាករកម្ពុជាទទួលបានខ្សែក្រវាត់ប៉ុន្មានពីទឹកដីអូស្ត្រាលី ហើយកីឡាកររូបណានឹងក្លាយជាម្ចាស់រថយន្តដ៏ទំនើប។ ព្រឹត្តិការណ៍នេះធ្វើនៅវិមាន MALVERN TOWN HAL ទីក្រុងម៉េលប៊ន ប្រទេសអូស្ត្រាលី ដែលផ្សាយបន្តផ្ទាល់តាមរយៈ BTV ចាប់ពីម៉ោង១១ ថ្ងៃទី៥ ខែតុលា ឆ្នាំ២០២៣៕