កីឡា
អ្នកប្រដាល់៤រូបដែលលោក នួន សូរិយា សរសើរវ៉ៃក្បាច់ល្អជាងគេ
អតីតអ្នកប្រដាល់ជើងខ្លាំង លោក នួន សូរិយា បានសរសើរកីឡាករប្រដាល់ទម្ងន់មធ្យម៤រូបដែលមានក្បាច់វ៉ៃពោរពេញដោយបច្ចេកទេស និងប្រើប្រាជ្ញាច្រើនក្នុងការប្រកួត។
កីឡាករប្រដាល់គុនខ្មែរទាំង៤រូបនោះរួមមាន ប៉ឺត សង្ឃឹម, ឈុត សេរីវ៉ាន់ថង, ឃីម បូរ៉ា និង សុខ ធី (កាកា)។
![](https://www.kampucheathmey.com/wp-content/uploads/2023/08/BIRD-SANGKHEM-KPT-SPORT-NEWS-1-1024x557.jpg)
លោក នួន សូរិយា បានលើកឡើងថា ប៉ឺត សង្ឃឹម ជាកីឡាករវៃឆ្លាត ពោរពេញដោយបច្ចេកទេសដែលស្ទើរតែគ្មានកីឡាករណាផ្សេងដូច។ កីឡាកររូបនេះមានជំនាញទាំងគុនខ្មែរ និងឃីកបុកស៊ីង ដូច្នេះហើយបានជារូបគេបានឈ្នះមេដាយមាសស៊ីហ្គេមលើជំនាញឃីកបុកស៊ីង២សម័យកាលជាប់គ្នា។
![](https://www.kampucheathmey.com/wp-content/uploads/2023/10/chhut-sereyvathong-kpt-sport-news-1024x683.jpg)
លោកបានលើកឡើងទៀតថា ឈុត សេរីវ៉ាន់ថង មានបច្ចេកទេស និងប្រាជ្ញានៅលើសង្វៀន។ រូបគេពិតជាកីឡាករដ៏ល្អម្នាក់ដែលចូល និងចេញបានល្អ។ ចំណែក ឃីម បូរ៉ា មានបច្ចេកទេសវ៉ៃល្អ និងប្រើប្រាជ្ញាច្រើននៅលើសង្វៀន។ រូបគេមានអាវុធល្អទាំងព្រម ប៉ុន្តែស្ទើរកម្លាំង និងអាវុធមិនសូវមានទម្ងន់។ បូរ៉ា ប្រហែលជាមានបញ្ហាសុខភាព ដូច្នេះរូបគេមិនអាចហ្វឹកហាត់ឲ្យលើសកម្រិតបានទេ។
![](https://www.kampucheathmey.com/wp-content/uploads/2023/10/KPS-Sports-Khim-Bora-1024x683.jpg)
លោក នួន សូរិយា បាននិយាយថា សុខ ធី ហៅ កាកា ជាកីឡាករដែលប្រើបច្ចេកទេស និងប្រាជ្ញាក្នុងការប្រកួតច្រើនជាងកម្លាំងបាយ។ ប្រសិនបើដៃគូបុកចូល រូបគេនឹងវ៉ៃថយ ប៉ុន្តែបើដៃគូថយក្រោយ រូបគេនឹងវ៉ៃបុកវិញ។
អតីតអ្នកប្រដាល់ដែលកំពុងរស់នៅសហរដ្ឋអាមេរិកបានបន្ថែមថា សុខ ធី ជាកីឡាករអាជីពដែលពិចារណាវែងឆ្ងាយរាល់ពេលនៅលើសង្វៀន។ ដោយសាររូបគេពឹងលើអាជីពប្រដាល់ដើម្បីចិញ្ចឹមគ្រួសារ ដូច្នេះរូបគេមិនមែនចេះតែវ៉ៃបុកផ្តេសផ្តាសទេ។ រូបគេគិតពីសុខភាព និងសុវត្ថិភាពកាយសម្បទាដើម្បីអាជីពវែងឆ្ងាយ។
![](https://www.kampucheathmey.com/wp-content/uploads/2023/10/sok-thy-kaka.1jpg-683x1024.jpg)
កីឡាករទាំង៤រូបដែលមានទម្ងន់ចន្លោះពី៥៧ទៅ៦០គីឡូក្រាមខាងលើជាអ្នកប្រដាល់ដែលមានកេរ្តិ៍ឈ្មោះល្អ និងជោគជ័យក្នុងអាជីព។ ប៉ឺត សង្ឃឹម, ឈុត សេរីវ៉ាន់ថង និង ឃីម បូរ៉ា សុទ្ធតែឈ្នះមេដាយមាសស៊ីហ្គេមជូនជាតិ ខណៈ សុខ ធី សាងកេរ្តិ៍ឈ្មោះល្បីលើឆាកអន្តរជាតិ ជាពិសេសនៅសង្វៀន ONE Championship និងសង្វៀននៅប្រទេសថៃ៕
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៧ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៧ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម