កីឡា

Dave Leduc ថា ទោះ ព្រំ សំណាង មានគ្រូ១០០នាក់ក៏មិនគ្រប់គ្រាន់

បានផុស

៣ years មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

កាលពីម្សិលមិញ ព្រំ សំណាង បានបង្ហាញគ្រូបង្វឹក១០រូបក្នុងការបង្វឹកបង្ហាត់ដើម្បីត្រៀមប្រកួតជាមួយកីឡាករមីយ៉ាន់ម៉ា Dave Leduc ក្នុងជំនួបប្រវត្តិសាស្ត្រដ៏សំខាន់នៅថ្ងៃទី៥ ខែវិច្ឆិកា ឆ្នាំ២០២៣។

ដោយមើលឃើញពីការសម្ញែងគ្រូបង្វឹក និងសកម្មភាពហ្វឹកហាត់យ៉ាងខ្លាំងក្នុងរយៈពេលប៉ុន្មានថ្ងៃចុងក្រោយនេះ កីឡាករ Dave Leduc បាននិយាយថា ៖«បើទោះបីជាគាត់ (ព្រំ សំណាង) មានគ្រូបង្វឹក១០០នាក់នៅជាមួយ ក៏គាត់មិនគ្រប់គ្រាប់ដែរ។ ជួបគ្នាឆាប់ៗកម្ពុជា។ ទោះមានគ្រូបង្វឹក១០០នាក់ទៀត ក៏មិនគ្រប់ឈ្នះខ្ញុំដែរ»។

មុនពេលចេញសារខាងលើ Leduc ក៏បានបញ្ចេញមតិខ្លីមួយដែរនៅព្រឹកថ្ងៃទី២៦ ខែតុលានេះដោយបាននិយាយពាក់ព័ន្ធនឹងគ្រូបង្វឹកទាំង១០រូបដោយបាននិយាយថា ព្រំ សំណាង ប្រហែលជាភ័យហើយបានជាខំប្រឹងរហូតដល់មានគ្រូ១០នាក់។

ថ្វីបើឃើញ ព្រំ សំណាង បង្ហាញសកម្មភាពហ្វឹកហាត់យ៉ាងសកម្មជាមួយគ្រូបង្វឹកជាច្រើន ក៏ Dave Leduc មិនបានបង្ហាញសកម្មភាពអ្វីច្រើនពាក់ព័ន្ធនឹងការហ្វឹកហាត់របស់ខ្លួនឡើយ។ រូបគេបានបង្ហោះវីដេអូមួយកាលពីពេលថ្មីដោយមានពិធីការិនីម្នាក់សម្ភាសប្រជាជនមីយ៉ាន់ម៉ាដែលភាគច្រើននិយាយថា ពួកគេជឿជាក់ Leduc នឹងឈ្នះ ព្រំ សំណាង៕