កីឡា
អបអរទរ! កូនប្រុស អេ ភូថង ឈ្នះខ្សែក្រវាត់ និងរង្វាន់រថយន្ត១គ្រឿងនៅអូស្ត្រាលី
កីឡាករ ម៉ឺន មេឃា និង អេ អាំម៉ារីន ដែលជាកូនប្រុសបង្កើតរបស់លោក អេ ភូថង បានឈ្នះខ្សែក្រវាត់គុនខ្មែរពិភពលោក និងទទួលបានរង្វាន់រថយន្តថ្មី១គ្រឿងសម្រាប់ការប្រកួតគុនខ្មែរស៊ុបពើហ្វៃនៅប្រទេសអូស្ត្រាលី ថ្ងៃអាទិត្យ ទី៥ ខែវិច្ឆិកា ឆ្នាំ២០២៣។
ម៉ឺន មេឃា ថ្វីបើត្រូវបានជំនួស លន បញ្ញា ដែលមានបញ្ហាសុខភាពបានប្រកួតឈ្នះកីឡាករម្ចាស់ផ្ទះអូស្ត្រាលី Cian Lougheed ដោយពិន្ទុដើម្បីក្លាយជាម្ចាស់ខ្សែក្រវាត់គុនខ្មែរពិភពលោកទម្ងន់៦៥គីឡូក្រាម។ គូនេះពិតជាគួរឲ្យចាប់អារម្មណ៍ខ្លាំងមែនទែនដោយកីឡាករ Cian Lougheed គ្រាន់តែចាប់ផ្តើមទឹកទី១ភ្លាម សម្រុកចូលភ្លាម និងចាប់បោកកីឡាករកម្ពុជាឲ្យដួល២លើកជាប់គ្នា។
ម៉ឺន មេឃា ព្យាយាមវ៉ៃតាមបច្ចេកទេស និងចេញកែងដ៏គ្រោះថ្នាក់។ កីឡាករកម្ពុជាទាត់ច្បាស់ កែងដ៏គ្រោះថ្នាក់ និងកណ្តាប់ដៃដ៏មានប្រសិទ្ធភាពដែលធ្វើឲ្យកីឡាករអូស្ត្រាលីបែកហូរឈាមយ៉ាងខ្លាំង។ ទោះជាយ៉ាងណា មេឃា ក៏ជួបការលំបាកនៅពេលអោបដោយកីឡាករ Cian ខ្ពស់ដែលបានចាប់អោប និងឡើងជង្គង់។ ការឈ្នះពិន្ទុរបស់ មេឃាគឺអស់ឱកាសដើម្បីទទួលបានរង្វាន់រថយន្ត។
ចំណែកប្អូនប្រុសបង្កើតរបស់ ម៉ឺន មេឃា គឺកីឡាករវ័យ២០ឆ្នាំ អេ អាំម៉ារីន វាយដៃគូកីឡាករ Clinton Corke ឲ្យអាជ្ញាកណ្តាលបញ្ឈប់ក្នុងទឹកទី៤ដើម្បីក្លាយជាម្ចាស់ខ្សែក្រវាត់គុនខ្មែរពិភពលោកទម្ងន់៦៦គីឡូក្រាម និងទទួលបានរង្វាន់រថយន្តថ្មី១គ្រឿង។
ការប្រកួតនេះ អេ អាំម៉ារីន បានវ៉ៃតាមបច្ចេកទេសដោយមិនព្យាយាមសម្រុកចូល និងដាក់សម្ពាធលើដៃគូខ្លាំងទេ បើទោះជាខ្លួនមានប្រៀបទាំងអាវុធ និងកម្ពស់។ រូបគេព្យាយាមវ៉ៃមួយៗ និងទាត់ជើងក្រោម ព្រមទាំងកែងដ៏មានប្រសិទ្ធភាព។ ការប្រើកែងបណ្តាលឲ្យកីឡាករ Clinton បែក ហើយ អាំម៉ារីន ព្យាយាមធាក់មុខ និងប្រើកណ្តាប់ដៃបន្ថែមដែលធ្វើឲ្យឈាមកាន់តែខ្លាំងហើយអាជ្ញាកណ្តាលបញ្ឈប់ក្នុងទឹកទី៤។
លទ្ធផលផ្តួលដៃគូឲ្យសន្លប់នេះគឺគ្រប់គ្រាន់ដើម្បីរូបគេទទួលបានរង្វាន់ Pick-up ថ្មីសន្លាង១គ្រឿងពី Ganzberg ខណៈគូប្រជែងគឺកីឡាករ ពេជ្រ សម្បត្តិ ចាញ់ និង ម៉ឺន មេឃា ឈ្នះត្រឹមពិន្ទុប៉ុណ្ណោះ។
ចំណែក ពេជ្រ សម្បត្តិ ដែលជាបេក្ខភាពដណ្តើមខ្សែក្រវាត់ និងរង្វាន់រថយន្តដែរនោះបានចាញ់កីឡាករថៃដោយពិន្ទុ ខណៈ គឿម សុវណ្ណគីម បានប្រកួតឈ្នះកីឡាករ Fahed Haidar ដោយពិន្ទុ។
និយាយរួមព្រឹត្តិការណ៍ប្រកួតនេះពិតជាទទួលបានការគាំទ្រយ៉ាងខ្លាំងពីអ្នកគាំទ្រនៅកម្ពុជា និងអូស្ត្រាលី ហើយក៏ជាទិដ្ឋភាពដ៏អស្ចារ្យបង្ហាញទៅកាន់ពិភពលោកឲ្យស្គាល់គុនខ្មែរ៕
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?