Connect with us

កីឡា

អតីតជើងខ្លាំង ឡោ សំណាង សរសើរ ប៉ឺត សង្ឃឹម ស័ក្តិសមតំណាងឲ្យគុនខ្មែរ

បានផុស

នៅ

អតីតកីឡាករប្រដាល់ល្បីឈ្មោះ ឡោ សំណាង បានចាត់ទុកកីឡាករប្រដាល់គុនខ្មែរ ប៉ឺត សង្ឃឹម ស័ក្តិសមតំណាងឲ្យគុនខ្មែរ។

លោក ឡោ សំណាង ដែលកាលនៅជាកីឡាករពូកែវ៉ៃក្បាច់ដែរនោះបានលើកឡើងថា ៖«ប៉ឺត សង្ឃឹម ទើបស័ក្តិសមតំណាងឲ្យគុនខ្មែរទាំងក្បាច់ កម្លាំង ល្បឿន និងភាពវៃឆ្លាត។ ខ្ញុំទទួលស្គាល់នេះទើបចេះវាយពិតប្រាកដមែន អត្តចរិកកាន់តែល្អ។ ខ្ញុំពេញចិត្តគាត់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ឹត សង្ឃឹម ដែល​ជា​កូន​សិស្ស​របស់​លោក​គ្រូ សេន ប៊ុនថេន និង ប៉ឺត ខាំ​ មិនទាន់ស្គាល់ពាក្យបរាជ័យឡើងក្នុងការឡើងសង្វៀនប្រហែលជាបីឆ្នាំចុងក្រោយនេះ និងអាចចាត់ទុកជាកីឡាករទទួលបានជោគជ័យបំផុត។ រូបគេបានឈ្នះមេដាយមាសស៊ីហ្គេម២រដូវកាលជាប់គ្នាជូនជាតិ និងឈ្នះខ្សែក្រវាត់ជាច្រើនគ្រឿង។

សម្រាប់ឆ្នាំ២០២៣ ប៉ឺត សង្ឃឹម បានខ្សែក្រវាត់គុនខ្មែរអន្តរជាតិ IPCC Kun Khmer និងមេដាយមាសស៊ីហ្គេម ឆ្នាំ២០២៣។ ទោះបីជាយ៉ាងណា រូបគេមិនសូវបានប្រកួតញឹកញាប់ទេដោយសារហ្វឹកហាត់នៅជម្រើសជាតិដើម្បីប្រកួតកីឡាស៊ីហ្គេមដែលកម្ពុជាធ្វើជាម្ចាស់។

បន្ទាប់ពីចប់ព្រឹត្តិការណ៍កីឡាស៊ីហ្គេម ប៉ឺត សង្ឃឹម បានសម្រាកពីសង្វៀនប្រហែលជាបីបួនខែដើម្បីព្យាបាលរបួស ហើយទើបតែវិលត្រឡប់មកសង្វៀនវិញកាលពីខែតុលាកន្លងទៅនេះទេ ប៉ុន្តែរូបគេនៅតែមានសមត្ថភាពល្អដូចដើម៕

ឡោ សំណាង កាលឈ្នះខ្សែក្រវាត់

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម