កីឡា
ក្នុងបទសម្ភាសអន្តរជាតិមួយ លីឌុច ប្រាប់ថា ត្រៀមខ្លួនរួចរាល់ដើម្បីកម្ពុជា
កីឡាករកាណាដា-មីយ៉ាន់ម៉ា ដាវ លីឌុច (Dave Leduc) បានត្រៀមខ្លួនរួចរាល់ហើយដើម្បីជួយប្រទេសកម្ពុជាដូចអ្វីដែលខ្លួនបានជួយប្រទេសមីយ៉ាន់ម៉ា បន្ទាប់ពីរូបគេបានសម្រេចចូលនិវត្តន៍ ក្រោយប្រកួតជាមួយកីឡាករកម្ពុជា ព្រំ សំណាង។
នៅក្នុងបទសម្ភាសជាភាសាអង់គ្លេសជាមួយកម្មវិធី FULL METAL DOJO លោក ដាវ លីឌុច បានរៀបរាប់ថា ៖«ខ្ញុំគិតថា កម្ពុជាជាអនាគតដ៏ធំសម្រាប់ខ្ញុំ។ ខ្ញុំដឹងពីអ្វីដែលត្រូវជួយប្រទេសនេះ ដូចអ្វីដែលខ្ញុំបានជួយប្រទេសមីយ៉ាន់ម៉ា។ អ្នកដឹងទេ ពួកគេសមនឹងទទួលបាន ហើយគួរតែត្រូវបានបង្ហាញគុនខ្មែរនៅលើផែនទី និងដាក់ប្រទេសនៅលើផែនទី ដូច្នេះខ្ញុំពិតជាសប្បាយរីករាយណាស់»។
«អ្នកដឹងទេ ខ្ញុំខានប្រកួត៣ឆ្នាំហើយ ដោយសារខ្ញុំមានប្រពន្ធកូន។ ឥឡូវនេះ ខ្ញុំបានត្រៀមខ្លួនរួចរាល់ហើយសម្រាប់ដំណើរជីវិតបន្ទាប់របស់ខ្ញុំ។ សម្រាប់ការងារផ្តោតសំខាន់របស់ខ្ញុំបន្ទាប់គឺខ្ញុំនឹងជួយអ្នកដទៃតាមអ្វីដែលខ្ញុំអាចជួយបាន»។ កីឡាករមីយ៉ាន់ម៉ាបានបញ្ជាក់។
លោកបានបន្តថា ៖«ពួកគេ (កម្ពុជា) ទទួលស្វាគមន៍ខ្ញុំយ៉ាងកក់ក្តៅបំផុត។ អនុញ្ញាតឲ្យពួកយើងបានចូលជួបសម្តែងការគួរសមជាមួយសម្តេចនាយករដ្ឋមន្ត្រី យករថយន្តទំនើប Rolls-Royce ដឹកខ្ញុំ។ អ្វីដែលពិសេសមួយទៀតនោះគឺពួកគាត់បានដាក់រហស្សនាមឲ្យខ្ញុំរួចហើយគឺ«ដាវ»ជាឈ្មោះខ្មែរដែលជាឧបករណ៍អាវុធម្យ៉ាងរបស់កម្ពុជា។ ឥឡូវនេះ ឈ្មោះខ្ញុំគឺមានន័យថា ដាវ។ នេះពិតជាអស្ចារ្យណាស់»។
ដាវ លីឌុច បានលើកឡើងថា ព្រំ សំណាង ជាអ្នកប្រដាល់ និងជាជើងឯកពិតប្រាកដដែលមានស៊ូធន់ល្អ រឹងមាំ ប៉ុន្តែអ្វីដែលកីឡាករកម្ពុជារូបនេះខ្វះគឺគំនិតអាជីវកម្ម ខណៈលោកមានទាំងគំនិតអាជីវកម្ម និងជំនាញប្រដាល់។ ទោះជាយ៉ាងណា ពេលនេះលោកបានសម្រេចចូលនិវត្តន៍ហើយ។
កីឡាករប្រដាល់រូបនេះធ្លាប់បាននិយាយថា រូបគេ និងភរិយាចង់ទិញផ្ទះរស់នៅប្រទេសកម្ពុជា ហើយប្រហែលជាអាចចង់បើកអាជីវកម្មនៅកម្ពុជា ខណៈរូបគេក៏មានអាជីវកម្មនៅប្រទេសកាណាដាផងដែរ។
លីឌុច មានដើមកំណើតនៅប្រទេសកាណាដាដែលបានចាប់អាជីពប្រដាល់ដំបូងគឺគុនចម្រុះ (MMA) បន្ទាប់មករូបគេបានប្រកួតមួយថៃ និង Lethwei មុនពេលប្រកួតគុនខ្មែរចុងក្រោយដើម្បីចូលនិវត្តន៍។ ក្នុងនាមជាកីឡាករ រូបគេបានជួយផ្សព្វផ្សាយកីឡាប្រដាល់ប្រពៃណីមីយ៉ាន់ម៉ា Lethwei ឲ្យល្បីសុះសសាយទូទាំងពិភពលោក៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ