កីឡា
ពេជ្រ សម្បត្តិ បើជួប Kitti ម្តងទៀតដាក់ខ្សែក្រវាត់ និងលក្ខខណ្ឌអ្វីក៏ព្រម
កីឡាករប្រដាល់គុនខ្មែរ ពេជ្រ សម្បត្តិ ចង់ជួបខ្លាចាស់ថៃ Tum Kitti Patkam ម្តងទៀតដោយយល់ព្រមដាក់លក្ខខណ្ឌអ្វី និងដាក់ខ្សែក្រវាត់ម្នាក់១ក៏យល់ព្រម បន្ទាប់ពីរូបគេបានចាញ់ពិន្ទុនៅទឹកដីអូស្ត្រាលី។

ការតស៊ូគ្នា៥ទឹកពេញកាលពីថ្ងៃទី៥ ខែវិច្ឆិកា ឆ្នាំ២០២៣ ក្របីព្រៃ ពេជ្រ សម្បត្តិ បានសម្រុកចូលវ៉ៃរហូត ប៉ុន្តែអាវុធរបស់ខ្លួនមិនសូវត្រូវគោលដៅឡើយ។ ផ្ទុយទៅវិញកីឡាករថៃ Tum Kitti បានប្រើបច្ចេកទេសគេច និងការពារយ៉ាងល្អ ហើយចេញអាវុធបកវិញចំគោលដៅបានច្រើន ដូច្នេះរូបគេបានឈ្នះដោយពិន្ទុ ដើម្បីទទួលបានខ្សែក្រវាត់គុនខ្មែរពិភពលោក។
ពាក់ព័ន្ធនឹងការប្រកួតនេះ ពេជ្រ សម្បត្តិ បាននិយាយថា រូបគេសប្បាយចិត្តដែលបានជួបដៃគូខ្លាំង និងពូកែក្បាច់ ដែលជាមេរៀនដ៏ល្អសម្រាប់ការកែលំអពីចំណុចខ្វះខាតរបស់ខ្លួន។ កីឡាករបាននិយាយថា ៖«អ្វីដែលខ្ញុំត្រូវគិតជាសំខាន់នៅពេលនេះគឺពង្រឹងក្បាច់ និងអាវុធរបស់ខ្ញុំ។ ជាពិសេសចង្វាក់វ៉ៃ ចេញ-ចូលឲ្យល្អ។ ការចាញ់នេះអត់មានប៉ះពាល់អារម្មណ៍អីទេ តែខ្ញុំសប្បាយចិត្តទៅវិញដែលបានជួបដៃគូប្រៀបដូចជាគ្រូ ជាព្រឹទ្ធាចារ្យម្នាក់ ដែលខ្ញុំបានដកស្រងបទពិសោធដើម្បីកែលំអអ្វីដែលខ្ញុំខ្វះខាត»។

ប្រសិនបើជួបកីឡាករថៃ Tum Kitti Patkam ម្តងទៀត កីឡាករដែលធ្លាប់ទទួលបានរង្វាន់រថយន្ត១គ្រឿងបានឆ្លើយតបថា ដាក់លក្ខខណ្ឌអ្វីក៏ព្រមដែរឲ្យតែប្រកួតក្នុងទម្ងន់៦០គីឡូក្រាម។
ពេជ្រ សម្បត្តិ បាននិយាយថា ៖«Tum Kitti មានក្បាច់ល្អដូចលោកគ្រូ ប៉ឺត ខាំ ដូចរៀមច្បង ប៉ឺត សង្ឃឹម មានក្បាច់ល្អដូចគ្នា។ និយាយរួមឲ្យតែគីឡូ៦០ ប្រកួតគ្នាម្តងទៀត មិនថាប្រកួតនៅទីនោះ (អូស្ត្រាលី) ឬប្រកួតនៅទីនេះ(កម្ពុជា)ទេ ដាក់ខ្សែក្រវាត់ម្នាក់១ក៏បានដែរ។ លក្ខខណ្ឌអ្វីក៏បានដែរ ប្រើហ្គង់ដៃ ឬអំបោះឆៅ ដាក់ខ្សែក្រវាត់ម្នាក់១គឺខ្ញុំព្រមទាំងអស់»។

ពេជ្រ សម្បត្តិ ជាកីឡាករម្នាក់ពូកែកណ្តាប់ដៃដែលភាគច្រើននៅលើសង្វៀនរូបគេដើរចូលវ៉ៃកណ្តាប់ដៃ និងមានភាពស៊ូធន់ខ្លាំងមិនងាយដៃគូវ៉ៃឲ្យបាក់ស្រុតឡើយ ប៉ុន្តែខ្វះចន្លោះក្បាច់ការពារ និងបច្ចេកទេស៕
អត្ថបទ៖ វីរបុត្រ
-
ជីវិតកម្សាន្ដ៥ ថ្ងៃ មុន
អ្នកគាំទ្រជីកកកាយរូបថតគ្រួសាររបស់ Liu Yifei ទើបដឹងថាមួយផ្ទះនេះសុទ្ធតែជារាជិនីសម្រស់
-
ព័ត៌មានជាតិ៧ ថ្ងៃ មុន
អ្នកនាំពាក្យ ៖ អាកាសយានដ្ឋានអន្តរជាតិសៀមរាបអង្គរកើនភ្ញៀវទេសចរដល់ ៣២០០នាក់ ក្នុងមួយថ្ងៃ
-
ព័ត៌មានជាតិ៧ ថ្ងៃ មុន
សម្ដេចតេជោ៖ បើមិនជឿព្រះអង្គច័ន្ទមុនី កុំប្រមាថ ទុកសេរីភាពខាងជំនឿ ជូនអ្នកដែលជឿ
-
សេចក្ដីជូនដំណឹង៦ ថ្ងៃ មុន
ក្រុមហ៊ុន អិន ស៊ី អិច បានដាក់តាំងបង្ហាញ ហុងដា Scoopy ស៊េរីថ្មី ជាផ្លូវការហើយ
-
ព័ត៌មានអន្ដរជាតិ១ សប្តាហ៍ មុន
រឿងរ៉ាវដ៏រន្ធត់នៅពីក្រោយហាងប៊ូហ្វេនៅ វៀតណាម ធ្វើឲ្យភ្ញៀវបាក់ស្បាតលែងហ៊ានទៅទទួលទាន
-
ព័ត៌មានអន្ដរជាតិ៥ ថ្ងៃ មុន
គ្រូពេទ្យមួយក្រុមនៅ រុស្ស៊ី ភ័យស្លន់ស្លោ ក្រោយឃើញផ្លែប៉ោមមួយផ្លែប៉ុណ្ណោះ
-
ព័ត៌មានអន្ដរជាតិ៦ ថ្ងៃ មុន
ជីវិតដ៏ប្រណិតរបស់មេដឹកនាំហាម៉ាស សុទ្ធតែជាកំពូលមហាសេដ្ឋីមានប្រាក់វាល់លាន
-
សន្តិសុខសង្គម៥ ថ្ងៃ មុន
ឃាត់ខ្លួនជនសង្ស័យ៦នាក់ ជាក្រុមអ្នកអាជីពឆបោកលុយពលរដ្ឋ