កីឡា

Bellingham ក្លាយជាកីឡាករអង់គ្លេសទីបីក្នុងប្រវត្តិសាស្រ្តឈ្នះពានរង្វាន់ Golden Boy

បានផុស

៣ years មុន

នៅ

ថ្ងៃអង្គារ ៥ ធ្នូ ២០២៣

ដោយ

ខ្សែបម្រើអង់គ្លេស Jude Bellingham ទទួលបានសំឡេងគាំទ្រច្រើនជាងគេដើម្បីក្លាយជាម្ចាស់ពានរង្វាន់ Golden Boy ឆ្នាំ២០២៣ ដែលកម្មវិធីប្រកាសបានធ្វើឡើងនៅក្នុងទីក្រុងទូរីន ប្រទេសអុីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Bellingham ជាកីឡាករអង់គ្លេសទី៣ ក្នុងប្រវិត្តសាស្រ្តដែលឈ្នះពានរង្វាន់កីឡាករឆ្នើមវ័យក្មេង បន្ទាប់ពីកីឡាករអង់គ្លេសទី១ Wayne Rooney បានឈ្នះកាលពីឆ្នាំ២០០៤ និងទី២ Raheem Sterling បានឈ្នះកាលពីឆ្នាំ២០១៤។ ពានរង្វាន់ Golden Boy ត្រូវបានបង្កើតឡើងអស់រយៈពេល២០ឆ្នាំ ក្នុងគោលបំណងលើកទឹកចិត្ត និងជំរុញកីឡាករវ័យក្មេងអាយុក្រោម២១ឆ្នាំ ដែលធ្វើបានល្អទាំងនៅក្នុងក្លិប និងជម្រើសជាតិរបស់ខ្លួន។

ក្នុងវ័យទើប២០ឆ្នាំ Bellingham ធ្វើបានល្អមែនទែនតាំងពីនៅក្លិប Dortmund ជាពិសេសការផ្លាស់ទៅ Real Madrid ដែលជាផ្ទះដ៏ជោគជ័យមួយកម្រិតថែមទៀត។ កីឡាករបានឈ្នះពានរង្វាន់ Golden Boy នេះតាមរយៈការជ្រើសរើសពីអ្នកកាសែតចំនួន៥០នាក់ ដែលកម្មវិធីនេះត្រូវបានបង្កើតឡើងដោយកាសែតកីឡាអុីតាលី Tuttosport។

Bellingham ទទួលបានសំឡេងគាំទ្រច្រើនជាងកីឡាករ Jamal Musiala និង Xavi Simons ដែលសុទ្ធតែជាកីឡាករវ័យក្មេងមានសមត្ថភាពខ្ពស់។ រូបគេបានបំបែកកំណត់ត្រារបស់កីឡាករ Cristiano Ronaldo និង Alfredo Di Stefano ដោយស៊ុតបញ្ចូលទីបាន១៤គ្រាប់ ក្នុងការបង្ហាញខ្លួន១៥ប្រកួតដំបូងជាមួយក្រុម Real Madrid៕