Connect with us

កីឡា

យ៉េន ឌីណា និយាយចំៗពីចំណុចខ្លាំងរបស់ សោភ័ណ្ឌ, បញ្ញា និង សុខហ៊ុច

បានផុស

នៅ

កីឡាករគុន​ខ្មែរ យ៉េន ឌីណា ជា​បេក្ខភាព​មួយ​រូប​​ក្នុង​ទម្ងន់​៦៥គីឡូក្រាម​ដែល​ត្រូវ​ប្រជែង​ជាមួយ​ជើង​ខ្លាំង​៣​រូប​ផ្សេង​ទៀត​នៅ​សង្វៀន​បាយ័ន នា​ថ្ងៃ​ទី​១៤ ខែ​ធ្នូ ឆ្នាំ​២០២៣ ដើម្បី​រង្វាន់​ធំ​គឺ​រថយន្ត​ថ្មី​សន្លាង​១​គ្រឿងពី​ប៊ូសស្ត្រង។

បេក្ខភាព​៣​រូប​ផ្សេង​ទៀត​មាន​កីឡាករ ផល សោភ័ណ្ឌ, មឿន​ សុខហ៊ុច និង​ម្ចាស់​មេដាយ​ស៊ីហ្គេម លន បញ្ញា។ នៅ​ជុំ​ទី​១ អ្នក​លេង​គុន​ខ្មែរ​ទាំង​៤​រូប​ត្រូវ​ប៉ះ​កីឡាករ​បរទេស​ជា​មុន​សិន​ទើប​រក​អ្នក​ឈ្នះ និង​​មាន​សំឡេង​គាំទ្រ​ច្រើន​ពី​មហា​ជន​ដើម្បី​ឡើង​ទៅ​កាន់​វគ្គ​ផ្តាច់​ព្រ័ត្រ​ដើម្បី​រង្វាន់​រថយន្ត។ លក្ខខណ្ឌ​គឺ​ទី១ កីឡាករ​ម្នាក់​ៗ​ត្រូវ​យក​ឈ្នះ​ដៃ​គូ​បរទេស។ អ្នក​ដែល​ផ្តួល​ដៃ​គូ​ឲ្យ​សន្លប់​ជុំ​ទី​១​គឺ​មាន​អាទិភាព​ខ្ពស់។ ទី២ ត្រូវ​ទទួល​បាន​សំឡេង​គាំទ្រ​ច្រើន​ជាង​គេ​ពី​មហា​ជន​​តាម​រយៈ​សារ​​លើ​ Facebook និង​​​សារ​តាម​លេខ​​ទូរសព្ទ​សម្រាប់​បេក្ខភាព​២​រូប​​ឡើង​វគ្គ​ផ្តាច់​ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉េន ឌីណា បាន​ស្គាល់​យ៉ាង​ច្បាស់​ពី​​បេក្ខភាព​៣រូប​​នេះ​ ដោយសារ​ធ្លាប់​ជួប​គ្នា​​នៅ​លើ​សង្វៀន​ជា​ច្រើន​លើក ហើយ​សុទ្ធ​ជា​កីឡាករ​លំដាប់​ឈាន​មុខ​គេ​ក្នុង​ទម្ងន់​៦៥​គីឡូក្រាម។

កីឡាករ​មក​ពី​ខេត្ត​កោះ​កុង​បាន​ប្រាប់​ថា ទាំង​កម្លាំង​ចិត្ត និង​ការ​ហ្វឹក​ហាត់​ត្រៀម​ខ្លួន​មាន​លក្ខណៈ​ល្អ​ប្រសើរ​​វិញហើយ ប៉ុន្តែ​ទទួល​ស្គាល់​ពី​កម្លាំង​ស៊ុហ្វ​របស់​ខ្លួន​មិន​ទាន់​ពេញ​លេញ​ដូច​មុន​ទេ បន្ទាប់​ពី​សមត្ថភាព​ធ្លាក់​ចុះ​​មួយ​រយៈ​ពេល​កន្លង​ទៅ។

ឌីណា បាន​និយាយ​ថា ៖«ត្រៀម​ខ្លួន​បាន​ល្អ ប្រហែល​ជា​២​សប្តាហ៍ហើយ។ បេក្ខភាព​៣​នាក់​ទៀត​សុទ្ធ​តែ​ល្អ។ ខ្ញុំ​ធ្លាប់​ប្រកួត​ជា​មួយ​ពួក​គាត់​ច្រើន​ដង អីចឹង​ខ្ញុំ​ដឹង​ពី​ចំណុច​ពិសេស​រៀង​ៗខ្លួន​របស់​ពួក​គាត់។ ​បើ​មាន​ឱកាស​ឡើង​វគ្គ​ផ្តាច់​ព្រ័ត្រ ក្នុង​ចិត្ត​ខ្ញុំ​ប៉ះ​នរណា​ក៏​បាន ពី​ព្រោះ​ពួក​គាត់​សុទ្ធ​តែ​ខ្លាំង គ្មាន​ម្នាក់​ណា​ស្រួល​ទេ»។

នៅ​ពេល​សួរ​​​ថា តើ​អ្វី​ជា​លក្ខណៈ​ពិសេស​រៀង​ៗ​ខ្លួន​របស់​​​បេក្ខភាព៣រូបនោះ​? ម្ចាស់​ខ្សែ​ក្រវាត់​៧​គ្រឿង និង​ជា​ម្ចាស់​មេដាយ​មាស​ស៊ីហ្គេម​កាល​ពី​ឆ្នាំ​២០២១ បាន​លើក​ឡើង​ថា ៖«ផល សោភ័ណ្ឌ មាន​បច្ចេកទេស​ចេញ​-ចូល​រហ័ស​លឿន។ លន បញ្ញា មាន​កម្លាំង​ស៊ុហ្វ​ល្អ​ដែល​អាច​ចេញ​អាវុធ​គ្រប់​ពេល​វេលា ហើយ​​​ មឿន សុខហ៊ុច ល្អ​ទាត់​ អាវុធ​ធ្ងន់»។

បើ​តាម​ប្រវត្តិ​ជួប​គ្នា​កន្លង​មក​ឃើញ​ថា យ៉េន ឌីណា មាន​កំណត់​ត្រា​​ល្អ​រាល់​ពេល​ជួប​ជា​មួយ​កីឡាករ​ទាំង៣​នាក់​នេះ។ រូប​គេ​ធ្លាប់​ជួប ផល សោភ័ណ្ឌ ៤​ដង ក្នុង​នោះ​មិន​ធ្លាប់​ចាញ់​ឡើយ​គឺ​ឈ្នះ​៣​ដង និង​ស្មើ​១​ដង ហើយ​ធ្លាប់​ជួប មឿន សុខហ៊ុច ៥​​ដង ក្នុង​នោះ​ឈ្នះ​៣​ដង ស្មើ១​ដង និង​ចាញ់​១​ដង ព្រម​ទាំង​ធ្លាប់​ជួប លន បញ្ញា ៤​ដង គឺ​ឈ្នះ​២​ដង ស្មើ១​ដង និង​ចាញ់​១​ដង។

ទាំង​ លន បញ្ញា, មឿន សុខហ៊ុច និង ផល សោភ័ណ្ឌ សុទ្ធ​តែ​​ចាប់​បាន​ចំណុច​ខ្លាំង​របស់ យ៉េន ឌីណា ដូច​គ្នា​គឺ​ពូកែ​កាត់​ផ្តាច់​ចង្វាក់​ដៃ​គូ។ កីឡាករ​មក​ពី​ខេត្ត​កោះកុង​រូប​នេះ​មាន​បច្ចេកទេស​ល្អ​ក្នុង​ការ​​ទាត់​កាត់ ធាក់ចេញ និង​គេច រួចវាយ​សង​ដែល​ធ្វើ​ឲ្យ​ដៃ​គូ​ពិបាក​ចូល​ចុះ។

មួយ​រយៈ​ពេល​ចុង​ក្រោយ​នេះ យ៉េន ឌីណា មាន​កម្លាំង​ស៊ុហ្វ​ធ្លាក់​ចុះ និង​អាវុធស្រាល បន្ទាប់​ពី​មាន​បញ្ហា​គ្រួសារ​ដែល​ធ្វើ​ឲ្យ​រូប​គេមិន​សូវ​មាន​កម្លាំង​ចិត្ត​ក្នុង​ការ​ហ្វឹក​ហាត់។ យ៉ាង​ណា ឥឡូវ​នេះ រូប​គេ​ហាក់​មាន​កម្លាំង​ចិត្ត​ក្នុង​ការ​ហ្វឹក​ហាត់​ឡើង​វិញ​ ស្រប​ពេល​បច្ចេកទេស​មាន​ស្រាប់៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម