កីឡា

ធឿន ធារ៉ា ចាត់ទុកលោកគ្រូ អេ ភូថង ដូចឪពុកដែលស្ថិតនៅពីក្រោយជោគជ័យរបស់ខ្លួន

បានផុស

១ year មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

អ្នកលេងពូថៅដៃ ធឿន ធារ៉ា កំពុងទទួលបានជោគជ័យយ៉ាងខ្លាំងក្នុងអាជីពប្រដាល់របស់ខ្លួន ប៉ុន្តែសមិទ្ធផលទាំងអស់នេះនឹងមិនអាចកើតឡើងបានទេ ប្រសិនបើគ្មានលោកគ្រូ អេ ភូថង ដែលខ្លួនបានចាត់ទុកដូចជាឪពុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធឿន ធារ៉ា បានចាត់ទុកលោក អេ ភូថង ជាអ្នកមានគុណទី២របស់ខ្លួនដែលបានជួយជ្រោមជ្រែងខ្លួនរហូតទទួលបានជោគជ័យលើសពីការរំពឹងទុក ដូច្នេះហើយបានជារូបគេបានចាត់ទុកដូចជាឪពុករបស់ខ្លួន។ ពេលនេះលោកគ្រូកំពុងមានជំងឺដែលមិនអាចដើរបាន ជាពិសេសការប្រកួតនៅយប់ថ្ងៃទី១៤ ខែធ្នូនេះ គ្មានវត្តមានរបស់លោកគ្រូទៅមើល និងលើកទឹកចិត្តផ្ទាល់ដល់សង្វៀនឡើយ។

ធឿន ធារ៉ា បាននិយាយទាំងទឹកភ្នែកថា៖«ខ្ញុំនៅជាមួយលោកគ្រូ អេ ភូថង យូរហើយ។ ខ្ញុំយល់ពីគាត់ ខ្ញុំស្រឡាញ់គាត់ដូចជាឪពុក ព្រោះគាត់បានបង្ហាត់ខ្ញុំ ហើយតាមដានការប្រកួតខ្ញុំរហូតមក។ លោកគ្រូបានទូន្មានថា ធ្វើជាកីឡាករគឺត្រូវធ្វើចិត្តឲ្យធ្ងន់ កុំឆេវឆាវ ពេលឡើងប្រកួតត្រូវតាំងចិត្តឲ្យស្ងប់។ ពេលហ្វឹកហាត់ម្តងៗ គាត់តែងតែមើលថែខ្ញុំ ហើយក្បាច់ទាំងប៉ុន្មានគឺគាត់បង្ហាត់ខ្ញុំទាំងអស់»។

កីឡាករបានបញ្ជាក់ថា លោកគ្រូ អេ ភូថង ប្រាប់ប្លង់វ៉ៃនៅលើសង្វៀនមានប្រសិទ្ធភាពណាស់។ ជាក់ស្តែងសម្រាប់ការប្រកួតជើងឯកគុនខ្មែរពិភពលោក 8 Men Tournament ប្រសិនបើគ្មានលោកប្រាប់ប្លង់វ៉ៃទេ ប្រហែលជាមិនទទួលបានជោគជ័យឡើយ។

ចាប់ពីឆ្នាំ២០២២ រហូតដល់ចុងឆ្នាំ២០២៣ ធឿន ធារ៉ា កំពុងក្លាយជាកីឡាករប្រដាល់គុនខ្មែរទទួលបានជោគជ័យបំផុតទាំងការប្រកួតក្នុងប្រទេស និងក្រៅប្រទេស។ ពេលនេះរូបគេបានឈ្នះខ្សែក្រវាត់ចំនួន៦គ្រឿង៕

ខ្សែក្រវាត់ទាំង៦គ្រឿងរបស់ ធឿន ធារ៉ា