កីឡា

Marcelo សរសើរ Man City ជាក្រុមមួយល្អបំផុតមុនប៉ះក្រុមខ្លួនវគ្គផ្តាច់ព្រ័ត្រថ្ងៃសៅរ៍នេះ

បានផុស

២ years មុន

នៅ

ថ្ងៃពុធ ២០ ធ្នូ ២០២៣

ដោយ

ខ្សែការពារស្លាបខ្សែឆ្វេងកីឡាករ Marcelo របស់ក្លិប Fluminense FC បានសរសើរក្លិបអង់គ្លេស Manchester City ជាក្រុមមួយដ៏ល្អក្នុងរយៈពេលប៉ុន្មានឆ្នាំចុងក្រោយ ខណៈក្រុមទាំងពីរនឹងប៉ះគ្នាវគ្គផ្តាច់ព្រ័ត្រដណ្តើមជើងឯក FIFA Club World Cup នៅថ្ងៃសៅរ៍ ទី២៣ ខែធ្នូនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Marcelo បាននិយាយថា៖«យើងដឹងហើយថា ពេលនេះពួកគេគឺជាក្រុមដ៏ល្អបំផុតមួយក្នុងពិភពលោក។ ពួកគេមានកីឡាករល្អៗជាច្រើន បូករួមទាំងគ្រូបង្វឹកដ៏អស្ចារ្យម្នាក់។ ពួកគេមិនមែនទើបតែល្អឆ្នាំនេះទេ តែប៉ុន្មានឆ្នាំចុងក្រោយ ពួកគេធ្វើបានល្អបំផុតទាំងក្នុងលីគ និង Champions League។ ពួកគេជាក្រុមមួយដែលមានអ្នកគាំទ្រច្រើន។ ក្រុមដែលឈ្នះ Champions League ជាក្រុមដែលមានអ្នកស្រឡាញ់គាំទ្រច្រើន»។

ក្រុម Fluminense FC បានឡើងទៅវគ្គផ្ដាច់ព្រ័ត្រពានរង្វាន់ FIFA Club World Cup ក្រោយយកឈ្នះក្រុម Al Ahly ក្នុងលទ្ធផល ២-០ ក្នុងវគ្គពាក់កណ្ដាលផ្ដាច់ព្រ័ត្រ ខណៈកាលពីយប់មិញនេះ Manchester City បានយកឈ្នះ Urawa Reds ដោយលទ្ធផល ៣-០ ក្នុងវគ្គពាក់កណ្តាលផ្តាច់ព្រ័ត្រ។

Marcelo បានបន្ដែមថា ៖«យើងត្រូវមានការគោរពចំពោះដៃគូប្រកួត។ ខ្ញុំមិនមានអ្វីនិយាយមុនការប្រកួតទេ។ យើងដឹងពីអ្វីដែលត្រូវធ្វើវគ្គផ្តាច់ព្រ័ត្រ Club World Cup ប្រយុទ្ធដើម្បីដណ្តើមពាន។ ខ្ញុំមិនអាចនិយាយមុនបានទេថា យើងនឹងឈ្នះឬអត់ ព្រោះយើងមិនទាន់ចូលសមរភូមិ តែយើងមានថាមពលគ្រប់គ្រាន់ដើម្បីប្រជែង»៕

ប្រែសម្រួល៖ ផា រតនា
ប្រភព៖ FIFA