កីឡា
ពេលខ្លះកីឡាការិនី សី វិច្ឆិកា សុំលុយម្តាយចាយ ព្រោះអត់បានប្រកួតញឹកញាប់
កីឡាការិនីប្រដាល់គុនខ្មែរ សី វិច្ឆិកា មិនសូវបានឡើងប្រកួតញឹកញាប់ទេ ថ្វីបើសមត្ថភាពរបស់កញ្ញាល្អប្រសើរមួយរយៈពេលចុងក្រោយ ដែលពេលខ្លះខ្វះលុយចាយជំរុញឲ្យសុំឪពុកម្តាយនៅខស្រុកកំណើតដើម្បីដោះស្រាយប្រចាំថ្ងៃ។
នៅក្នុងបទសម្ភាសជាមួយសារព័ត៌មាន«កម្ពុជាថ្មី»កាលពីថ្ងៃទី២៨ ខែធ្នូ ឆ្នាំ២០២៣ សី វិច្ឆិកា បានឲ្យដឹងថា លោកគ្រូរបស់នាងគឺលោក ស សី គ្រោងនាំរូបនាងទៅប្រកួតនៅប្រទេសថៃដើមឆ្នាំ២០២៤ ដោយសារមិនមិនសូវបានប្រកួតញឹកញាប់នៅក្នុងប្រទេសកម្ពុជា។ ការមិនបានឡើងប្រកួតញឹកញាប់ជាហេតុធ្វើឲ្យរូបនាងមិនមានប្រាក់ចាយប្រចាំថ្ងៃគ្រប់គ្រាន់។
កីឡាការិនីមកពីខេត្តកំពង់ធំបាននិយាយថា ៖«សម្រាប់ខ្ញុំពេលអត់បានប្រកួតអីចឹង អត់មានលុយចាយ ឲ្យម៉ែផ្ញើលុយពីផ្ទះ។ ពេលខ្លះពិបាកដែរ ខ្ញុំសុំលុយពួកគាត់ តែពុកម៉ែអត់សូវមានលុយដែរ។ ពេលខ្លះពួកគាត់មាន ពេលខ្លះក៏អត់»។
ទោះបីជាមិនសូវទទួលបានឱកាសឡើងប្រកួតច្រើន ក៏កូនសិស្សរបស់លោកគ្រូ ស សី នៅតែបន្តប្តេជ្ញាក្នុងការហ្វឹកហាត់ដើម្បីទទួលបានឱកាសប្រកួតច្រើននៅថ្ងៃខាងមុខ។ «ខ្ញុំនៅតែខិតខំប្រឹងប្រែងឲ្យខ្លាំងជាងនេះដើម្បីអាចបានប្រកួតញឹកញាប់បានលុយជួយដល់គ្រួសារឲ្យបានធូរ»។
កញ្ញាបាននិយាយថា ៖«កាលពីតូចខ្ញុំចូលចិត្តវ៉ៃ MMA តែក្រោយមកក៏វ៉ៃគុនខ្មែរ។ រាល់ថ្ងៃ គុនខ្មែរឡើងខ្លាំង។ ខ្ញុំតែងតែគិតថា កម្មវិធីនឹងផ្តល់ឱកាសឲ្យកីឡាការិនីប្រកួតដណ្តើមរង្វាន់ច្រើន ព្រោះអីខ្ញុំឃើញកីឡាករវ៉ៃដណ្តើមឡាន។ ថ្ងៃណាមួយខ្ញុំនឹងមានឱកាសវ៉ៃដូចកីឡាករដែរ»។
ដើមហេតុដែលធ្វើឲ្យកីឡាការិនីរូបនេះចាប់អាជីពប្រដាល់ឈឺខ្លួនគឺកើតចេញពីក្តីស្រឡាញ់ និងជីវភាពគ្រួសារខ្វះដែលនាងចង់រកប្រាក់ជួយសម្រាលបន្ទុកគ្រួសារ។ សី វិច្ឆិកា ដែលមានស្រុកំណើតនៅស្រុកប្រាសាទបល្ល័ង្គ ខេត្តកំពង់ធំ កំពុងហ្វឹកហាត់នៅក្លិប ស សី គុនខ្មែរ ដែលមានលោក ស សី ជាគ្រូបង្វឹក។
ក្រោយចាប់អាជីរយៈពេលជាងមួយឆ្នាំ សី វិច្ឆិកា បានជាប់ជម្រើសជាតិកម្ពុជាផ្នែកកីឡាឃីកបុកស៊ីងសម្រាប់ការប្រកួតកីឡាស៊ីហ្គេម។ ជាលទ្ធផលនាងទទួលបានមេដាយសំរិទ្ធស៊ីហ្គេមឆ្នាំ២០២៣។ រហូតដល់ពេលនេះកញ្ញាប្រកួតបានជាង២០ដងហើយក្នុងនោះចាញ់៥ និងស្មើ១ដង។ អ្វីដែលគួរឲ្យកត់សំគាល់កញ្ញាប្រកួតមិនដែលចាញ់ឡើយចាប់តាំងពីក្រោយស៊ីហ្គេមមក៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ