កីឡា

កីឡាករ ព្រំ សំណាង ជួបគ្រោះថ្នាក់ចរាចរណ៍ជាមួយកង់បី៣គ្រឿងយប់មិញ

បានផុស

៣ years មុន

នៅ

ថ្ងៃអាទិត្យ ៧ មករា ២០២៤

ដោយ

កីឡាករប្រដាល់ល្បីឈ្មោះ ព្រំ សំណាង បានបើករថយន្តបុករះកង់បីចំនួន៣គ្រឿង និងម៉ូតូ១គ្រឿង បណ្តាលឲ្យមនុស្ស៥នាក់បានរងរបួសនៅយប់ថ្ងៃសៅរ៍ឈានចូលថ្ងៃអាទិត្យ ទី៧ ខែមករា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបទ្ទវហេតុនេះបានកើតឡើងនៅវេលាម៉ោង៣:៣០នាទីយប់ជ្រៅ ស្ថិតនៅតាមបណ្តោយផ្លូវចោមចៅ ខាងមុខប៊ីតណាយក្លិប ភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ។

ប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតមានគ្រោះថ្នាក់គេបានឃើញកីឡាករ ព្រំ សំណាង បើកបររថយន្ត១គ្រឿង ម៉ាកម៉ាសស្តា ពណ៌ក្រហម ពាក់ស្លាកលេខភ្នំពេញ 2BU-4078 ធ្វើដំណើរតាមបណ្តោយផ្លូវចោមចៅក្នុងទិសដៅពីកើតទៅលិចក្នុងល្បឿនលឿន ខណៈបើកមកដល់ចំណុចកើតហេតុ ស្រាប់តែរេចង្កូតទៅបុករះម៉ូតូកង់បីចំនួន៣គ្រឿង និងម៉ូតូ១គ្រឿងទៀត បណ្តាលឱ្យមនុស្សប្រុសស្រីឈរលេងនៅមុខក្លិបរងរបួសធ្ងន់ស្រាលចំនួន៥នាក់ ត្រូវបានបញ្ជូនទៅមន្ទីរពេទ្យ។

ចំណែកអ្នកបើករថយន្តកីឡាករ ព្រំ សំណាង ត្រូវសមត្ថកិច្ចឃាត់នៅកន្លែងកើតហេតុ។ សមត្ថកិច្ចមូលដ្ឋាន បានចុះទៅដល់កន្លែងកើតហេតុធ្វើការវាស់វែងយករថយន្ត និងម៉ូតូកង់បីទាំង៣គ្រឿង និងម៉ូតូ១គ្រឿងទៀតដាក់អែបខាងឱ្យភាគីទាំងអស់ដោះស្រាយគ្នាមួយជំហានសិន៕