កីឡា
លោក Arteta ឆ្លើយតបអ្នកគាំទ្រ Arsenal ក្នុងការនាំខ្សែប្រយុទ្ធថ្មីនៅខែមករា
កាលពីយប់មិញ Arsenal បានចាញ់ Liverpool ០-២ ក្នុងពានរង្វាន់ FA Cup ដែលធ្វើឲ្យអ្នកគាំទ្របានស្នើរសុំឲ្យលោក Mikel Arteta ជាគ្រូបង្វឹកស្វែងរកខ្សែប្រយុទ្ធថ្មីមកជួយក្រុម ក្រោយការចាញ់៣ប្រកួតជាប់គ្នា។
ឆ្លើយតបទៅអ្នកគាំទ្រលោក Mikel Arteta គ្រូបង្វឹកក្រុម Arsenal មិនទាន់បានដាក់គោលដៅក្នុងការចុះហត្ថលេខានាំយកខ្សែប្រយុទ្ធថ្មីមកទេ ក្នុងទីផ្សារដោះដូរកីឡាករខែមករានេះ។ ទោះបីមានការស្នើសុំពីអ្នកគាំទ្រក៏ដោយ ជាពិសេសក្រោយការចាញ់ក្រុម Liverpool ក្នុងការប្រកួត FA Cup ជុំទី៣។ ក្រុមកាំភ្លើងធំធ្វើមិនបានល្អក្នុងការស្វែងរកគ្រាប់បាល់ ដោយស៊ុតបានតែ១គ្រាប់ប៉ុណ្ណោះពីការស៊ុតសរុប៦១លើក ក្នុង៣ប្រកួតចុងក្រោយ។
លោក Mikel Arteta បាននិយាយថា ៖«នៅពេលនេះវាមើលទៅមិនមានភាពប្រាកដប្រជាទេ។ ការងាររបស់ខ្ញុំគឺធ្វើឲ្យកីឡាករមានភាពល្អប្រសើរ និងទទួលបានលទ្ធផលកាន់តែល្អ»។
ខ្សែប្រយុទ្ធសំខាន់របស់ Arsenal កីឡាករ Gabriel Jesus បានខកខានការប្រកួតជាមួយ Liverpool ដោយរបួសជង្គង់។ លោក Arteta បានដាក់កីឡាករ Kai Havertz នៅកណ្តាលជំនួសវិញ ប៉ុន្តែរូបគេបានបរាជ័យក្នុងឱកាសរកគ្រាប់បាល់ពីការស៊ុត៦លើក។
លោក Mikel Arteta បានបន្ថែមថា ៖«អ្វីដែលខ្ញុំសុំពីអ្នកគាំទ្រគឺថាសុំឲ្យពួកគេបន្តគាំទ្រពីក្រោយក្នុងគ្រាលំបាក។ វាជាការខកចិត្ត តែតើយើងអាចធ្វើអ្វីបាន។ ខ្ញុំមិនអាចប្រាប់ពួកគេថា លេងអាក្រក់ទេ។ ខ្ញុំមិនដឹងពីរបៀបបង្កើតផែនការបែបនេះទេ។ វាមិនអាចទៅរួចទេ។ ប្រសិនបើយើងបានបង្កើតឱកាសស៊ុត១៨លើក នោះលើកក្រោយ យើងនឹងបង្កើនដល់៣៥លើក។ ប្រសិនបើយើងបន្តធ្វើបែបនេះប្រាកដណាស់នឹងមានគ្រាប់បាល់ស៊ុតបញ្ចូលទីជាមិនខាន»៕
ប្រែសម្រួល៖ ផា រតនា
ប្រភព៖ Eurosport
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ