កីឡា

ខ្លាំងប៉ះខ្លាំង! ប៉ឺត សង្ឃឹម ប៉ះម្ចាស់ខ្សែក្រវាត់៦គ្រឿង Yuthin នៅអូស្ត្រាលី

បានផុស

១ year មុន

នៅ

ថ្ងៃអង្គារ ៩ មករា ២០២៤

ដោយ

តាមការគ្រោងទុក ជើងខ្លាំងចិត្តសាស្ត្រ ប៉ឺត សង្ឃឹម នឹងប៉ះជើងខ្លាំងថៃ Yuthin Sakaethongresort ដើម្បីដណ្តើមខ្សែក្រវាត់ នៅថ្ងៃទី១៧ ខែកុម្ភៈ ឆ្នាំ២០២៤ នៅលើទឹកដីប្រទេសអូស្ត្រាលី។ គូនេះពិតជាចំណីចក្ខុពិសេសប្លែកបំផុតសម្រាប់អ្នកគាំទ្រប្រចាំឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រស្គាល់ច្បាស់ណាស់ ប៉ឺត សង្ឃឹម ជាកីឡាករម្នាក់ដែលមានទាំងបច្ចេកទេស និងចិត្តសាស្ត្រខ្ពស់ ហើយជាម្ចាស់មេដាយមាសស៊ីហ្គេម២សម័យកាលជាប់គ្នា។ រូបគេកំពុងកាន់ខ្សែក្រវាត់ជាច្រើនគ្រឿង។

និយាយពី Yuthin អាយុ៣១ឆ្នាំជាកីឡាករដែលមានបទពិសោធច្រើនក្នុងអាជីព។ រូបគេបានចាប់ផ្តើមហ្វឹកហាត់ប្រដាល់តាំងពីអាយុ៥ឆ្នាំដោយរហូតពេលនេះមានបទពិសោធលើសង្វៀនមិនក្រោម៣០០ដងទេ។

រូបគេធ្លាប់គ្រងខ្សែក្រវាត់៦គ្រឿងគឺខ្សែក្រវាត់ WMC របស់ក្រុមប្រឹក្សាមួយថៃពិភពលោក ឆ្នាំ២០១៦, ខ្សែក្រវាត់ True4U ឆ្នាំ២០១៦, ខ្សែក្រវាត់ថ្នាក់ជាតិថៃ (PAT) ២គ្រឿងគឺឆ្នាំ២០២១ និងឆ្នាំ២៣, ខ្សែក្រវាត់ IFMA ឆ្នាំ២០២២ និងខ្សែក្រវាត់ World Series នៅសង្វៀន Rajadamnern ឆ្នាំ២០២២៕