Connect with us

កីឡា

មិនសូវបានប្រកួតក្នុងស្រុក សី វិច្ឆិកា គ្រោងទៅប្រកួតនៅក្រៅប្រទេសឆាប់ៗ

បានផុស

នៅ

កីឡាការិនី​ប្រដាល់​គុន​ខ្មែរ សី វិច្ឆិកា នឹង​ចេញ​ទៅ​ប្រកួត​នៅ​ក្រៅ​ប្រទេស​ឆាប់​ៗ បន្ទាប់​ពី​មិន​សូវ​ទទួល​បាន​ឱកាស​ប្រកួត​ញឹក​ញាប់​នៅ​ក្នុង​ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ថ្ងៃ​ទី​២៨ ខែ​ធ្នូ ឆ្នាំ​២០២៣ កីឡាការិនី​រូប​នេះ​​បាន​ប្រាប់​សារព័ត៌មាន​«កម្ពុជា​ថ្មី» គ្រោង​នឹង​ទៅ​ប្រកួត​នៅ​ប្រទេស​ថៃ​​ដើម​ឆ្នាំ​២០២៤​​ដោយ​កំពុង​រង់ចាំធ្វើ​លិខិត​ឆ្លង​ដែន។ ការ​មិន​បាន​ប្រកួត​ញឹក​ញាប់​បាន​ធ្វើ​ឲ្យ​រូប​នាង​ពេល​ខ្លះ​ដាច់​លុយ​ចាយ​​ប្រចាំ​ថ្ងៃក្នុង​ការ​ហ្វឹក​ហាត់។

កីឡាការិនី​មក​ពី​ខេត្ត​កំពង់ធំ​បាន​និយាយ​ថា ៖«សម្រាប់​ខ្ញុំ​ពេល​អត់បាន​ប្រកួត​យូរ អត់​មាន​លុយ​ចាយ ឲ្យ​ម៉ែ​ផ្ញើ​លុយ​ពី​ផ្ទះ។ ពេល​ខ្លះ​ពិបាក​ដែរ ខ្ញុំ​សុំលុយពុកម៉ែ​ តែ​ពួក​គាត់​អត់​មាន​លុយដែរ។ ពេល​ខ្លះ​ពួក​គាត់​មាន ពេល​ខ្លះ​ក៏​អត់​»។

វិច្ឆិកា នៅ​តែ​ប្តេជ្ញា​ចិត្ត​ថា ៖«ខ្ញុំ​នៅ​តែ​ខិត​ខំ​ប្រឹង​ប្រែង​ឲ្យ​ខ្លាំង​ជាង​នេះ​ដើម្បី​អាច​បាន​ប្រកួត​ញឹកញាប់បាន​លុយ​ជួយ​ដល់​គ្រួសារ​​ឲ្យ​បាន​ធូរ​។ កាលពី​តូច​ខ្ញុំ​ចូល​ចិត្ត​វ៉ៃ​ MMA តែ​ក្រោយមកក៏វ៉ៃគុនខ្មែរ។ រាល់​ថ្ងៃ គុនខ្មែរ​ឡើងខ្លាំង។ ខ្ញុំ​តែង​តែ​គិត​ថា កម្មវិធី​នឹង​ផ្តល់​ឱកាសឲ្យ​កីឡាការិនី​​ប្រកួត​ដណ្តើម​រង្វាន់​ច្រើន​ ព្រោះអីខ្ញុំ​ឃើញកីឡាករ​វ៉ៃ​ដណ្តើមឡាន។ ថ្ងៃ​ណា​មួយ​ខ្ញុំ​នឹងមានឱកាស​វ៉ៃ​ដូច​កីឡាករ​ដែរ»។

ដើម​ហេតុ​ដែល​ធ្វើ​ឲ្យ​កីឡាការិនី​រូប​នេះ​ចាប់​អាជីព​ប្រដាល់​ឈឺ​ខ្លួន​គឺ​កើត​ចេញ​ពី​ក្តី​ស្រឡាញ់ និង​ជីវភាព​គ្រួសារ​ខ្វះ​ដែល​នាង​ចង់​រក​ប្រាក់​ជួយ​សម្រាល​បន្ទុក​គ្រួសារ។ កីឡាការិនី​រូប​នេះ​​មាន​ដើម​កំណើតនៅស្រុកប្រាសាទបល្ល័ង្គ ខេត្តកំពង់ធំ កំពុងហ្វឹកហាត់នៅក្លិប​ ស សី គុនខ្មែរ។

ក្រោយចាប់អាជីរយៈពេលជាង​មួយឆ្នាំ សី វិច្ឆិកា បាន​​ជាប់​​ជម្រើស​ជាតិ​កម្ពុជា​ផ្នែក​កីឡា​ឃីកបុកស៊ីង​សម្រាប់​ការ​ប្រកួត​កីឡា​ស៊ីហ្គេម។ ជា​លទ្ធផល​នាង​ទទួល​បាន​មេដាយ​សំរិទ្ធ​ស៊ីហ្គេម​ឆ្នាំ​២០២៣។ រហូត​ដល់​ពេល​​នេះកញ្ញា​​ប្រកួត​បាន​ជាង​២០​ដង​ហើយ​ក្នុង​នោះ​ចាញ់​៥ និង​ស្មើ​១​ដង។ អ្វី​ដែល​គួរ​ឲ្យ​កត់​សំគាល់​កញ្ញា​ប្រកួត​មិន​ដែល​ចាញ់​ឡើយ​ចាប់​តាំង​ពី​ក្រោយ​ស៊ីហ្គេម​មក៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១០ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ១៦ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម