កីឡា

កីឡាករបាល់ទះបរទេស៥រូបកំពុងលេចធ្លោក្នុងតេជោលីគ

បានផុស

២ years មុន

នៅ

ថ្ងៃព្រហស្បតិ៍ ២៥ មករា ២០២៤

ដោយ

កីឡាករបាល់ទះបរទេសមួយចំនួនកំពុងទទួលបានការចាប់អារម្មណ៍នៅក្នុងព្រឹត្តិការណ៍បាល់ទះតេជោលីគដែលកំពុងដំណើរការប្រកួត។ ក្លិបបាល់ទាត់វិសាខា បញ្ជាការដ្ឋានអង្គរក្ស ក្រសួងមហាផ្ទៃ និងស្នងការដ្ឋាននគរបាលរាជធានីភ្នំពេញសុទ្ធតែមានកីឡាករបរទេស។ ថ្ងៃនេះ កម្ពុជាថ្មីសូមលើកយកកីឡាករបរទេស៥រូបដែលគួរឲ្យចាប់អារម្មណ៍ពីសមត្ថភាពរបស់ពួកគេ។

កីឡាករ Mendeze Iglesias Liosbel

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករគុយបាកើតនៅឆ្នាំ១៩៩៥មានកម្ពស់១.៩៩ម៉ែត្រ ទម្ងន់៧៥គីឡូក្រាម ជាអ្នកផ្តាច់លេចធ្លោនៅក្លិបស្នងការដ្ឋាននគរបាលរាជធានីភ្នំពេញ។ រូបគេត្រូវបានដាក់ឲ្យលេងស្ទើរពេញម៉ោងគ្រប់ការប្រកួត ហើយក៏ជាអ្នករកបានពិន្ទុច្រើនឲ្យក្រុម។

កីឡាករ ត្រឹង ឌឹក ហាញ់

កីឡាករវៀតណាមកើតនៅឆ្នាំ១៩៩៥ មានកម្ពស់១.៨៨ម៉ែត្រ ទម្ងន់៨០គីឡូក្រាម ជាកីឡាករវាយផ្តាច់របស់ក្លិបក្រសួងមហាផ្ទៃ និងជាសមាជិកក្រុមបាល់ទះជម្រើសជាតិវៀតណាម។

កីឡាករ Pelayobernal Henry Jose

កីឡាករគុយបាកើតនៅឆ្នាំ២០០០ មានកម្ពស់២.១០ម៉ែត្រ ទម្ងន់១១៥គីឡូក្រាម របស់សមាគមកីឡាបាល់ទះវិសាខា។ តាមរយៈកាយសម្បទាដ៏អំណោយផល រូបគេបានដើរតួនាទីយ៉ាងសំខាន់ក្នុងការរកពិន្ទុតាមរយៈការវ៉ៃផ្តាច់ បិទបាំង និងលួចទម្លាក់បាល់។

កីឡាករ Dio Zulfikri

កីឡាករសញ្ជាតិឥណ្ឌូណេស៊ី Dio អាចត្រូវបានគេចាត់ទុកជាអ្នកប៉ះសេល្អបំផុតប្រចាំព្រឹត្តិការណ៍បាល់ទះតេជោលីគ។ ក្នុងនាមជាសមាជិកបរទេសរបស់បញ្ជាការដ្ឋានអង្គរក្ស កីឡាករកើតឆ្នាំ១៩៩៦ កម្ពស់១.៨៧ម៉ែត្ររូបនេះជាអ្នកចែកបាល់ដ៏ឆ្លាតទាំងឆ្វេង ស្តាំ និងកណ្តាលដែលធ្វើឲ្យដៃគូពិបាកបិទបាំង។

កីឡាករ Luvi FN

កីឡាករវ័យក្មេងអាយុក្រោម២០ឆ្នាំសញ្ជាតិឥណ្ឌូណេស៊ីរូបនេះកំពុងត្រូវបានគេចាប់អារម្មណ៍ខ្លាំងនៅក្លិបបញ្ជាការដ្ឋានអង្គរក្សនៃពានរង្វាន់បាល់ទះតេជោលីគ។ កើតឆ្នាំ២០០៤ដែលមានកម្ពស់១.៨៨ម៉ែត្រ Luvi Febrian Nugraha ល្អខ្លាំងខាងលោតវ៉ៃផ្តាច់ដើម្បីយកពិន្ទុ៕

អត្ថបទ៖ វីរបុត្រ