កីឡា
លទ្ធផលសម្រេច រិន ដេវិត ជាអ្នកឈ្នះ ធន់ អៀឡៃ តែអត់បានខ្សែក្រវាត់
លទ្ធផលការប្រកួតរវាងកីឡាករ រិន ដេវិត ត្រូវបានសម្រេចឲ្យឈ្នះកីឡាករ ធន់ អៀឡៃ បន្ទាប់ពីមានការតវ៉ា និងផ្ទុះការរិះគន់ខ្លាំងក្នុងការប្រកួតដណ្តើមខ្សែក្រវាត់កាលពីថ្ងៃព្រហស្បតិ៍ ទី៨ ខែកុម្ភៈ ឆ្នាំ២០២៤។
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI3-1024x588.jpg)
ក្រោយមានការប្តឹងតវ៉ាពីភាគី រិន ដេវិត ដោយមានឧកញ៉ា ស្រី ចាន់ថន និងលោក ខូវ ឆាយ អនុប្រធានសហព័ន្ធកីឡាប្រដាល់គុនខ្មែរជាអ្នកឈរនៅកណ្តាលដើម្បីស្វែងការពិតសម្រាប់អ្នកឈ្នះ អ្នកចាញ់ និងមានការប្រជុំពិនិត្យជាច្រើនលើក លទ្ធផលបានសម្រេចដូចខាងក្រោម៖
- រិន ដេវិត ឈ្នះទឹកទី១ និងទឹកទី២ ខណៈ ធន់ អៀឡៃ ឈ្នះទឹកទី៣ ដូច្នេះ រិន ដេវិត ជាអ្នកឈ្នះដោយពិន្ទុ
- ខ្សែក្រវាត់ត្រូវដកហូតពី ធន់ អៀឡៃ និងរក្សាទុកសម្រាប់ការប្រកួតម្តងទៀត
- កីឡាករទាំង២រូបទទួលបានប្រាក់ម្នាក់ៗ៤ពាន់ដុល្លារដូចគ្នា
- ការប្រកួតលើកក្រោយនឹងប្រើពេល៥ទឹក និងមានចៅក្រមល្អ ដាច់ស្រឡះ
- ចៅក្រម៣រូបដែលផ្តល់ពិន្ទុឲ្យ ធន់ អៀឡៃ ឈ្នះនឹងត្រូវទទួលពិន័យ
- ការប្រកួតដណ្តើមខ្សែក្រវាត់លើកក្រោយមានប្រាក់រង្វាន់ថ្មី
![](https://www.kampucheathmey.com/wp-content/uploads/2024/02/Screenshot-2024-02-13-141813.png)
ដូច្នេះ រិន ដេវិត ជាអ្នកឈ្នះ ធន់ អៀឡៃ ប៉ុន្តែខ្សែក្រវាត់មិនបានទេដោយទទួលបានត្រឹមប្រាក់រង្វាន់ស្មើគ្នាប៉ុណ្ណោះ។
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI1-1024x633.jpg)
សូមរម្លឹកថា ការតស៊ូគ្នា៣ទឹកនៅលើសង្វៀនកាលពីថ្ងៃទី៨ ខែកុម្ភៈ ចៅក្រម៣រូបគឺលោក ណុប វ៉ាន់ថេត, កែវ ពៅ និងលោក ប៉ាន់ ស៊ីថៃ ផ្តល់ពិន្ទុ ៥៩-៥៨ ដូចគ្នាឲ្យ ធន់ អៀឡៃ ខណៈចៅក្រម២រូបគឺលោក បឹត សំខាន់ និង ឌៀន វិបុល ផ្តល់ពិន្ទុ ៥៩-៥៨ ដូចគ្នាឲ្យ រិន ដេវិត។
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI2-1024x690.jpg)
ក្រោយប្រកាសលទ្ធផល មានការតវ៉ា និងផ្ទុះការរិះគន់យ៉ាងខ្លាំងដោយបានលើកឡើងថា អយុត្តិធម៌សម្រាប់ រិន ដេវិត ដែលមានប្រៀប២ទឹកដំបូង ប៉ុន្តែបែរជាត្រូវឲ្យចាញ់ ហើយ ធន់ អៀឡៃ មានប្រៀបទឹកទី៣។ ការិះគន់រឿងនេះបានកើតឡើងប៉ុន្មានថ្ងៃ បន្ទាប់ពីលទ្ធផលការប្រកួតរវាង ធន់ រិទ្ធី និង សៃយុគ កាលពីយប់ថ្ងៃអាទិត្យ ទី៤ ខែកុម្ភៈ ឆ្នាំ២០២៤៕
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI4-1024x768.jpg)
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI5-1024x768.jpg)
![](https://www.kampucheathmey.com/wp-content/uploads/2024/02/RIN-DAVID-AND-THUN-EARLAI25-1024x768.jpg)
អត្ថបទ៖ វីរបុត្រ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក