កីឡា

ស្វាយរៀងខាប់លើកទី៦រកឃើញ៤ក្រុមឡើងវគ្គ៨ក្រុមចុងក្រោយ

បានផុស

១២ ខែ មុន

នៅ

ថ្ងៃចន្ទ ៨ មេសា ២០២៤

ដោយ

ការប្រកួតបាល់ទាត់ស្វាយរៀងខាប់រដូវកាលទី៦បានរកឃើញក្រុម៤បានកក់កៅអីឡើងវគ្គ៨ក្រុមចុងក្រោយមុនគេ បន្ទាប់ពីចប់ការប្រកួតសប្តាហ៍ទី១ក្នុងវគ្គ១៦ក្រុមចុងក្រោយកាលពីចុងសប្តាហ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម៤ដែលបានកក់កៅឡើងទៅវគ្គ៨ក្រុមចុងក្រោយមុនគេគឺក្រុមយុវជនព្រះខ័នរាជស្វាយរៀង U18 ក្រុមស្នងការដ្ឋាននគរបាលខេត្តស្វាយរៀង ក្រុមសៀងហៃរីហ្សត និងនគរបាលច្រកទ្វារព្រំដែនបាវិត បន្ទាប់ពីធ្វើបានល្អដូចគ្នាក្នុងវគ្គ១៦ក្រុមចុងក្រោយ។

ក្រុមយុវជនព្រះខ័នរាជស្វាយរៀងធ្វើបានល្អជាងគេដោយបានយកឈ្នះលើក្រុមពូប្រុស លីងគួយ ដោយលទ្ធផលតដៃមិនរួច ៤-០ កាលពីថ្ងៃសៅរ៍ ទី៦ ខែមេសា ឆ្នាំ២០២៤ ជាពេលដែលក្រុមស្នងការដ្ឋាននគរបាលខេត្តស្វាយរៀង ទទួលបានជ័យជម្នះ ២-១ លើក្រុមកាំភ្លើងធំ។

សម្រាប់២ប្រកួតនៅថ្ងៃអាទិត្យ ទី៧ ខែមេសា ឆ្នាំ២០២៤ ក្រុមនគរបាលច្រកទ្វារព្រំដែនបាវិត បានយកឈ្នះលើក្រុម ដារ៉ូពិទូ សុខសាន្ត ដោយលទ្ធផល ២-១ ខណៈក្រុមសៀងហៃរីហ្សត បានយកឈ្នះលើក្រុមយុវជនឃុំសម្បត្តិមានជ័យដោយការស៊ុតប៉េណាល់ទីកាត់សេចក្តី ៥-៤ បន្ទាប់ពីក្រុមទាំងពីរស្មើគ្នា ១-១។

ចុងសប្តាហ៍នេះមិនមានការប្រកួតទេដោយសារសម្រាកបុណ្យចូលឆ្នាំថ្មី ប្រពៃណីជាតិខ្មែរ។ ការប្រកួតនឹងបន្តនៅថ្ងៃទី២០ និងទី២១ ខែមេសា ឆ្នាំ២០២៤ សម្រាប់៤គូទៀតនៅវគ្គ១៦ក្រុមចុងក្រោយ។