កីឡា

ក្រុមកីឡាអាស៊ីអឺរ៉ុបឈ្នះមេដាយច្រើនជាងគេពីការប្រកួតកីឡាឧត្តមសិក្សាឆ្នាំ២០២៤

បានផុស

២ years មុន

នៅ

ថ្ងៃចន្ទ ២៧ ឧសភា ២០២៤

ដោយ

ការប្រកួតកីឡាឧត្តមសិក្សា និងមធ្យមសិក្សាបច្ចេកទេស ឆ្នាំ២០២៤ បានបញ្ចប់កាលពីថ្ងៃអាទិត្យ ទី២៦ ខែឧសភា បន្ទាប់ពីចាប់ផ្តើមប្រកួតតាំងពីថ្ងៃទី១៨ ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតកីឡាឧត្តមសិក្សា និងមធ្យមសិក្សាបច្ចេកទេស ឆ្នាំ២០២៤មានគ្រឹះស្ថានឧត្តមសិក្សា និងមធ្យមសិក្សាបច្ចេកទេសចំនួន៤៧មកពីទូទាំងប្រទេសចូលរួមប្រកួតដែលមានកីឡាករ កីឡាការិនីសរុប១៧៦៤នាក់ដើម្បីប្រកួតលើ១៣ប្រភេទកីឡារួមមាន កីឡាបាល់ទាត់ បាល់ទះ បាល់បោះ អត្តពលកម្ម ប៉េតង់ ហែលទឹក វាយសី វាយកូនឃ្លីលើតុ ការ៉ាតេ សីដក់ គុនដាវ តេក្វាន់ដូ WT និងតេក្វាន់ដូ ITF ស្មើនឹង១០១វិញ្ញាសា។

បន្ទាប់ពីការប្រកួតដំណើរការអស់ជាច្រើនថ្ងៃ ក្រុមកីឡារបស់សាកលវិទ្យាល័យអាស៊ីអឺរ៉ុបទទួលបានមេដាយច្រើនជាងគេគឺ៦១គ្រឿង ក្នុងនោះមេដាយមាស២៨ ប្រាក់១៨ និងសំរិទ្ធ១៥ ដើម្បីឈរលើកំពូលតារាង។ ចំណែកវិទ្យាស្ថានខេមអេដឈរលេខ២ពីការឈ្នះមេដាយ៤៥គ្រឿងគឺមាស១៩ ប្រាក់១០ និងសំរិទ្ធ១៦ ហើយសាកលវិទ្យាល័យវេស្ទើនឈរលេខ៣ពីការឈ្នះមេដាយ៥០គ្រឿងគឺមាស១៦ ប្រាក់១៦ និងសំរិទ្ធ១៨។