Connect with us

កីឡា

ចាញ់ស្លូវេនី១ប្រកួត ប៉ូឡូញខាតជាង១៥ពិន្ទុក្នុងតារាងបាល់ទះពិភពលោក

បានផុស

នៅ

ការប្រកួតបាល់ទះជើងឯក​ពិភពលោកបុរស FIVB Volleyball Men’s Nations League ឆ្នាំ២០២៤ ក្រុមបាល់ទាត់​ជម្រើស​ជាតិ​កំពុងឈរលេខ១លើលោក ប៉ូឡូញ បានចាញ់ក្រុម​ជម្រើស​ជាតិ​ ស្លូវេនី ដោយ​លទ្ធផល ៣-០ ស្ទើរមិនគួរឲ្យជឿ​សម្រាប់​សប្តាហ៍​ទី​១ បន្ទាប់​ពី​ឈ្នះ​៣​ប្រកួត​ជាប់​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បរាជ័យ​នេះ​​បាន​ធ្វើ​ឲ្យ ប៉ូឡូញ បានខាតបង់ពិន្ទុចំនួន១៥.៧៩ពិន្ទុ​ នៅ​ក្នុង​តារាង​ចំណាត់​បាល់ទះ​ពិភព​លោក។ មូលហេតុដែល​ប៉ូឡូញខាតបាត់បង់ពិន្ទុច្រើន​បែប​គឺដោយសារពួកគេចាញ់ក្រុមស្លូវេនីស្ថិតនៅចំណាត់ថ្នាក់ក្រោមពួកគេ​ដល់​ទៅ​៦​លេខ​ឯណោះ។ នេះជាការបរាជ័យលើកដំបូងរបស់ក្រុមប៉ូឡូញ គិតចាប់តាំងពីថ្ងៃទី២៥ ខែមិថុនា ឆ្នាំ២០២៣។

ទោះបីខាតបង់ពិន្ទុច្រើន ប៉ុន្តែក្រុមប៉ូឡូញនៅតែបន្តឈរលេខ១ ក្នុងតារាងចំណាត់ថ្នាក់បាល់ទះពិភពលោក FIVB ជាមួយពិន្ទុសរុបចំនួន៤១៥.១២ពិន្ទុ ខណៈក្រុមអុីតាលីស្ថិតនៅលេខ២ ជាមួយពិន្ទុ៣៦១.៨៦ និងសហរដ្ឋអាមេរិកស្ថិតនៅលេខ៣ ជាមួយពិន្ទុ៣៥២.៤៥។

ក្រោយបញ្ចប់ការប្រកួតវគ្គវិលជុំសន្សំពិន្ទុសប្ដាហ៍ទី១ ក្រុមប៉ូឡូញឈរនៅលេខ៥ ក្រោយប្រកួត៤លើក ឈ្នះ៣ ​ចាញ់១​ មាន៩ពិន្ទុ FIVB Volleyball Men’s Nations League។

បើនិយាយពីក្រុមស្លូវេនី ពិតជាធ្វើបានល្អជាពិសេសទទួលបាន១៥.៧៩ពិន្ទុបន្ថែម ហើយរំកិលឡើងមកឈរលេខ៥ ក្នុងតារាងណាត់ថ្នាក់បាល់ទះពិភពលោក  FIVB ជាមួយពិន្ទុសរុបចំនួន ៣៣១.៥៩ពិន្ទុ ក្រោយយកឈ្នះក្រុមខ្លាំងប៉ូឡូញ។

ក្រោយបញ្ចប់ការប្រកួតវគ្គវិលជុំសន្សំពិន្ទុសប្ដាហ៍ទី១ ក្រុមស្លូវេនី ពិតជាធ្វើបានល្អណាស់ ក្រោយប្រកួត៤លើកពួកគេឈ្នះទាំង៤លើក មាន១០ពិន្ទុឈរនៅលេខ២ ក្នុងតារាង។ សម្រាប់ការប្រកួតវគ្គវិលជុំសន្សំពិន្ទុសប្ដាហ៍ទី២ នឹងចាប់ផ្ដើមប្រកួតនៅថ្ងៃទី៤ ខែមិថុនា ដល់ថ្ងៃទី៩ ខែមិថុនា។ អ៉ីតាលី កំពុង​ឈរ​លើ​កំពូល​តារាង​ បន្ទាប់​ពី​ឈ្នះ​ទាំង​៤​ប្រកួត រក​បាន​១១​ពិន្ទុ។

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៩ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៣ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម