Connect with us

កីឡា

អ្នក​កីឡា​កម្ពុជា​ឈ្នះ​ជើងឯកនៅ៣ប្រទេសផ្សេងគ្នាម្សិលមិញ

បានផុស

នៅ

កីឡា​ករ​ប្រដាល់​គុន​ខ្មែរ និង​កីឡា​បាល់ទាត់​កម្ពុជា​បាន​ឈ្នះ​ជើង​ឯក​នៅ​ប្រទេស​ផ្សេង​គ្នា​កាល​ពី​ល្ងាច​ថ្ងៃ​ទី​២ ខែ​មិថុនា ឆ្នាំ​២០២៤ បន្ទាប់​ពី​ចេញ​ទៅ​ប្រកួត​ទៅ​តាម​ប្រភេទ​កីឡា​រៀង​ៗ​ខ្លួន។

វិសាខាជា​ក្រុម​បាល់ទះ​កម្ពុជា​ទី១​ឈ្នះ​ជើង​ឯក​នៅ​ក្រៅ​ប្រទេស

វិសាខា​ធ្វើ​បាន​យ៉ាង​ល្អ​សម្រាប់​ការ​ចូល​រួម​ប្រកួត​ពាន​រង្វាន់​​ដែល​រៀបចំ​ដោយ​ក្រុម​កីឡា​បាល់ទះ​អាជីព​ Win Streak គឺ ពានរង្វាន់ Win+ Streak Volleyball Invitational Tournament នៅកោះតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​បើក​ឆាក​សន្សំ​ពិន្ទុ វិសាខា បាន​យក​ឈ្នះ​ក្រុម​អូស្ត្រាលី Volleyball Academy ដោយ​លទ្ធផល ៣-០ (២៦-២៤, ២៥-២៣ និង ២៥-១៨)។ ការ​ប្រកួត​ទី​២ បាន​វិសាខា​បាន​ចាញ់​ក្រុម​ម្ចាស់​ផ្ទះ Win Streak ប្រផុត​ប្រផើយ ២-៣ (២២-២៥, ២៥-២២, ​១៩-២៥, ២៧-២៥, ១៣-១៥។ ការ​ប្រកួត​ទី៣ វិសាខា​យក​ឈ្នះ​ក្រុម​មក​ពី​ជប៉ុន Saitama Azalea ៣-១ (២៧-២៥, ២៥-១៨, ២៥-២៧ និង​២៥-២៣)។

នៅ​វគ្គ​ពាក់​កណ្តាល​ផ្តាច់​ព្រ័ត្រ វិសាខា បាន​យក​ឈ្នះ​ក្រុម​ជើង​ឯក​ឆ្នាំ​ចាស់មក​ពី​ប្រទេស​ម៉ាឡេស៊ី Flying Falcon ដោយ​លទ្ធផល ៣-០ (២៥-២៣, ២៦-២៤, ២៥-១៧)។ នៅ​វគ្គ​ផ្តាច់​ព្រ័ត្រ ក្រុម​កម្ពុជា​បាន​​យកឈ្នះក្រុមម្ចាស់ផ្ទះ Win Streak ដោយលទ្ធផល ៣-១ (២៥-២៣, ២៣-២៥, ២៥-២៣ និង ២៥-២៥-២២) យប់ថ្ងៃអាទិត្យ ទី២ ខែមិថុនា ឆ្នាំ២០២៤ ដើម្បី​ក្លាយ​ជា​​ក្រុម​បាល់ទះ​កម្ពុជា​ទី​១​​​ដែល​ឈ្នះ​ជើង​ឯក​នៅ​ក្រៅ​ប្រទេស។

ឡៅ សៃណេត ជា​កីឡាករ​កម្ពុជា​ទី​១ឈ្នះ​ខ្សែ​ក្រវាត់​នៅ​ជប៉ុន

កីឡាករ​គុន​ខ្មែរ​វ័យ​ក្មេង ឡៅ សៃណេត​ បាន​​ឈ្នះ​ខ្សែ​ក្រវាត់​អន្តរជាតិ​នៅ​សង្វៀន Sukwankinton បន្ទាប់​ពី​បាន​ផ្តួល​កីឡាករ​ម្ចាស់​ផ្ទះ​ជប៉ុន​ឲ្យ​អាជ្ញា​កណ្តាល​បញ្ឈប់​ក្នុង​ទឹក​ទី​១​កាល​ពី​ល្ងាច​ថ្ងៃ​អាទិត្យ ទី​២ ខែ​មិថុនា ឆ្នាំ​២០២៤។ នេះ​ជា​ការ​ចេញ​ប្រកួត​នៅ​ក្រៅ​ប្រទេស​លើក​ទី​១​របស់ ឡៅ សៃណេត ប៉ុន្តែ​រូប​គេ​ធ្វើ​បាន​ល្អ​ឥត​ខ្ចោះ និង​បាន​ក្លាយ​ជា​កីឡាករ​គុន​ខ្មែរ​ទី១​ដែល​បាន​ឈ្នះ​ខ្សែ​ក្រវាត់​នៅ​ប្រទេស​ជប៉ុន។ រូប​គេ​ទើប​តែ​ឈ្នះ​ខ្សែ​ក្រវាត់​ទី១​ក្នុង​អាជីព​ប្រដាល់​កាល​ពី​ថ្ងៃទី​១៩ ខែ​ឧសភា តាម​រយៈការ​ផ្តួល​កីឡាករ ធន់ វិស្ណុ ក្នុង​ទឹក​ទី​១។

ឈុត សេរីវ៉ាន់ថង និង ធីម សៀងហៃ ឈ្នះ​ខ្សែ​ក្រវាត់​នៅ​បារាំង

នៅ​យប់​ថ្ងៃ​អាទិត្យ ទី​២ ខែ​មិថុនា ឆ្នាំ​២០២៤ អ្នក​លេង​គុន​ខ្មែរ​២​​រូប​បាន​ឈ្នះ​ខ្សែ​ក្រវាត់​គុន​ខ្មែរ​អន្តរជាតិ ប៉ុន្តែកីឡាករ ឈឿង ល្វៃ ​បាន​បរាជ័យ​ក្នុង​ការ​ប្រកួត​ដណ្តើម​ខ្សែ​ក្រវាត់​ពិភព​គុន​ខ្មែរ។

ឈុត សេរីវ៉ាន់ថង បាន​យក​ឈ្នះ​កីឡាករបារាំង Omar Drissi នៅ​ជុំ​ទី១​សម្រាប់​ការ​ប្រកួត​ខ្សែ​ក្រវាត់គុន​ខ្មែរ​ស៊ុបភើហ្វៃ (KSF) ទម្ងន់​៦១​គីឡូក្រាម ​ដើម្បី​ឡើង​ទៅ​ជួប​មិត្ត​រួម​ជាតិ ឃីម បូរ៉ា ដែល​បាន​ឈ្នះ​កីឡាករ​បារាំង Mike Dederian នៅ​ជុំ​ទី១​ដែរ។

ការ​ប្រកួត​វគ្គ​ផ្តាច់​ព្រ័ត្រ ឈុត សេរីវ៉ាន់ថង បាន​យក​ឈ្នះ​មិត្ត​រួម​ជាតិ ឃីម បូរ៉ា ដោយ​ពិន្ទុ​ដើម្បី​ក្លាយ​ជា​ម្ចាស់​ខ្សែ​ក្រវាត់  KSF ដែល​មាន​រង្វាន់​រថយន្ត​ថ្មី​សន្លាង​១​គ្រឿង។ រាល់​ពេល​ប្រកួត​សំខាន់​គឺ​ ឃីម បូរ៉ា ពិបាក​យក​ឈ្នះ សេរីវ៉ាន់ថង​ណាស់។ ជាក់​ស្តែង​​ការ​ប្រកួត​មាន​រង្វាន់​ផ្ទះ​ល្វែង​នៅ​ខេត្ត​សៀម​រាប ឃីម បូរ៉ា ក៏​ចាញ់ ហើយ​ពេល​នេះ​ការ​ប្រកួត​ខ្សែ​ក្រវាត់​មាន​រង្វាន់​រថយន្ត​​នៅ​ប្រទេស​បារាំង​បន្ត​ចាញ់​ទៀត។

នៅ​​បារាំង​ដែរ គ្រូ​គុន​ខ្មែរ​វ័យ​ក្មេង ធីម សៀងហៃ បានយក​ឈ្នះ​កីឡាករ Mazouz ដោយ​ពិន្ទុ​​ដើម្បី​ក្លាយ​ជា​ម្ចាស់​ខ្សែ​ក្រវាត់​គុន​ខ្មែរ​ទម្ងន់​៥៤​គីឡូក្រាម។

លន បញ្ញា, ធីម សៀងហៃ និង ឈុត សេរីវ៉ាន់ថង នៅ​បារាំង

ជា​មួយ​គ្នា​នេះ ឈឿង ល្វៃ ​បាន​ចាញ់​កីឡាករ​បារាំង​ Omar Samb ក្នុង​ទឹក​ទី២ បន្ទាប់​ពី​ត្រូវ​បាន​កីឡាករ​ម្ចាស់​ផ្ទះ​ទាត់​ឲ្យ​ខូច​ជើង​ ដូច្នេះ Omar Samb ជា​ម្ចាស់​ខ្សែ​ក្រវាតត់​គុន​ខ្មែរ​ពិភព​លោក។ សម្រាប់​ជំនួប​សង​សឹក​របស់​កីឡាករ​បារាំង Omar Bathily លើ​អ្នក​លេង​គុន​ខ្មែរ លន បញ្ញា មិនទទួល​បាន​ជោគជ័យ​ទេ ខណៈ​កីឡាការិនី​ ទូន ស្រីពីន ចាញ់​ពិន្ទុ​កីឡាការិនី​បារាំង Marika Orel សម្រាប់​ការ​ប្រកួត​មិត្តភាព៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

លោក នេត្រ ភក្ត្រា៖ ការផ្ដល់សេវាសារធាណៈដោយគុណភាព ឆាប់រហ័ស ជាកិច្ចការចម្បងរបស់ក្រសួងព័ត៌មាន

សន្តិសុខសង្គម៣ ម៉ោង មុន

ក្រុម​ឧក្រិដ្ឋជន​ដឹក​គ្រឿងញៀន​ឆ្លងដែន​ជាង​២០០​គីឡូ ត្រូវ​សមត្ថកិច្ច​មន្ទីរ​ប្រឆាំង​មន្ទីរ​ប្រឆាំង​គ្រឿងញៀន​បង្ក្រាប​

ព័ត៌មានជាតិ៣ ម៉ោង មុន

សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម

ព័ត៌មានអន្ដរជាតិ៤ ម៉ោង មុន

កូរ៉េខាងត្បូង​ចាប់​ខ្លួន​ម្ចាស់​ក្រុមហ៊ុនបច្ចេកវិទ្យា​ខ្នាតយក្ស Kakao ជុំវិញ​ការ​បន្លំតម្លៃភាគហ៊ុន

សន្តិសុខសង្គម៤ ម៉ោង មុន

៧ខែដើមឆ្នាំ២០២៤ មន្ទីរប្រឆាំងគ្រឿងញៀនបង្ក្រាបបានគ្រឿងញៀនជាង៥តោន

Sokha Hotels

ព័ត៌មានពេញនិយម