ក្រុង​ប៉ារីស បង្កើនវិធានការ​ទប់​ស្កាត់​ឧក្រិដ្ឋកម្មអំឡុងកីឡាអូឡាំពិក

រដ្ឋ​អាជ្ញាទីក្រុងប៉ារីស លោកស្រី Laure Beccuau បាន​ឲ្យ​ដឹង​ពី​​អាជ្ញាធរកំពុងបង្កើនរៀបចំសម្រាប់ការកើនឡើងនៃឧក្រិដ្ឋកម្មក្នុងអំឡុងពេលប្រកួតកីឡាអូឡាំពិក នៅទីក្រុងប៉ារីស ឆ្នាំ២០២៤ ដែលលំហូរនៃភ្ញៀវទេសចរនឹងកើនឡើងយ៉ាងខ្លាំង។

លោកស្រី Beccuau បាននិយាយនៅមុនព្រឹត្តិការណ៍កីឡាអូឡាំពិករដូវក្តៅដែលចាប់ផ្តើមពីថ្ងៃទី២៦ ខែកក្កដា ដល់ថ្ងៃទី១១ ខែសីហាថា ៖«យើងនឹងមានអ្នកទេសចរយ៉ាងច្រើន ហើយទីក្រុងប៉ារីសនឹងស្វាគមន៍ភ្ញៀវចំនួន ១៥លាននាក់ដែលច្រើនជាងធម្មតាចំនួន ៥លាននាក់សម្រាប់ពេលវេលាដូចគ្នានៃឆ្នាំកន្លងទៅ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការហូរចូលនៃអ្នកទស្សនាយ៉ាងច្រើនដែលរំពឹងទុកក្នុងអំឡុងពេលព្រឹត្តិការណ៍កីឡាពិភពលោកនេះ នៅ៥៩ថ្ងៃមុនពេលចាប់ផ្តើមការប្រកួតកីឡាអូឡាំពិក លោកស្រី​ Beccuau​ បានចង្អុលបង្ហាញពីការកើនឡើងដែលអាចកើតមាននៃអំពើឧក្រិដ្ឋកម្ម ដូចជាការឆក់កាបូប អំពើហិង្សា និងសូម្បីតែការរំលោភបំពានផ្លូវភេទ ដែលលោកស្រីបានពិពណ៌នាថាជាទម្រង់ឧក្រិដ្ឋបូរាណ។

បន្ថែមពីលើឧក្រិដ្ឋកម្មបុរាណ ការវាយប្រហារតាមអ៊ីនធឺណេត គឺជាកង្វល់ដ៏ធំមួយសម្រាប់អាជ្ញាធរ។ ការិយាល័យរដ្ឋអាជ្ញាសាធារណៈទីក្រុងប៉ារីស ដែលមានទំនួលខុសត្រូវថ្នាក់ជាតិសម្រាប់ការប្រយុទ្ធប្រឆាំងនឹងឧក្រិដ្ឋកម្មតាមអ៊ីនធឺណិតកំពុងរំពឹងថានឹងមានការកើនឡើងនៃការវាយប្រហារតាមអ៊ីនធឺណិតដូចនៅក្នុងព្រឹត្តិការណ៍អូឡាំពិកមុនៗដែរ។ លោកស្រីបាននិយាយថា កង្វល់ចម្បងគឺការវាយប្រហារតាមអ៊ីនធឺណិតដែលយើងដឹងថានឹងកើនឡើង។

ដើម្បីត្រៀមខ្លួនសម្រាប់ការប្រកួតប្រជែង នៃការប្រកួតកីឡាអូឡាំពិកទីក្រុងប៉ារីសឆ្នាំ២០២៤ ការិយាល័យ​រដ្ឋ​អាជ្ញា​ទីក្រុងប៉ារីស កំពុងរៀបចំផែនការបង្កើនបុគ្គលិក​យ៉ាងខ្លាំង។ ចៅក្រមបន្ថែមនឹងត្រូវបានប្រមូលផ្តុំ ជាពិសេសពីសាលាឧទ្ធរណ៍ទីក្រុងប៉ារីស ខណៈចំនួនសវនាការមុនការកាត់ក្តីក៏នឹងកើនឡើងផងដែរ៕

ប្រែសម្រួល៖ មន្នីរ័ត្ន
ប្រភព៖ Inside The Games