Connect with us

កីឡា

កីឡាករ៥រូបបង្ហាញខ្លួន​ច្រើនបំផុតក្នុងជើងឯក EURO ជុំចុងក្រោយ

បានផុស

នៅ

ព្រឹត្តិការណ៍​បាល់ទាត់​អឺរ៉ុប EURO ជាពាន​រង្វាន់​ធំ​បំផុត​លំដាប់​ទី១​ប្រចាំ​ទ្វីប និង​ជា​​ពាន​រង្វាន់​ដ៏​​ល្បី​ល្បាញ​បំផុត​លំដាប់​ទី​២ បន្ទាប់​ពី​​ជើងឯក​ពិភព​លោក​ World Cup។ ​កីឡាករ​ម្នាក់​ៗ​នៅ​តំបន់​អឺរ៉ុប​សុទ្ធ​តែ​ចង់​មាន​ឈ្មោះ​ក្នុង​ក្រុម​ជម្រើស​ជាតិ​ដើម្បី​ចូល​រួម​ប្រកួត​ក្នុង​ពាន​រង្វាន់​នេះ។ កីឡាករ​ខ្លះ​ទទួល​បាន​ឱកាស​ទាំង​វ័យ​ក្មេង។ កីឡាករ​ខ្លះ​មួយ​ជីវិត​ក៏​គ្មាន​ឱកាស​ជាប់​ជម្រើស​ជាតិ​ដែរ។ ថ្ងៃនេះសារព័ត៌មាន«កម្ពុជាថ្មី» សូមបង្ហាញ​កីឡាករ៥រូប​ដែល​បាន​បង្ហាញខ្លួន​ច្រើន​បំផុត​នៅ​ក្នុង​ព្រឹត្តិការណ៍​មួយ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កីឡាករ Cristiano Ronaldo

ខ្សែប្រយុទ្ធ Cristiano Ronaldo ជាកីឡាករ​​បង្ហាញច្រើនបំផុតក្នុងព្រឹត្តិការណ៍ EURO។ លោក​បាន​បង្ហាញខ្លួនសរុបបានចំនួន២៥លើក ជាមួយក្រុមជម្រើសជាតិព័រទុយហ្គាល់ នៅជុំចុងក្រោយក្នុងពានរង្វាន់ EURO។ ស្ថិតិបង្ហាញខ្លួននេះមិនរាប់បញ្ចូលការបង្ហាញខ្លួនជាមួយក្រុមជម្រើសជាតិនៅវគ្គជម្រុះទេ។

២. កីឡាករ Pepe

ខ្សែការពារ Pepe ជាកីឡាករទី២ បង្ហាញខ្លួនបានច្រើនបំផុតក្នុងព្រឹត្តិការណ៍ EURO។ កីឡាករ Pepe បង្ហាញខ្លួនសរុបបានចំនួន១៩លើកជាមួយក្រុមជម្រើសជាតិព័រទុយហ្គាល់។ ស្ថិតិតរបស់ Pepe​ និង Cristiano Ronaldo នឹងមានការបែប្រួលទៀត ដោយសាររូបគេទាំង២បន្តជាប់ឈ្មោះក្នុងក្រុមជម្រើសជាតិក្នុងព្រឹត្តិការណ៍អឺរ៉ូ ឆ្នាំ២០២៤។

៣. កីឡាករ João Moutinho

ខ្សែបម្រើ João Moutinho បង្ហាញខ្លួនសរុបបានចំនួន១៩លើកក្នុងការប្រកួតជុំចុងក្រោយពានរង្វាន់អឺរ៉ូ​ជាមួយក្រុមជម្រើសជាតិព័រទុយហ្គាល់។ រូបគេជាកីឡាករទី៣ បង្ហាញខ្លួនបានច្រើនជាងគេក្នុងប្រវត្ដិសាស្រ្ដពានរង្វាន់លំដាប់ទី១ នៅទ្វីបអឺរ៉ុប។

៤. កីឡាករ  Leonardo Bonucci

ខ្សែការពារ Bonucci ជាកីឡាករទី៤ បង្ហាញខ្លួនបានច្រើនបំផុតក្នុងព្រឹត្តិការណ៍​អឺរ៉ូ។ លោក​បាន​បង្ហាញខ្លួនសរុបបានចំនួន១៨លើក ក្នុងការប្រកួតជុំចុងក្រោយពានរង្វាន់​អឺរ៉ូ​ជាមួយក្រុមជម្រើសជាតិអុីតាលី។

៥. កីឡាករ Bastian Schweinsteiger

ខ្សែបម្រើ Bastian Schweinsteiger បង្ហាញខ្លួនសរុប​១៨លើកក្នុងពានរង្វាន់​អឺរ៉ូ​ជាមួយក្រុមជម្រើសជាតិអាល្លឺម៉ង់។ រូបគេជាកីឡាករទី៥ បង្ហាញខ្លួនបានច្រើនជាងគេក្នុងប្រវត្ដិសាស្រ្ដពានរង្វាន់​អឺរ៉ូ៕

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥៥ វិនាទី មុន

កីឡាករ៥រូបបង្ហាញខ្លួន​ច្រើនបំផុតក្នុងជើងឯក EURO ជុំចុងក្រោយ

សេដ្ឋកិច្ច៤៧ នាទី មុន

ការនាំចេញទៅកាន់ទីផ្សារអឺរ៉ុបរយៈពេល​៥ខែ​​​សម្រេចបាន​១​,​​៥៦៣​ ​ពាន់លាន​ដុល្លារ ទោះបីជាស្ថានភាពសេដ្ឋកិច្ចសកលមានកំណើនយឺត

សេដ្ឋកិច្ច២ ម៉ោង មុន

IMF៖ ​សេដ្ឋកិច្ច​ហ្វីលីពីន​នឹង​កើន​ឡើង​ ៦ ភាគរយ​ឆ្នាំ​នេះ​ ប៉ុន្តែ​​គោល​នយោបាយ​រូបិយ​វត្ថុ​ត្រូវ​​​បន្ត​តឹង​រ៉ឹង​

កីឡា២ ម៉ោង មុន

លោក ខូវ ឆាយ៖«បិទ Leduc តែឡើង​សង្វៀន តែស្វាគមន៍ការ​រកស៊ីនៅកម្ពុជា»

ព័ត៌មានអន្ដរជាតិ២ ម៉ោង មុន

ហ្វីលីពីន គ្រោង​ទិញ​នាវា​ល្បាត​៥​គ្រឿង​ពី​ជប៉ុន ចំពេលមានភាពតានតឹងជាមួយចិន

Sokha Hotels

ព័ត៌មានពេញនិយម