ខ្សែបម្រើ Jones ពេញចិត្ត​ទម្រង់លេងរបស់គ្រូបង្វឹកថ្មី Liverpool

បន្ទាប់ពីហ្វឹកហាត់ជាមួយគ្រូបង្វឹកថ្មី លោក Arne Slot មួយរយៈ ខ្សែបម្រើ Curtis Jones បាន​ពេញចិត្តជាមួយទម្រង់របស់អ្នកចាត់វ័យ៤៥ឆ្នាំសញ្ជាតិហុល្លង់រូបនេះ។

ខ្សែបម្រើ Curtis Jones បានរៀបរាប់​ថា ទម្រង់លេងរបស់ Liverpool បច្ចុប្បន្ន​ខុសប្លែក​ច្រើន​ ក្រោយគ្រូបង្វឹកថ្មី ព្យាយាមឲ្យកូនក្រុមលេង និង​បាន​ព្យាយាមគ្រប់គ្រងបាល់ឲ្យច្រើន ប៉ុន្តែ​មិនសម្រុងខ្លាំងពេកទេ។

កីឡាករ Curtis Jones បាននិយាយថា ៖«ពីមុន ពួកយើងប្រញាប់ប្រញាល់ក្នុងការដណ្ដើម​បាល់មកវិញ ហើយសម្រុកវិញ​លឿនៗ។ ឥឡូវនេះ យើងព្យាយាមលេងគ្រប់គ្រងបាល់ឲ្យបានច្រើន។ មាន​ឱកាសយើង​ទើប​សម្រុងទៅ​មុខ។ វាប្រហែលជារឿងដែលសប្បាយចិត្តបំផុត»។  

ក្រោមការដឹកនាំរបស់គ្រូបង្វឹកថ្មី Arne Slot ខ្សែបម្រើ Curtis Jones ទំនងជាមានឱកាស​បង្ហាញខ្លួនច្រើននៅ​រដូវកាលថ្មី។

ចុងសប្ដាហ៍នេះជាឱកាស​ល្អមួយសម្រាប់ Curtis Jones ក្នុងការបង្ហាញសមត្ថភាព ដើម្បីទាក់ចិត្តរូបបង្វឹកថ្មី។ ក្រុមហង្សក្រហម liverpool នឹងត្រូវក្រុម Real Betis ក្នុងការប្រកួតមិត្តភាពជាសាធារណៈលើកដំបូងរបស់ពួកគេក្នុងអំឡុងពេលដំណើរទេសចរណ៍នៅសហរដ្ឋអាមេរិក៕

ប្រែសម្រួល៖ ផា រតនា