អេស្ប៉ាញសំឡឹងឃើញឳកាសឡើងទៅវគ្គផ្ដាច់ព្រ័ត្រអូឡាំពិកលើក៥

ការប្រកួតកីឡា​បាល់ទាត់​វគ្គពាក់កណ្ដាលផ្ដាច់ព្រ័ត្រ ព្រឹត្តិការណ៍អូឡាំពិកឆ្នាំ២០២៤ នៅទីក្រុងប៉ារីស ចាប់ផ្ដើមនៅវេលាម៉ោង១១យប់នេះ រវាង​ក្រុមជម្រើជាតិម៉ារ៉ុក U23 ទល់​នឹង​ក្រុមអេស្ប៉ាញ U23។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងព្រឹត្តិការណ៍អូឡាំពិក អេស្ប៉ាញ​ធ្លាប់​បាន​ឡើងដល់វគ្គផ្ដាច់ព្រ័ត្រ​៤លើក​ ក្នុងនោះឈ្នះមេដាយមាស១លើក​គឺ​ឆ្នាំ​១៩៩២​លើក និងឈ្នះមេដាយប្រាក់៣លើក ក្នុងឆ្នាំ១៩២០, ២០០០និង២០២០។

អេស្ប៉ាញត្រូវបានគេមើលឃើញថាជាក្រុមមួយមានភាគរយខ្ពស់​ក្នុងការឈ្នះមេដាយមាស បន្ទាប់ពីពួកគេធ្វើបានយ៉ាងល្អ ក្រោយទម្លាក់ក្រុមខ្លាំងជប៉ុននៅវគ្គ៨ក្រុមចុងក្រោយ ក្នុងលទ្ធផល ៣-០។ ទោះបីជាយ៉ាងណា ការប៉ះ​ម៉ារ៉ុកនៅវគ្គពាក់កណ្ដាលផ្ដាច់ព្រ័ត្រ អេស្ប៉ាញនឹងធ្វើការងារធ្ងន់​ដែរ ព្រោះម៉ារ៉ុកជាក្រុមខ្លាំងមួយក្នុងព្រឹត្តិការណ៍អូឡាំពិក​ឆ្នាំ​នេះ។

ទោះបីមិនមានប្រវត្តិល្អក្នុង​កីឡា​អូឡាំពិក ប៉ុន្តែម៉ារ៉ុកកំពុងសម្លឹង​ឃើញ​ឱកាស​ឡើងទៅវគ្គផ្ដាច់ព្រ័ត្រ​ជា​លើកដំបូង។ មុនឡើងមកជួបអេស្ប៉ាញ ក្រុមម៉ារ៉ុកបានបង្កភាពភ្ញាក់ផ្អើល តាម​រយៈ​ជ័យជម្នះ​ ៤-០ លើ​សហរដ្ឋអាមេរិក។ ជំនួបរវាងក្រុមទាំង២នេះ នឹងក្លាយជាការប្រកួតដ៏ជក់ចិត្តក្នុងព្រឹត្តិការណ៍អូឡាំពិកឆ្នាំនេះ៕

អត្ថបទ៖ ផា រតនា