កីឡា
យុទ្ធគុនបុរាណខ្មែរពាន«សម្តេចធិបតី»នឹងធ្វើរាល់ឆ្នាំជាមួយច្បាប់ថ្មី និងមានតម្លៃបំផុត
ការប្រកួតកីឡាយុទ្ធគុនបុរាណខ្មែរពានរង្វាន់«សម្តេចធិបតី» នឹងធ្វើជារៀងរាល់ឆ្នាំដោយមានគោលបំណងអភិរក្ស និងអភិវឌ្ឍកីឡាយុទ្ធគុនបុរាណខ្មែរឲ្យរីកចម្រើនទាំងក្នុងប្រទេស និងក្រៅប្រទេស។
លោកទេសរដ្ឋមន្ត្រី ថោង ខុន ទទួលបន្ទុកជំរុញចលនាអភិវឌ្ឍកីឡា និងជាប្រធានគណៈកម្មាធិការជាតិអូឡាំពិកកម្ពុជា បានថ្លែងក្នុងសន្និសីទសារព័ត៌មាននៅថ្ងៃទី៧ ខែសីហា ឆ្នាំ២០២៤ នៅទីស្នាក់ការគណៈកម្មាធិការជាតិកម្ពុជាអូឡាំពិកកម្ពុជាថា កម្មវិធីប្រកួតកីឡាយុទ្ធបុរាណខ្មែរជាគំនិតផ្តួចផ្តើមរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ សម្តេចធិបតីមានចក្ខុវិស័យវែងឆ្ងាយក្នុងការអភិរក្ស និងអភិវឌ្ឍកីឡាយុទ្ធគុនបរាណខ្មែរឲ្យមានបែបបទ ស្តង់ដា បច្ចេកទេស និងច្បាប់ទម្លាប់ច្បាស់លាស់។
លោក ថោង ខុន មានប្រសាសន៍ថា ៖«យើងមានកីឡាច្រើនប្រភេទនៅកប់ មិនទាន់បានបង្ហាញឲ្យមហាជនដឹង។ គោលដៅរបស់យើងគឺដើម្បីអភិរក្ស និងអភិវឌ្ឍ ប៉ុន្តែមិនឈានដល់អភិរក្ស និងអភិរក្ស។ យើងត្រូវសិក្សា ស្រាវជ្រាវ គាស់រំលើងឡើងវិញ ចង់ក្រងឲ្យច្បាស់លាស់។ យើងនៅមានក្បាច់គុនខ្មែរច្រើនទៀតដែលកប់នៅក្នុងសហគម ដូច្នេះហើយបានជាសម្តេចធិបតីផ្តួចផ្តើមឲ្យយើងទាំងអស់គ្នារៀបចំឡើងវិញ ចងក្រងឲ្យបានច្បាស់លាស់ និងរៀបចំឲ្យមានការប្រកួតទៀងទាត់។ បើចង់ឲ្យមានការអភិរក្ស ទាល់តែមានការចងក្រង ចង់ឲ្យមានការអភិវឌ្ឍ ទាល់តែមានការប្រកួត ដើម្បីឈានទៅដល់ការប្រកួតអន្តរជាតិ»។
កាលពីពេលថ្មីៗនេះ សម្តេចធិបតីនាយករដ្ឋមន្ត្រីបានចេញសេចក្តីសម្រេចបង្កើតគណៈកម្មការចំពោះកិច្ចមួយដើម្បីរៀបចំព្រឹត្តិការណ៍ប្រកួតយុទ្ធគុនបុរាណខ្មែរដែលមានលោក ថោង ខុន ជាប្រធាន និងមានអនុប្រធាន សមាជិកជាច្រើនរូបទៀត ក្នុងនោះអាជ្ញាធរតាមបណ្តាខេត្ត-ក្រុងក៏មានឈ្មោះជាអនុប្រធានផងដែរ។
ការប្រកួតនឹងធ្វើឡើងជារៀងរាល់ឆ្នាំដែលឆ្នាំដំបូងនេះរៀបចំនៅរាជធានីភ្នំពេញ ប៉ុន្តែឆ្នាំបន្តបន្ទាប់ទៀតនឹងធ្វើនៅតាមបណ្តាខេត្ត។ តាមអនុសាសន៍របស់សម្តេចធិបតីនាយករដ្ឋមន្ត្រីចង់ឲ្យរៀបចំនៅឆ្នាំក្រោយ ប៉ុន្តែដោយសារពេលវេលាអំណោយផល និងមានធនធានច្រើនស្រាប់ ដូច្នេះសម្រេចរៀបចំការប្រកួតនៅឆ្នាំនេះម្តងដែលនឹងធ្វើនៅថ្ងៃទី១៨-១៩-២០ ខែតុលា ឆ្នាំ២០២៤។ សម្តេចធិបតីនាយករដ្ឋមន្ត្រី ហ៊ុន ម៉ាណែត នឹងអញ្ជើញជាធិបតីទាំងពិធីបើក និងពិធីបិទ។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានឲ្យដឹងថា រហូតដល់ពេលនេះ មានកីឡាយុទ្ធគុនខ្មែរមួយចំនួនដែលត្រូវបានដាក់ឲ្យប្រកួតគឺ គុនល្បុក្កតោ គុនខ្មែរ គុនចម្រុះ យុទ្ធក្រមខម ខ្លាក្រាប ក្រពើហា ស្រង៉ែពែន និងក្បាច់គុនកងយោធពលខេមរភូមិន្ទជាដើម។
កីឡាករ កីឡាការិនីអាយុចាប់ពី១៨ឆ្នាំដល់៦៥ឆ្នាំ ដែលជាអ្នកហ្វឹកហាត់កីឡា ទោះនៅខេត្ត ឬក្រុងសុទ្ធតែអាចចូលរួមប្រកួតបានទាំងអស់។ អត្តពលិកទាំងនៅរាជធានី ខេត្ត ដែលមានសហព័ន្ធកីឡា គ្មានសហព័ន្ធក្តីក៏អាចចូលរួមប្រកួត។
ច្បាប់នៃការប្រកួតគឺ គ្រប់ប្រភេទកីឡាមានតែ២នាទីក្នុង១ទឹក ហើយប្រកួតមានតែ២ទឹកប៉ុណ្ណោះសម្រាប់វិញ្ញាសាប្រយុទ្ធ ខណៈវិញ្ញាសាសម្តែងគឺអនុវត្តទៅតាមច្បាប់របស់សហព័ន្ធសាមី។ គ្រប់ប្រភេទកីឡាសុទ្ធតែមានវិញ្ញាសាសម្តែង និងវិញ្ញាសាប្រយុទ្ធ ដែលមានទាំងកម្រិតអាជីព និងស្ម័គ្រចិត្ត (មិនអាជីព) ដែលប្រកួតក្រោមច្បាប់ បច្ចេកទេស និងគោលការណ៍ថ្មី។
ទោះបីជាយ៉ាងណា ច្បាប់ និងគោលការណ៍នៅមិនទាន់ត្រូវបានពន្យល់ឲ្យច្បាស់លាស់នៅឡើយទេ។ តាមការកំណត់ វគ្គបណ្តុះបណ្តាលស្តីពី គោលការណ៍ និងច្បាប់ថ្មី នេះនឹងបណ្តុះបណ្តាលដល់ក្រុមការងារគ្រូបង្វឹកនាចុងខែសីហានេះ និងវគ្គបណ្តុះបណ្តាលដល់ចៅក្រម និងអាជ្ញាកណ្តាលនឹងធ្វើនៅខែកញ្ញា។
លោក វ៉ាត់ ចំរើន បានបង្ហើបឲ្យដឹងថា ដើម្បីលើកទឹកចិត្ត និងធ្វើឲ្យមានតម្លៃ គណៈកម្មការរៀបចំការប្រកួតកំពុងរៀបចំរង្វាន់លើកទឹកចិត្តមានដូចជា ប្រាក់រង្វាន់ ម៉ូតូ និងរថយន្ត ប៉ុន្តែមិនទាន់ផ្លូវការនៅឡើយទេ ពីព្រោះកំពុងស្នើសុំទៅរាជរដ្ឋាភិបាល។ ទោះបីជាយ៉ាងណា តម្លៃនៃការរៀបចំដែលផ្តួលផ្តើមឡើងដោយនាយករដ្ឋមន្ត្រីពិតជាមាអត្ថន័យខ្លាំងណាស់សម្រាប់កីឡាករ កីឡាការិនីដែលបានចូលរួមប្រកួត៕
អត្ថបទ៖ វីរបុត្រ
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
រដ្ឋមន្រ្តី៖ ធម្មនុញ្ញវិជ្ជាជីវៈសារព័ត៌មាននឹងជួយតម្រង់ទិស និងលើកតម្លៃសារព័ត៌មាននៅកម្ពុជា
ទឹកជំនន់វាយប្រហារស៊ូដង់បណ្តាលឲ្យមនុស្សយ៉ាងតិច៣២នាក់ស្លាប់ និង ១០៧ នាក់រងរបួស
យុទ្ធគុនបុរាណខ្មែរពាន«សម្តេចធិបតី»នឹងធ្វើរាល់ឆ្នាំជាមួយច្បាប់ថ្មី និងមានតម្លៃបំផុត
អាមេរិកសន្យាបង្កើនសកម្មភាពយោធានៅអូស្ត្រាលីនិងតំបន់ឥណ្ឌូប៉ាស៊ីហ្វិក
ស្ពានបាឡេឆ្លងកាត់រវាងឃុំអារក្សត្នោត ទៅឃុំទួលសំបួរ នៃស្រុកស្ទឹងត្រង់ ត្រូវបានទឹកជំនន់ទឹកភ្លៀងហូរច្រោះបាក់ស្រុតហើយ
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
តុលាការធម្មនុញ្ញថៃ សម្រេចឲ្យរំលាយ គណបក្សចលនាឆ្ពោះទៅមុខ
ស្ត្រីអាមេរិកជាប់ច្រវាក់ក្នុងព្រៃភ្នំ និងអត់អាហារ៤០ថ្ងៃក្នុងប្រទេសឥណ្ឌា ប៉ូលិសត្រដាងការពិត
កុមារា សុខុន សីហនុត ឈ្នះមេដាយមាស៤ សំរិទ្ធ១ពីជើងឯកហាប់គីដូពិភពលោក
-
សេដ្ឋកិច្ច៥ ថ្ងៃ agoខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ agoរដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៦ ថ្ងៃ agoពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៤ ថ្ងៃ agoថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ២ ថ្ងៃ agoកៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៣ ថ្ងៃ agoគ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានជាតិ១ សប្តាហ៍ agoយុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន
-
សេចក្ដីជូនដំណឹង១ សប្តាហ៍ agoស្ត្រីម្នាក់ទៀតហើយនៅខេត្តព្រៃវែង ឈ្នះរង្វាន់ ១២៥លានរៀលពីភេសជ្ជៈប៉ូវកម្លាំង ខារ៉ាបាវ